Frank Edvard Sve (FrP): Kva er fakta samferdselsminister, og kven informerer korrekt – er det samferdselsministeren som informerer korrekt ved å hevde at Statens vegvesen har ekstra beredskap ved store snøfall, eller er det Statens vegvesen i Agder som informerer korrekt ved å hevde at det IKKJE er ekstra beredskap og at det faktisk ikkje er lagt opp til at vegane alltid skal vere åpne ved stort snøfall?
Grunngiving
Samferdselsministeren har ved fleire anledninger uttalt at han skal ta fatt i og sjå på korleis beredskapen fungerar i Statens Vegvesen ved utfordrande værforhold.
Statsråden har også hevda at statens vegvesen har auka beredskapen, noko derimot no Statene Vegvesen i Agder bekrefter det stikk motsatte. Statens Vegvesen i Agder bekrefter i intervju i P4 at det IKKJE har vore ekstra beredskap med bakgrunn i det varsla store snøfallet, og at det ikkje er eit mål at vegane skal vere åpne for trafikk i snøvær. Ganske fantastisk egentlig, når det med andre ord ikkje finnes beredskap for skikkeleg vinterforhold innan Statens Vegvesen.
Overhode ikkje rart at samfunnet stopper opp ved god gammaldags Norsk vinter.
Statsråden har tydeleg eit problem med å formidle kva som faktisk er realiteten i saka ang beredskap innan Statens vegvesen sin vintervedlikehold, når statsråden faktisk viser til eit auka beredskap som angivelig ikkje finnes. Dette problemet har vi dessverre sett i andre områder der statsråden er unøyaktig til å gjengi fakta, dette er ikkje fyrste gongen.