Justis- og beredskapsdepartementet legger i
proposisjonen fram forslag om endringar i løyvingane under diverse
kapittel i statsbudsjettet for 2013.
Løyvinga dekker ordinære driftsutgifter i Justis- og
beredskapsdepartementet.
Det vert foreslått å redusere løyvinga under
kap. 400 post 1 med 1 mill. kroner mot ein tilsvarande auke under
kap. 430 post 1, jf. omtale under kap. 430.
For å sikre riktig postbruk vert det foreslått
å auke løyvinga med 2,3 mill. kroner knytt til utgifter for konsulentar
og utval under kap. 400 post 1 mot tilsvarande reduksjon under kap.
440 post 1.
Samla vert det foreslått å auke løyvinga under kap.
400 post 1 med 1,3 mill. kroner.
Løyvinga dekker utgifter til faste og variable lønnsutgifter
og lønnsutgifter til tilkalla og ekstraordinære dommarar.
I samanheng med Stortingets vedtak i Innst.
275 L (2010–2011) om innføring av datalagringsdirektivet, vert løyvinga
til domstolane auka med 12 mill. kroner til ei vaktordning ved Oslo
tingrett. Tidspunktet for når lova trer i kraft er utsett.
På denne bakgrunn vert det foreslått å redusere løyvinga
under kap. 410 post 1 med 12 mill. kroner.
Løyvinga dekker utgifter som etter rettsgebyrlova
er inkludert i rettsgebyret, jf. kap. 3410.
I samanheng med at det lovbestemte kravet om kunngjering
blei fjerna, er halvårsverknaden av innsparinga på 26,5 mill. kroner.
På grunn av etterslep av fakturering for kunngjeringane, vert innsparing
for 2013 mindre enn forventa.
På denne bakgrunn vert det foreslått å auke
løyvinga med 5,9 mill. kroner.
På posten vert det ført inntekter frå gebyrpliktige oppgåver
i domstolane i samband med sivile saker, tinglysing, skjønn, tvangsforretning,
skifte, konkurs m.m.
I Prop. 1 S (2012–2013) blei det foreslått å
gebyrlegge notarialforretningar inkl. vigslar i domstolane og oppbevaring
av testament i domstolane frå 1. april 2013. Løyvinga under kap.
3410 post 1 blei derfor auka med 20,6 mill. kroner i saldert budsjett
2013.
Forseinkingar med lovarbeidet gjorde at lova trådde
i kraft først frå 1. juli 2013. Som eit resultat av utsetjinga og
noko høgare gebyrsatsar i det endelege lovforslaget i Prop. 148
L (2012–2013) blei løyvinga redusert med 2 mill. kroner i revidert
nasjonalbudsjett for 2013.
I samanheng med Stortingets behandling av Prop.
148 L (2012–2013) blei det avgjort at vigslar likevel ikkje skal
gebyrleggjast. Dette fører til ein årleg inntektsreduksjon på 12
mill. kroner (Prop. 148 L (2012–2013)). Halvårsverknaden er 6 mill.
kroner. Rekneskapstala viser i tillegg ein nedgang i inntektene
som det også må takast høgde for.
Det vert på denne bakgrunnen foreslått å nedjustere
løyvinga med 24 mill. kroner.
Løyvinga dekker faste og variable lønnsutgifter.
Løyvinga vert foreslått auka med 3 mill. kroner, til
kjøp av teknisk utstyr til jordskiftedomstolane.
Jordskifteretten har heimel til å kreve inn
sideutgifter i visse saker. Sideutgiftene skal dekke det tekniske
arbeidet i desse sakene. Utgiftene vert førd i eigne saksrekneskap,
og utgifter og inntekter skal vere i balanse når saka er fullstendig.
På bakgrunn av rekneskapstal vert løyvinga under
kap. 3413 post 2 foreslått auka med 3 mill. kroner. Kap. 413 post
21 vert følgeleg foreslått auka med tilsvarande sum.
Løyvinga på posten omfattar inntekter ved at
partane i saka betaler gebyr.
I samanheng med overgang til eit felles rekneskapssystem,
er det inntektsført 6 mill. kroner ekstra som jordskiftedomstolane
har hatt som reserve tidlegare. Følgeleg vert løyvinga foreslått
auka med 6 mill. kroner.
Løyvinga på posten er knytt til tilsvarande
utgifter under kap. 413 post 21.
På bakgrunn av rekneskapstal og venta utvikling, vert
løyvinga under kap. 3413 post 2 foreslått auka med 3 mill. kroner.
