Det blir i proposisjonen fremja forslag om å regulere
grunnbeløpet (G) og særtillegget i folketrygda
med verknad frå 1. mai 2008, heve nivået på tilleggspensjonen
som unge uføre er garanterte, samt auke løyvingar
på statsbudsjettet for 2008 som følgje av dette.
Det blir i proposisjonen gjort greie for drøftingane
mellom Regjeringa og Norsk Pensjonistforbund, Funksjonshemmedes
Fellesorganisasjon, Samarbeidsforumet av funksjonshemmedes organisasjoner,
Landsorganisasjonen i Noreg, Unio, Yrkesorganisasjonenes Sentralforbund
og Akademikerne.
Det gis framlegg om at grunnbeløpet
blir auka med 3 444 kroner frå 66 812
kroner til 70 256 kroner frå 1. mai 2008,
ei auking på 5,5 pst. frå 2007 til 2008. Dette
svarer til venta lønsvekst.
Partane blei samde om ein plan for å trappe
opp minstepensjonen til einslege pensjonistar slik at han frå 1. mai
2010 utgjer to gonger grunnbeløpet. Første steget
er å heve den ordinære satsen for særtillegget
frå 79,33 pst. til 94 pst. av grunnbeløpet frå 1. mai
2008. Satsen blir trappa vidare opp til 97 pst. av grunnbeløpet
frå 1. mai 2009 og til 100 pst. av grunnbeløpet
frå 1. mai 2010. Ektepar der begge er minstepensjonistar har òg
ordinær særtilleggssats, og får difor
full nytte av opptrappinga av særtillegget.
I samsvar med dette gjer Regjeringa framlegg om
at den ordinære satsen for særtillegget skal vere
94 pst. av grunnbeløpet frå 1. mai 2008.
Partane blei samde om å finansiere
auka særtillegg frå 1. mai 2008 ved å nytte
etterslepet knytt til alders-, uføre-, og etterlatnepensjonar
frå trygdeoppgjeret i fjor. Den vidare opptrappinga av
særtillegget er berekna å gi 113 mill. kroner
i meirutgifter i 2009, 354 mill. kroner i 2010 og 386 mill. kroner
i 2011 i akkumulerte beløp, med det grunnbeløpet
som er foreslått. Regjeringa vil kome med framlegg om løyvingar
til den vidare opptrappinga i åra framover i samband med
dei ordinære statsbudsjetta.
Ved å nytte etterslepet knytt til alders-,
uføre- og etterlatnepensjonar frå fjorårets
trygdeoppgjer til ein ekstraordinær auke i særtillegget,
vil det stå igjen eit etterslep knytt til andre ytingar
som blir regulerte med grunnbeløpet. Regjeringa vil så snart
som mogleg gjere framlegg for Stortinget om korleis denne verdien
skal førast tilbake til dei aktuelle ordningane innanfor
ei provenynøytral ramme.
Partane blei vidare samde om å betre
ordninga med garantert tilleggspensjon for unge uføre og gjer
framlegg om å auke dei framtidige pensjonspoenga frå 3,30
til 3,50 frå 1. mai 2008, jf. Ot.prp. nr. 64 (2007–2008)
Om lov om endringer i folketrygdloven samt Innst. O. nr. 76 (2007–2008).
Etter framlegga aukar pensjonane til einslege minstepensjonistar
frå 1. mai 2008 med 16 476 kroner til
136 296 kroner per år. For ektepar der begge er
minstepensjonistar aukar pensjonen med 31 896 kroner til
251 496 kroner per år. Pensjonen til einslege
unge uføre aukar med 14 112 kroner til 173 532
kroner per år.
Dei samla meirutgiftene i folketrygda for 2008 som
følgje av framlegga blir om lag 7 294 mill. kroner.
I tillegg kjem auka utgifter til statspensjonane som følgje
av høgare grunnbeløp frå 1. mai
2008, jf. St.prp. nr. 68 (2007–2008) Om lønnsregulering
for arbeidstakere i det statlige tariffområdet 2008 mv.
Den økonomiske ramma for trygdeoppgjeret
er fastsett etter Stortingets retningslinjer. Det er lagt til grunn
ei venta inntektsutvikling frå 2007 til 2008 på 5,5
pst. Vidare er det teke omsyn til avviket mellom den venta og reelle
inntektsutviklinga frå 2006 til 2007 på 0,65 pst.
