Liv Kari Eskeland (H): Kan statsråden gi ei oversikt over auke i biltrafikk for dei ferjer som er blitt gratis, med utgangspunkt i september 2022 og september 2023, der det blir delt opp pr samband, og der det kjem fram om trafikken går over øya (eksempel Austevoll) eller berre til øya (eksempel Huglo), og der det også kjem fram attståande bilar i desse to månadane, skilt på personbil og tungbil (om ein har tal på dette)?
Grunngiving
Det vert frå fleire hald varsla at trafikkmengda har auka grunna gratis ferje til enkelte øysamfunn. Dette fører til at det er meir trafikk på desse øyane enn det ein til no har vore van med, og det vegnettet er dimensjonert for. Vidare varslar næringslivet om at ein vert ståande att fordi kapasiteten på ferjene er sprengt. Det er difor av interesse å få ein statistikk på om dette medfører riktigheit.