Skriftlig spørsmål

Spørsmål

Helge André Njåstad (FrP): Har statsråden formidla denne ambisjonen til Statsforvalterne?

Grunngiving

Statsråden sa i forbindelse med Distriktsmeldingen at folketalet skal auka. Eit hinder for folketalsauke er motsegn frå statsforvaltere på lokale planar.

Svar

Sigbjørn Gjelsvik: Det er eit mål for regjeringa at folk skal kunne leve gode liv i heile Noreg, at alle lokalsamfunn skal ha rom for utvikling og verdiskaping, og at folketalet skal auke i distriktskommunar.
Det er ei heil rekke faktorar som spelar inn, og er avgjerande for å nå dette målet.
Regjeringa tek sin del av dette ansvaret, og legg no fram eit budsjettforslag med mange tiltak med stor tyding for utviklinga i distrikta. Det gjeld til dømes stimuleringstiltak for bustadbygging, forbetra transporttilbod, halverte barnehageprisar i distriktskommunar og ei styrking av dei næringsretta verkemidla. Lista er lang.
Regjeringa la i juni i år fram nye nasjonale forventningar til regional og kommunal planlegging. Forventningane skal følgjast opp i fylkeskommunal og kommunal planlegging, og leggjast til grunn av statlege styresmakter når dei tek del i planprosessane. I dokumentet uttrykkjer regjeringa ei forventning om at det blir lagt til rette for å utvikle gode lokalsamfunn i bygd og by, i små tettstader og spreidd bygde område. Målet er ein politikk som sikrar tilgang til bustader og gode tenester, tilpassa regionale og lokale forhold. Målet er å legge til rette for ny vekst og sterkare utvikling i område med svak eller negativ utvikling i folketalet. Særleg i dei områda der folketalet går ned eller står stille, må det vere monaleg større vekt på dei lokale vurderingane og prioriteringane.
Regjeringa har i tildelingsbrevet til statsforvaltarane for 2023 formidla at det skal leggjast stor vekt på lokaldemokratiet, og at statlege motsegner skal bli færre og samordnast betre.

Stortinget.no

Skriftleg spørsmål fra Helge André Njåstad (FrP) til kommunal- og distriktsministeren

Spørsmål

Grunngiving

Svar