Partane blei samde om ei fordeling innanfor
den økonomiske ramma der ein i år nyttar noko
av midlane til å heve minstepensjonane. Staten bidreg med
midlar til å trappe opp minstepensjonen dei komande to åra,
og til å betre ordninga for unge uføre. Dei lågaste
pensjonane får eit særskilt løft, mens
andre pensjonistar får ein noko mindre auke i pensjonane
i år enn om heile ramma hadde vore nytta til å heve
grunnbeløpet.
Partane er medvetne om at reguleringa av grunnbeløpet
i år ikkje fullt ut er i tråd med Stortingets
retningslinjer. Regjeringa tilrår at Stortinget gjer eit
unnatak frå retningslinjene i år. Partane er samde
om at retningslinjene for reguleringa av grunnbeløpet skal
leggjast til grunn ved oppgjeret i 2009.
Det vises til proposisjonens pkt. 2 for nærmare utgreiing
av drøftingane.
Tabellen nedanfor viser utviklinga av minstepensjonane
og pensjonane for unge uføre fødde etter 1940
frå 1. mai 1992 etter framlegget til pensjonsregulering.
Utviklinga av minstepensjonane og pensjonane for unge uføre
i perioden 1. mai 1992–30. april 2009. Kroner
| Minstepensjon | Unge uføre
fødde etter 1940 |
| Einslege | Ektepar | |
| Pr. år | Pr. md. | Pr. år | Pr. md. | Pr. år | Pr. md. |
1.05.92-30.04.93 | 58 583 | 4 882 | 94 752 | 7 896 | 87 096 | 7 258 |
1.05.93-31.12.93 | 59 868 | 4 989 | 96 816 | 8 068 | 88 992 | 7 416 |
1.01.94-30.04.94 | 59 868 | 4 989 | 101 0881 | 8 4241 | 88 992 | 7 416 |
1.05.94-31.12.94 | 61 116 | 5 093 | 103 200 | 8 600 | 90 852 | 7 571 |
1.01.95-30.04.952 | 61 512 | 5 126 | 103 992 | 8 666 | 90 852 | 7 571 |
1.05.95-30.04.96 | 63 372 | 5 281 | 107 136 | 8 928 | 93 600 | 7 800 |
1.05.96-30.04.97 | 66 240 | 5 520 | 111 984 | 9 332 | 97 836 | 8 153 |
1.05.97-30.04.983 | 69 360 | 5 780 | 117 456 | 9 788 | 101 412 | 8 451 |
1.05.98-30.04.994 | 81 360 | 6 780 | 140 040 | 11 670 | 108 252 | 9 021 |
1.05.99-30.04.00 | 84 204 | 7 017 | 144 912 | 12 076 | 112 032 | 9 336 |
1.05.00-30.04.01 | 88 032 | 7 336 | 151 512 | 12 626 | 117 132 | 9 761 |
1.05.01-30.04.02 | 92 100 | 7 675 | 158 520 | 13 210 | 122 544 | 10 212 |
1.05.02-30.04.03 | 97 140 | 8 095 | 167 208 | 13 934 | 129 252 | 10 771 |
1.05.03-30.04.04 | 101 964 | 8 497 | 181 2005 | 15 100 | 135 660 | 11 305 |
1.05.04-30.04.05 | 105 408 | 8 784 | 190 2486 | 15 854 | 140 244 | 11 687 |
1.05.05-30.04.06 | 108 852 | 9 071 | 199 5127 | 16 626 | 144 828 | 12 069 |
1.05.06-30.04.07 | 112 788 | 9 399 | 206 712 | 17 226 | 150 060 | 12 505 |
1.05.07-30.04.08 | 119 820 | 9 985 | 219 600 | 18 300 | 159 420 | 13 285 |
1.05.08-30.04.098 | 136 296 | 11 358 | 251 496 | 20 958 | 173 5329 | 14 461 |
1 Heving av sats for særtillegget for ektepar
frå 1. januar 1994. Ny sats 2 x 60,5 pst. av grunnbeløpet,
dvs. dobbelt av ordinær sats og ny minstesats.
2 Heving av sats for særtillegget frå 1. januar 1995.
Ordinær sats utgjorde 61,55 pst. av grunnbeløpet.
3 Heving av sats for særtillegget frå 1. mai
1997. Ordinær sats utgjorde 63,2 pst. av grunnbeløpet (minstesats
57,5 pst.).
