Terje Kollbotn (R): Har statsråden fått gjennomført eit kostnadsoverslag på kva ein varig og fullverdig rassikringsløysing i Oaldskor mellom Osklatunnellen og Stanatunnellen på riksveg 13 vil koste, og er dette noe regjeringen vil prioritere å få gjennomført?
Grunngiving
Eitt av dei mest rasutsatte partia på den som er rekna som den mest rasutsatte riksvegen i landet, riksveg 13 på Vestlandet, er Oaldskor mellom Okslatunnellen og Stanatunnellen nord for Tyssedal i Ullensvang kommune.
I somar gjekk det nok eit stort ras (og fleire mindre ras) over riksveg 13 i Oaldskor. Vegen vart sperra vegen i fleire døgn (med ein døgntrafikk på over 3 000 bilar, midt i turistsesongen). Det var nok eingong eit under at ikkje liv gjekk tapt.
Etter dette har det vore satt ut eit mellombels og døgnkontinuerleg vakthald i Oaldskor, for å kunne sperre vegen på kort varsel ved nye ras. Samstundes er arbeidet i gong med å sette opp eit nytt og noe sterkare fangnett, etter at det tidlegare fangnettet vart tatt i det siste raset.
Lokale kjentfolk, anleggsekspertise, lokalpolitikarer og lokalbefolkninga elles meiner at eit nytt fangnett langt i bfrå er tilstrekkeleg og vil gje falsk tryggleik. Det er behov for ein trygg, varig og fullverdig løysing – ein solid portal (med bakfylling og skrått armert betongtak) som bind dei to tunellane saman (ca. 60 meter). Ei slik løysing sikrar at framtidige ras vil gå over vegbanen og rett i Sørfjorden.