Anita Apelthun Sæle (KrF):
Eg tillèt
meg å stilla følgjande spørsmål til justisministeren:
Kva vil justisministeren gjera for å
stoppa den ulovlege omsetjinga av videovald og porno, som media - Dagbladet
26. oktober 1993 - synest å ha avslørt?
Statsråd Grete Faremo:
Den nemnde
avisartikkelen avdekkjer ei urovekkjande utvikling og illustrerer kor viktig
det er at politiet er merksam på og også rettar innsatsen sin mot dette
området. Ved Oslo politikammer har eg fått opplyst at ein der er uroleg for
den negative utviklinga og har sett i verk aksjonar mellom anna mot
omsetnadsstader som er nemnde i artikkelen. Fleire aksjonar og tiltak er
planlagde, samstundes som politikammeret går gjennom omfattande materiale
som er beslaglagt med tanke på strafferettsleg oppfølging.
Eg har eit klart inntrykk av at
politiet også andre stader i landet tek problemet alvorleg og gjer sitt
beste for å avsløre og kjempe mot den uakseptable innførsla og salet av
ulovleg videovald og pornografi. Ei kort rundspørjing til sentrale
politikammer viser likevel at Oslo har dei langt største problema.
Eg har notert meg Oslo politikammer si
forvissing om at problemet blir tatt alvorleg, men eg vil likevel følgje
utviklinga nøye gjennom kontakt med politikammeret og Riksadvokaten.
Denne omfattande omsetnaden av
pornografi viser at det er etterspurnad og ein marknad, noko eg finn
urovekkjande. Ein innsats som skal lukkast, kan derfor ikkje berre
avgrensast til politiet. Vi må vere viljuge til å diskutere kvinne- og
menneskesyn, og mange må ta eit oppgjer med eigne haldningar. Her ligg
store oppgåver for mange som har med ungdom å gjere.
Det er slik at mykje av den ulovlege
pornoen som blir omsett, er produsert i utlandet. Noreg vil derfor halde
fram med si internasjonale pådrivarrolle for vidare å utvikle
samarbeidstiltak og det formelle regelverket. Det er også naudsynt at
politi- og tolletaten samarbeider, slik at mest mogeleg av dette kan bli
stansa før det kjem inn i landet.
Anita Apelthun Sæle (KrF):
Eg takkar
for svaret, og eg er glad for det ministeren seier om menneskeverdet i denne
samanhengen, for videovald avlar vald. Åtte valdsoffer i Oslo dagleg er nok
ikkje tilfeldig. Nyare forsking stadfestar det vi visste. Dersom ikkje
folk såg vald på TV, ville det årleg vore 10000 færre drap i USA, seier
forskinga. Den konkluderer også med 70000 færre valdtekter og 700000 færre
skadar på grunn av åtak dersom ein reduserte valden i TV.
Også i Noreg haustar vi som vi sår,
det må vi rekna med, og mitt oppfølgingsspørsmål til justisministeren er då:
Ser justisministeren på ulovleg videovaldomsetnad som eit isolert onde,
eller ser ein også på det som ei av årsakene til valdsbruken i samfunnet?
Statsråd Grete Faremo:
Denne
kriminalitetsformen kan ikke ses isolert, og ikke minst i Oslo har vi større
oppmerksomhet rettet inn mot den organiserte kriminaliteten med forgrening
til både økonomisk kriminalitet, narkotikakriminalitet og den
kriminalitetsformen vi her diskuterer. Det er for meg nødvendig å ta
utgangspunkt i det kvinnesyn, det menneskesyn, vi vil skal ligge til grunn.
Derfor er også Regjeringen opptatt av å styrke det holdningsskapende
arbeidet i tillegg til arbeidet med regelverk og den etterfølgende
oppfølging og kontroll.
Anita Apelthun Sæle (KrF):
Takk for
svaret igjen. Eg er også glad for det statsråden sa i sitt første svar om
at ho vil følgja utviklinga i politiet og hos Riksadvokaten nøye. Men
Kvinnefronten fortel at dei har meldt forhandlarar av grov og ulovleg
pornovald til politiet gjentekne gonger og fått lagt bort sakene. Mitt
spørsmål er då: Er grensene mellom lovleg og ulovleg porno og videovald
kanskje for utydelege, og i så tilfelle, vil justisministeren klargjera lova
og be politiet forsera innsatsen på det grunnlaget?
Statsråd Grete Faremo:
Det er for så
vidt ingen deler av dette som vil være unntatt fra en gjennomgang, men det
er vel grunn til å nevne at for pornografiområdet har vi hatt en ganske brei
gjennomgang nylig. Det er også nødvendig å se nærmere på
voldsvideoproblematikken, hvordan vold fremstilles på fjernsyn. Og når vi
ser et år eller to tilbake, er det ikke grunnlag for å si at politiet har
prioritert ned dette området; det er gjennomført ulike aksjoner. Det er
likevel slik at politiet må prioritere sine ressurser ut fra et nokså breit
kriminalitetsbilde. Men som jeg sa i mitt første svar, politiet har
allerede konkret arbeid i gang og har satt i verk aksjoner mot de
omsetningsstedene som var nevnt i artikkelen.