Dokument nr. 15:1982 (2023-2024) Innlevert: 06.05.2024 Sendt: 06.05.2024 Svart på: 10.05.2024 av forsknings- og høyere utdanningsminister Oddmund Hoel
Kari-Anne Jønnes (H): Viser til statsrådens svar på mitt spørsmål nr. 1909 (2023-2024) der han skriver : «Det har ikkje vore mogleg å skaffe talla tilbake i tid som stortingsrepresentant Kari-Anne Jønnes ynskjer innan dei fristane som Stortinget har sett for handsaming av spørsmål til skriftleg svar.» Kan statsråden oversende tallene tilbake i tid slik jeg spurte om når han har fått oversikt?
Oddmund Hoel: Eg er glad for at representanten viser interesse for tidsbruken for handsaming av søknader om akkreditering hos Nasjonalt organ for kvalitet i utdanninga (NOKUT). Eg takkar for å få meir tid til å finne tala. Kunnskapsdepartementet har retta spørsmålet om tidsbruken i handsaming av søknader om akkreditering av høgare utdanning og høgare yrkesfagleg utdanning vidare til NOKUT. Det er nødvendig med ein del manuell samanstilling av dokumentasjon for å finne dei tala som representanten ber om, noko som tek litt tid. Eg tek sikte på å sende utfyllande informasjon til representanten innan 14. juni 2024.