Guri Melby (V): Er det realistisk av Troms og Finnmark fylkeskommune å tru at det vil kome ekstra statlege midlar og statleg initiativ i planlegginga av Fv91 Ullsfjordforbindelsen for å realisere Nordområdevegen Tromsø-Alta, eller bør fylkeskommunen for å realisere Ullsfjordforbindelsen heller sjølv ta initiativ til regulering og planlegging av prosjektet og nytte seg av dei finansieringsordningane som allereie finst?
Grunngiving
Nordområdevegen er betegnelsen på ein raskare og kortare veg mellom Tromsø og Alta enn dagens trase på E8/E6. Når pågåande vegoppgraderingar, herunder E6 Kvænangsfjellet, er ferdige, er det kun Ullsfjordforbindelsen på Fv 91 som manglar for å kunne realisere Nordområdevegen. Innkortinga i reise mellom Tromsø og Alta vil då bli på over 100 kilometer i avstand, og langt over 1 time i reisetid. Prosjektet vil også bety svært mykje for Lyngen, som med dette får ferjefri veg til Tromsø.
Troms og Finnmark fylkeskommune har ikkje starta opp arbeid med regulering og planlegging av Fv91 Ullsfjordforbindelsen, fordi ein har forventingar om ekstra statlege midlar til prosjektet i samband med ny Nasjonal Transportplan. Det er viktig å få avklart om dette er realistisk, eller om fylkeskommunen bør gå fram på vanleg måte for eit fylkesvegprosjekt med sjølv å sørge for initiativ og framdrift i saka.