Grunngiving

Regjeringa har sett ned Rusreformutvalet som skal forberede gjennomføringa av regjeringas rusreform. Det skal utreie og føreslå ei modell for å oppnå føremålet med rusreformen. I mandatet står det at utvalet skal legge opp til ein open arbeidsform. På nettsida til Rusreformutvalet er det mogleg å sende innspel. Men det er ikkje mogleg å lese innspela som er komen inn. Media har bedt om innsyn i enkelte innspel, og slik er offentlegheita blitt kjent med innspel frå blant anna Statens helsetilsyn. Det er spørjarens syn at innspel må gjerast offentlege fordi dei er viktige i det offentlege ordskifte, og det synes ikkje som det er nokon grunn for å halde slike innspel unntatt offentlegheita.