Birgit Oline Kjerstad (SV): Er Bremanger Vindkraftverk AS omfatta av vedtak nr. 799 gjort av Stortinget 19. juni 2020, der Stortinget ber regjeringa om ikkje å gi utsett frist for vindkraftverk med gyldig konsesjon ut over 31.12.2021?
Grunngiving
I handsaminga av representantforslag 143 S (2019-2020) om sterkere vern av natur i vindkraftsaker, gjorde Stortinget 19. juni 2020 eit samrøystes vedtak der Stortinget ba regjeringa om ikkje å gi forlenga frist for idriftsettelse av vindkraftverk med gyldig konsesjon utover 31.12.2021. Det har vore stor motstand mot bygginga av dette vindkraftverket og svært mange klaga godkjenninga av MTA planen, som no ligg til handsaming i OED. Bremanger Vindkraftverk AS fekk konsesjon til å bygge vindkraftverk i Bremanger kommune 6. juni 2017, etter at OED omgjorde NVE sitt vedtak av 1. desember 2015 om å ikkje gi konsesjon til vindkraftverket. Kommunen har avslått søknaden frå Bremanger Vindkraftverk om dispensasjon frå LNFR område for planområdet to gongar, og OED har avslått søknad om å gi vindkraftverket verknad som statleg arealplan. Bremanger Vindkraftverk søkte på nytt om dispensasjon frå LNFR området for planen 6. november 2020 men kommunen gjorde vedtak om å avvente klagebehandinga av detaljplanen som enno ligg til handsaming i OED.