Løyvinga dekker ordinære driftsutgifter i kriminalomsorga.
Justis- og beredskapsdepartementet har fått
fullmakt til å overskride løyvinga under kap. 430 post 1 mot tilsvarande
meirinntekter under kap. 3430 post 3. Det vert derfor foreslått
å auke løyvinga under kap. 430 post 1 og kap. 3430 post 3 med 2
mill. kroner, og løyvinga under kap. 430 post 1 mot tilsvarande
meirinntekter under kap. 3430 post 4. Det vert derfor foreslått
å auke løyvinga under kap. 430 post 1 og kap. 3430 post 4 med 0,6
mill. kroner.
Kriminalomsorgsdirektoratet (KDI) vart skild
ut frå Justis- og beredskapsdepartementet i juni 2013. I samband
med revidert nasjonalbudsjett for 2013 vart det følgjeleg overført
20 årsverk til direktoratet. Seinare er det bestemt at tre årsverk
i tillegg skal overførast KDI.
Det vert derfor foreslått å auke løyvinga under kap.
430 post 1 med 1 mill. kroner mot tilsvarande reduksjon under kap.
400 post 1.
Samla vert det foreslått å auke løyvinga under kap.
430 post 1 med 3,6 mill. kroner.
Løyvinga dekker refusjonar til kommunale omsorgstiltak
for prøvelauslatne frå forvaring og varetektssurrogat. I 2013 er
det venta ein reduksjon i utgiftene under kap. 430 post 60, og det
vert derfor foreslått å redusere løyvinga med 36 mill. kroner.
Justis- og beredskapsdepartementet har fått
fullmakt til å overskride løyvinga under kap. 430 post 1 mot tilsvarande
meirinntekter under kap. 3430 post 3. Det vert derfor foreslått
å auke løyvinga under kap. 3430 post 3 med 2 mill. kroner mot ein
tilsvarande auke i løyvinga under kap. 430 post 1.
Løyvinga dekker tilskot til deltaking i internasjonalt
fengselssamarbeid under EØS finansieringsmekanismane.
Tilskot til samarbeid med EØS er venta å bli
høgare enn det som er lagt til grunn for løyvinga i 2013. Prosjektmidlar
blir gjort tilgjengeleg for kriminalomsorga etterskotsvis etter
innsendt dokumentasjon av utgifter. Utbetalingane i 2013 er venta
å bli 2,7 mill. kroner.
Det vert derfor foreslått å auke løyvingane
under kap. 3430 post 4 og kap. 430 post 1 med 0,6 mill. kroner.
Løyvinga dekker alle ordinære driftsutgifter
ved Politidirektoratet, politidistrikta (ikkje Oslo politidistrikt),
politireserven og politiet sine særorgan (ikkje Politihøgskulen).
Regjeringa vil styrke returarbeidet og auke
innsatsen for retur av kriminelle utlendingar. For å kunne auke
talet på uttransporteringar av utlendingar utan lovleg opphald med
ytterlegare 700, vert det foreslått å auke løyvinga til saman 16,1
mill. kroner, av dette 3,1 mill. kroner under kap. 440 post 1.
Politiets Utlendingseinig må auke innsatsen
på registrering når det kjem fleire asylsøkjarar. Prognosane syner
at det vil kome 2 000 fleire asylsøkjarar i 2013 enn tidlegare lagt
til grunn. Justis- og beredskapsdepartementet foreslår derfor å
auke løyvinga med til saman 8,6 mill. kroner, av dette 4,9 mill.
kroner under kap. 440 post 1.
Samla vert det foreslått å auke løyvinga under kap.
440 post 1 med 45,6 mill. kroner, herunder både omdisponeringar
og parallelljusteringar.
Løyvinga dekker sideutgifter som politi- og
lensmannsetaten har i samband med asylsaker, under dette utgifter
til uttransportering i asylsaker og andre utlendingssaker. Regjeringa
foreslår å auke måltalet for uttransporteringar med 700 i 2013,
til 5 800. Det vert foreslått å auke løyvinga med til saman 16,1
mill. kroner, av dette 13 mill. kroner under kap. 440 post 21.
Politiet må auke innsatsen på registrering når
det kjem fleire asylsøkjarar. Det vert derfor foreslått å auke løyvinga
med til saman 8,6 mill. kroner, av dette 3,7 mill. kroner under
kap. 440 post 21.
