Prosjektet rv. 70 Oppdølstranda skal sikra ein rassikker
veg på den rasfarlege strekninga mellom Sunndalsøra og Oppdøl i
Møre og Romsdal. Etter ekstern kvalitetssikring legg Samferdselsdepartementet
til grunn ei styringsramme for prosjektet på 880 mill. kroner og
kostnadsramme 945 mill. kroner (2011-nivå). Styringsramma er i tråd
med tilrådinga frå den eksterne konsulenten. Den eksterne konsulenten
tilrådde ei kuttliste, som i tilfelle skulle leggjast til grunn
ved overskriding av styringsramma. Denne er ikkje teken til følgje.
Konsulenten tilrådde såleis ei noko lågare kostnadsramme enn det
som blir lagt til grunn.
Det er lagt opp til anleggsstart på prosjektet våren
2011. Prosjektet er venta opna for trafikk ved årsskiftet 2013/2014.