Birgit Oline Kjerstad (SV): Kva er grunnen til at boligstiftingar ikkje kan få støtte frå ENOVA eller Husbanken til energiøkonomiseringstiltak, kva må i tilfelle gjerast for å endre dette, og vil statsråden ta initiativ til at bustadstiftingar kan få støtte til energieffektiviseringstiltak på like linje med til dømes burettslag?
Grunngiving
Det finst om lag 670 bustadstiftingar i Noreg. Bustadstiftingar er eigde av føremålet sitt og har ikkje eigarar som kan ta ut utbytte frå stiftinga, men dei er pålagde å ha ei ansvarleg kapitalforvaltning. Mange bustadstiftingar har i si tid vore oppretta etter initiativ frå kommuner for å løyse kommunen sitt ansvar for å skaffe bustad til menneske som av ulike grunnar har hatt bruk for hjelp av kommunen til å skaffe seg bustad.
Bustadstiftingar er «non profit» eigde av føremålet sitt og har vore eit viktig supplement til bustadmarknaden gjerne med lavere og subsidiert husleige enn elles i marknaden.
EU sitt krav om energieffektivisering og behovet for å renovere bustadane for å gjere kostnadane lågare med å varme opp bustadane vil kunne føre til at husleiga må setjast opp vesentleg eller meir enn det bebuarane og dermed stiftingane kan bere.