Regjeringa vil òg styrke innsatsen for soningsoverføring
og retur av kriminelle utlendingar. Regjeringa foreslår å avsette
midlar til å finansiere heimtransport av 15 innsette slik at dei
kan halde fram med soning i heimlandet (soningsoverføring). Det vert
derfor foreslått å auke løyvinga med 0,5 mill. kroner.
Samla vert løyvinga under kap. 440 post 21 foreslått
auka med 17,2 mill. kroner.
Løyvinga dekker utgifter til søk etter omkomne på
havet, i innsjøar og vassdrag. Løyvinga på posten dekker også nokre
personellutgifter og eventuelle utgifter til å betre søkjemetodane.
På bakgrunn av rekneskapstal og venta utvikling, vert
det foreslått å auke løyvinga under kap. 440 post 22 med 1,9 mill.
kroner.
Løyvinga dekker sideutgifter i samband med dei sivile
gjeremåla. På bakgrunn av rekneskapstal og venta utvikling, vert
det foreslått å auke løyvinga under kap. 440 post 23 med 7 mill.
kroner.
Løyvinga dekker inntekter frå innbyte og sal
av utskifta køyretøy m.m. Justis- og beredskapsdepartementet har
fått fullmakt til å overskride løyvinga under kap. 440 post 1 mot
tilsvarande meirinntekter under kap. 3440 post 3. På bakgrunn av
rekneskapstal og venta utvikling, vert det foreslått å auke løyvinga under
kap. 3440 post 3 med 18,6 mill. kroner.
Løyvinga dekker eingongsgebyr til dekking av utgifter
ved behandling av søknader og gebyr ved feilalarmar der politi-
og lensmannsetaten rykkjer ut. Posten dekker også gebyr for Oslo
politidistrikt. Justis- og beredskapsdepartementet har fullmakt
til å overskride løyvinga under kap. 440 post 1 mot tilsvarande
meirinntekter under kap. 3440 post 4. På bakgrunn av rekneskapstal
og venta utvikling, vert det foreslått å redusere løyvinga under
kap. 3440 post 4 med 9,2 mill. kroner.
Løyvinga dekker gebyr i samband med søknader om
statsborgarskap, familieinnvandring og løyve for arbeid, busetting
og utdanning. Som følge av redusert gebyr og sakstilgang, vert det
foreslått å redusere løyvinga under kap. 3440 post 6 med 3,6 mill.
kroner, jf. omtale under kap. 440 post 1.
Løyvinga dekker alle ordinære driftsutgifter
ved Oslo politidistrikt.
Samla vert det som følgje av omdisponeringar, foreslått
å redusere løyvinga under kap. 441 post 1 med 33,3 mill. kroner.
Oslo politidistrikt har fått midlar til ulike
anskaffingar for køyretøy, helikopterutstyr og spesialutstyr i 2013.
For at Oslo politidistrikt skal kunne foreta bestillinger av nytt
materiell som kjem til utbetaling neste år, vert det foreslått ei
bestillingsfullmakt på 25 mill. kroner under kap. 441 post 1, jf.
forslag til vedtak.
Løyvinga dekker lønnsutgifter og andre driftsutgifter
ved Politihøgskulen.
Samla vert det foreslått som følgje av endra
inntektsanslag og omdisponeringar, å auke løyvinga under kap. 442
post 1 med 4,2 mill. kroner.
Løyvinga dekker inntekter frå drifta av Justissektorens
kurs- og øvingssenter i Stavern. På bakgrunn av endra inntektsanslag
vert det foreslått å auke løyvinga under kap. 3442 post 3 med 5
mill. kroner.
DSB administrerer helikopterberedskapen for skogbrann
i Noreg. Løyvinga dekker kostnadane tilknytta flytimar. Vidare dekker
posten tilskot til SINTEF/Norges brannlaboratorium.
Skogbrannane i Noreg har medført meirutgifter på
0,5 mill. kroner som følge av meir omfattande bruk av skogbrannhelikopter
enn venta. Det vert derfor foreslått å auke løyvinga på kap. 451
post 21 med 0,5 mill. kroner.
Løyvinga dekker utgifter til å engasjere private selskap,
til dømes helikopterselskap, og frivillige redningsorganisasjonar
i det enkelte redningstilfellet, refusjon til frivillige hjelparar
for innsats i redningstenesta, forbruk og erstatning av tapt materiell mv.
Forbruket på posten er vanskeleg å anslå. Utgiftene varierer med
mengde og omfang av redningsaksjonar. Det har m.a. vore ei generell
auke i talet på hendingar.
