Arne Haukvik (Sp):
Statsbygg har
gjort avtale med Oslo kommune om tunnel under Blindern for trafikken til og
frå det nye Rikshospitalet på Gaustad. Den kortaste tunnelen er mellom
Vestgrensa ved Sognsvannsbanen og John Colletts plass. Ein slik
tunneltrasé høver også for forlenging av trikkelina.
Kvifor skal denne trafikken tvingast
inn i den tronge Blindernvegen og ikkje i den fire-felts Sognsvegen?
Statsråd Nils Olav Totland:
Tverrsambanda mellom ring 3, Rv 150, og ring 2, Rv 161, er kommunale vegar.
Det er derfor Oslo kommune som må ta avgjerd om nytt tverrsamband i
Blindernområdet.
Forslag til reguleringsplan for
Blindernområdet - medrekna tunneltrasé og trasé for planlagd trikk til
Rikshospitalet - er utarbeidd i samarbeid mellom Oslo kommune og Statsbygg.
Planen er justert i samsvar med merknader frå fylkesmannens
miljøvernavdeling. Statens vegvesen har berre hatt mindre merknader til
planen.
Etter forhandla avtale mellom
Statsbygg og Oslo kommune skal staten yte eit kontanttilskot på ca 70 mill.
kr til eit kommunalt vegprosjekt som vert fastsett i reguleringsplanen for
universitetsområdet på Blindern, og som Oslo kommune har byggherreansvar
for. Det er alternativet med såkalla mellomlang løysing som ligg til grunn
for avtalen. Dersom Oslo kommune ønskjer å bruke tilskotet til såkalla lang
tunnelløysing, med innslag i Sognsvegen, er det opna for dette i nemnde
avtale.
Det er såleis etter mi meining ingen
grunn for Samferdselsdepartementet til å gripe inn i planprosessen.
Arne Haukvik (Sp):
Eg takkar for
svaret, som høyrest tilforlateleg ut. Det er greitt at det er kommunal veg,
og det er flott at statsråden slår fast at her er det lokalt sjølvstyre, at
me i det små skal få rå oss sjølve. Men me blei ikkje spurde den gongen
Rikshospitalet blei plassert på det siste store grøne området i Oslo. Det
har me måtta finne oss i. Derfor er det viktig at ansvaret her tilligg
staten, som nå pålegg Oslo å stille eit så stort område til disposisjon for
statlege føremål. Det er vel og bra i seg sjølv, men denne traséen kunne
vore plassert andre stader. Staten må her ha eit ansvar for å følgje opp at
trafikken blir ordna på ein skikkeleg måte. Det høyrest ut som at 70 mill.
kr er eit rimeleg tilskot, og det skuffar meg litt at ikkje staten òg er
engasjert i å finne fram til ei best mogleg løysing.
Statsråd Nils Olav Totland:
Det er
vel slik at det er litt forskjellige oppfatninger av hva som er den beste
løsningen. Arne Haukvik har sin oppfatning av det. Reguleringsmyndighetene
i Oslo og Statsbygg har sin oppfatning, og de har framforhandlet en avtale
som jeg også tror summa summarum gir den beste løsningen. Så tror jeg det
er riktig at vi tar innover oss at både Rikshospitalet og utgangspunktet for
at vi får en reguleringsplan for veier i Blindernområdet også er veldig
sterkt knyttet til et annet nasjonalt og viktig område, nemlig byggingen av
Universitetsbiblioteket på Blindern. Det har vært en av hovedgrunnene til
at vi fra Statsbyggs og Administrasjonsdepartementets side har stått hardt
på for å få denne reguleringsplanen på plass, som det nå virkelig haster
med.
Arne Haukvik (Sp):
Eg gleder meg med
statsråden over at ein endeleg har kome fram til ein avtale, slik at
bygginga av Universitetsbiblioteket kan setjast i gang. Det har òg vore
nødvendig, så me får trøyste oss med at aldri så gale at det ikkje er godt
for noko. Så får me håpe at Oslo kommune, saman med statlege myndigheiter,
i neste omgang har vett til å gå inn for den andre løysinga, slik at det
blir ei brukbar trafikkløysing.