4 Heving av sats for særtillegget frå 1. mai
1998. Ordinær sats er 79,33 pst. av grunnbeløpet,
medan minstesats er 74 pst. av grunnbeløpet.
5 Grunnpensjonen for ektepar auka frå 0,75 G
til 0,8 G frå 1. mai 2003.
6 Grunnpensjonen for ektepar auka til 0,825 G frå 1. mai
2004.
7 Grunnpensjonen for ektepar auka til 0,85 G frå 1. mai
2005.
8 Det er gjort framlegg om å heve ordinær sats for
særtillegget til 94 pst. av grunnbeløpet frå 1. mai
2008.
9 Det er gjort framlegg om å heve medrekna framtidige
pensjonspoeng for unge uføre frå 3,30 til 3,50
frå 1. mai 2008.
Kjelde: Arbeids- og velferdsdirektoratet
Pensjonane til den einskilde aukar til vanleg
tilsvarande veksten i grunnbeløpet. Gjennomsnittleg pensjon
har auka med meir enn grunnbeløpet. Dette kjem av at pensjonistane
i aukande grad har tent opp tilleggspensjon. Pensjonane for ektepar
og sambuande auka sterkare enn grunnbeløpet i åra
2003–2006. Årsaka er at grunnpensjonen for ektepar
og sambuande auka frå 0,75 G til 0,8 G
frå 1. mai 2003, til 0,825 G frå 1. mai
2004 og til 0,85 G frå 1. mai 2005. Den
siste endringa fekk heilårsverknad i 2006.
Den gjennomsnittlege auken i grunnbeløpet
og pensjonane for dei einslege minstepensjonistane er i perioden
2002–2007 på 4,4 pst., som er 0,2 prosentpoeng
meir enn tilsvarande utvikling for lønstakarar i alt i
same tidsrom. For ektepar og sambuande med minstepensjon var veksten sterkare
av di grunnpensjonen blei trappa opp.
Minstepensjonen har hatt ein særleg
sterk realvekst, noko som heng saman med at satsane for særtillegget
er trappa opp gjennom åra. Denne utviklinga vil halde fram
dei neste åra som følgje av planen for opptrappinga
av særtillegget som partane blei samde om i trygdeoppgjeret
i år.
Det blir i proposisjonen gjort greie for dei
særlege skattereglane som gjeld for pensjonistar i 2008
og som i hovudsak er ei vidareføring av skattereglane frå 1992.
Krigspensjonane blir samordna med pensjon frå folketrygda.
Det blir gjort framlegg om å auke løyvinga under
kap. 660 Krigspensjonering med 11 mill. kroner for 2008.
På bakgrunn av at avtalefesta pensjon
og pensjonstrygd for sjømenn skal regulerast i høve
til ytingane i folketrygda, blir det gjort framlegg om at statstilskottet
til avtalefesta pensjon (kap. 666 post 70 ) auke med 37 mill. kroner
og at løyvingane til pensjonstrygda for sjømenn
(kap. 664 post 70 ) aukar med 42 mill. kroner.
Det blir i proposisjonens pkt. 9 gjort greie
for Ytingar til attføring. Det blir gjort framlegg om å auke
løyvinga for 2008 under kap. 2653 Ytingar til yrkesretta
attføring, post 70 attføringspengar med 323 mill.
kroner. Budsjettverknaden på kap. 2543 Ytingar til yrkesretta
attføring, post 71 attføringsstønad er
rekna å vere så låg at det ikkje gjev
grunnlag for å endre løyvinga for 2008.
Det blir i proposisjonens pkt. 10 gjort nærmare greie
om auken i minstepensjonane, medrekna folketrygda, supplerande pensjonar
og bustønad.
Avslutningsvis blir det i proposisjonen gjort greie
for mindreutgifter til andre ytingar frå folketrygda. Ved å nytte
etterslepet knytt til alders-, uføre og etterlatnepensjonar
frå trygdeoppgjeret i fjor til å auke særtillegget,
vil dei andre ytingane som blir regulerte gjennom grunnbeløpet
få ein svakare auke enn dei elles kunne ha fått.
Etter avtalen med organisasjonane har staten forplikta seg til å føre
denne verdien attende til dei aktuelle ordningane innanfor ei provenynøytral
ramme. Regjeringa vil så snart som mogleg leggje fram for
Stortinget forslag til korleis dette skal gjerast.