Rekneskapstal hausten 2013 viser at det har
vore eit vesentleg meirforbruk på posten i siste halvår 2013. Dette
kjem av at hendingane har kravd større bruk av sivile helikopter-
og flyressursar enn før. På denne bakgrunn vert det foreslått å
auke løyvinga under kap. 455 post 21 med 5 mill. kroner.
Løyvinga dekker diverse investeringar til Hovudredningssentralen,
og enkelte investeringar knytt til COSPAS-SARSAT. Løyvinga dekker
også investeringar i redningshelikoptertenesta. Investeringane under
posten er ein føresetnad for å ivareta dei nasjonale og internasjonale
forpliktingane i redningstenesta.
I budsjettet for 2013 er det tatt høgd for utbetaling
i samband med inngåing av kontrakt om nye redningshelikopter i samsvar
med vanlig prosedyre i slike avtalar. Løyvinga er lagt til kap.
2309 Tilfeldige utgifter grunna forhandlingane.
På bakgrunn av oppdaterte anslag på utbetalingar knytt
til inngåing av kontrakt vert løyvinga på kap. 455 post 45 foreslått
auka med 939 mill. kroner. Løyvinga på kapittel 2309 vert foreslått
redusert i samsvar med oppdatert anslag.
Løyvinga dekker tilskot til dei frivillige organisasjonane
i redningstenesta.
I Prop. 77 S (2012–2013), jf. Innst. 448 S (2012–2013)
vart dei frivillige organisasjonane tatt opp som brukarar i Naudnett,
og får dekt sine kostnadar knytt til Naudnett.
Kjøpet av radioterminalar til dei frivillige
organisasjonane i Naudnett i 2013 er avslutta, men det er ikkje
forventa at faktura vil forfalle til betaling i 2013. På denne bakgrunn
vert det foreslått at løyvinga under kap. 455 post 71 blir redusert
med 3,246 mill. kroner.
Løyvinga dekker mellom anna tilskot til Telenor for
den samfunnspålagde tenesta som Telenor utfører i samanheng med
Kystradioen si naud- og sikkerheitsteneste.
Det er venta eit mindreforbruk på 1,3 mill.
kroner på posten. På denne bakgrunn vert det foreslått å redusere
løyvinga med 1,3 mill. kroner.
Løyvinga dekker driftsutgifter til Spesialeininga for
politisaker.
Det vert foreslått å redusere kap. 460 post
1 med 200 000 kroner mot ei lik oppjustering av kap. 410 post 21.
Løyvinga dekker utgifter til salær og reise-
og kostgodtgjering til forsvararar, bistandsadvokatar, tolkar og
sakkunnige som er oppnemnd av retten i den einskilde saka eller
av Kommisjonen for gjenopptaking av straffesaker. Løyvinga dekker
òg tapt arbeidsforteneste til tolkar og sakkunnige som ikkje har
krav på salær i straffesaker. Løyvinga dekker vidare visse utgifter
til Den rettsmedisinske kommisjon, som honorar/godtgjering og reise-
og kursutgifter. Løyvinga dekker dessutan salær og reise- og opphaldsutgifter
til aktor i militære straffesaker, visse utgifter i sivile saker
og utgifter i Justis- og beredskapsdepartementet til omsetting i
rettsoppmodings- og utleveringssaker.
På bakgrunn av rekneskapstal og venta utvikling, vert
det foreslått å auke løyvinga under kap. 466 post 1 med 47 mill.
kroner.
Norsk Lovtidend inneheld kunngjeringar av lover,
forskrifter og ein del andre vedtak. Løyvinga på posten dekker utgifter
til tilverking av manuskript og arbeidet med den elektroniske utgåva
av Norsk Lovtidend.
På bakgrunn av rekneskapstal og venta utvikling, vert
det foreslått å auke løyvinga under kap. 467 post 1 med 1 mill.
kroner.
Løyvinga dekker godtgjersle til kommisjonens medlemer
og anna godtgjersle, lønn til medarbeidarane til sekretariatet samt
andre driftsutgifter knytt til sekretariatet til kommisjonen.
Det vert foreslått å redusere kap. 468 post
1 med 1,3 mill. kroner mot ei lik oppjustering av kap. 410 post
21.
Løyvinga dekker utgifter til sakkunnige og meddommarar
m.m. i saker der det er gitt fri sakføring. Grunna ordninga sin
karakter er det vanskeleg å vurdere utgiftene.
