Liv Kari Eskeland (H): Vil statsråden syte for at Pasientreiser korrigerer sin praksis for korleis dei nyttar rabattert sonepris for kollektivreiser som grunnlag for kompensasjon av reiseutgifter, slik at ikkje pasientar i distrikta vert råka unødig hardt med tanke på bruk at kommersielle reiseaktørar som tilbyr kollektivreiser, der fylkeskommunale reisealternativ ikkje eksisterer eller er uforholdsmessige med tanke på tid og reiseveg?
Grunngiving
Frå fylkeskommunen i Vestland får vi opplyst føljande: Vestland fylkeskommune har innført eit sonepris-system med sterkt rabatterte prisar i fylket. ‘
Motivasjonen for å gjere dette å kutte klimautslepp ved at fleire skal nytte kollektivtilbod. Som kjent har Vestland lange avstandar og store skilnader kollektivtilbodet, med ein stor by og mange distriktskommunar. Det siste merkar ein særleg på at tilbodet til kollektivtransport er svært mykje større rundt Bergen enn elles i fylket. I tillegg er mange av rutene i distriktet drifta av kommersielle aktørar ( td. Nor-Way bussekspress og Vy). Desse har ikkje tilskot til drift, og reisekostnadane er derfor svært ulik den sonebiletten ein får på fylkeskommunale ruter.
Dette gjer at mange som skal til avtalar i både primærhelsetenesta, men særleg i spesialisthelsetenesta, ikkje får dekka reelle og naudsynte kostnader for å reise til behandling. Særleg grove utslag har ein sett at dette gjer overfor mennesker som må reise fleire gongar i veka, slik høvet til dømes er om ein treng dialyse-behandling.
Pasientreiser legg til grunn billegaste kollektive reisemåte, uten omsyn til om det faktisk går buss, om det går an å bruke buss for å nå behandlingstime eller om det går fylkeskommunal buss til rabattert pris. Dersom personen reiser med ekspressbuss (kommersiell) eller båt, så gjeld ikkje sonebilett, sjølv om det ikkje går anna kollektiv transport på strekninga.
I tillegg er ikkje dei elektroniske skjemaene til Pasientreiser tilpassa at nokre må reise med både buss og båt for å kome fram, og manglar ein rubrikk der ein kan forklare kvifor ein må nytte alternativ reisemåte.
Slik vi ser det vil fylket sin vilje til å bruke prismekanismer for å auke kollektivbruken, på ein urimeleg måte råke den gruppa som ikkje har sjanse til å nytte våre kollektivtilbod til/frå behandling. Desse vil i realiteten ikkje få dekka reiseutgifter, slik dei har krav på.