På bakgrunn av rekneskapstal og venta utvikling, vert
det foreslått å auke løyvinga under kap. 470 post 1 med 2 mill.
kroner.
Løyvinga dekker utgifter til advokat m.m. i
saker der det er gitt heil eller delvis fri sakførsle.
På bakgrunn av rekneskapstal og venta utvikling, vert
det foreslått å auke løyvinga under kap. 470 post 70 med 38 mill.
kroner.
Løyvinga dekker utgifter til advokatar og rettshjelparar
i saker der det er gitt fritt rettsråd.
På bakgrunn av rekneskapstal og venta utvikling, vert
det foreslått å redusere løyvinga under kap. 470 post 71 med 13,5
mill. kroner.
Løyvinga dekker primært tilskot til rettshjelpsverksemd.
Det vert foreslått å redusere løyvinga under
kap. 470 post 72 med 0,5 mill. kroner mot ei lik oppjustering av
kap. 410 post 1.
Sakskostnader tilkjend staten i benefiserte
saker vert førd under denne posten.
På bakgrunn av rekneskapstal og venta utvikling, vert
det foreslått å nedjustere løyvinga under kap. 3470 post 1 med 2
mill. kroner.
Utbetalingar som følger av at staten er erstatningsansvarleg
etter dei alminnelege erstatningsreglane eller har inngått forlik
utan å vedgå ansvar, vert belasta denne posten. Løyvinga dekker
ikkje utbetalingar som følger av staten sitt ansvar i kontrakttilhøve
og ansvar i samband med staten si forretningsdrift.
På bakgrunn av rekneskapstal og venta utvikling, vert
det foreslått å redusere løyvinga under kap. 471 post 71 med 55
mill. kroner.
Løyvinga dekker driftsutgifter til Kontoret
for valdsoffererstatning og Rådgivingskontora for offer for kriminalitet.
Det vert foreslått å redusere kap. 472 post
1 med 1 mill. kroner mot ei lik oppjustering av kap. 410 post 21.
Løyvinga er ei regelstyrd overslagsløyving og skal
gå til erstatning i saker etter valdsoffererstatningslova, m.a.
sakskostnader i samband med søknaden og klagebehandlinga.
På bakgrunn av rekneskapstal og venta utvikling, vert
det foreslått å auke løyvinga under kap. 472 post 70 med 178 mill.
kroner.
Løyvinga på posten dekker driftsutgifter til
Statens sivilrettsforvaltning og godtgjersle, reise- og kursutgifter
til medlemer av utvala for rettferdsvederlag og Erstatningsnemnda
for valdsoffer, samt driftsutgifter til Den rettsmedisinske kommisjon.
Det vert foreslått å redusere kap. 473 post
1 med 1,1 mill. kroner mot ei lik oppjustering av kap. 410 post
21.
Det vert foreslått å auke løyvinga med 0,2 mill. kroner.
Samla vert det foreslått å redusere kap. 473
post 1 med 0,9 mill. kroner.
Inntektene på posten er refusjonar som skal
dekke utgifter som Den rettsmedisinske kommisjon har i samanheng
med kurs og eventuelle andre inntekter.
Det vert foreslått å auke løyvinga med 0,2 mill. kroner.
Løyvinga dekker drifta av 22 konfliktråd og
Sekretariatet for konfliktråda.
Det vert foreslått å redusere løyvinga under
kap. 474 post 1 med 0,5 mill. kroner mot ei lik oppjustering av
kap. 410 post 21.
Justis- og beredskapsdepartementet har fullmakt til
å overskride løyvinga under kap. 474 post 1 mot tilsvarande meirinntekter
under kap. 3474 post 2. Kap. 3474 post 2 er foreslått redusert med
2,1 mill. kroner, forslaget for kap. 474 post 1 vil derfor vere tilsvarande.
I sum vert det foreslått å redusere kap. 474
post 1 med 2,6 mill. kroner.
Inntekter på posten er refusjonar som skal dekke utgiftene
til konfliktråda i samband med kurs og konferansar.
På bakgrunn av rekneskapstal og venta utvikling, vert
det foreslått å redusere løyvinga under kap. 3474 post 2 med 2,6
mill. kroner.
Løyvinga dekker staten sine regelstyrte utgifter
i samband med behandling av saker om tvangsoppløysing av aksjeselskap
og saker om konkurs etter konkurslova § 73.
På bakgrunn av rekneskapstal og venta utvikling, vert
det foreslått å redusere løyvinga under kap. 475 post 1 med 12 mill.
kroner.