Synnøve Konglevoll (A):
Jeg vil
tillate meg å stille følgende spørsmål til undervisningsministeren:
I dag har ikke elever som tar et
fireårig løp på videregående skole, rett til borteboerstipend det fjerde
året. Dette rammer blant annet elever som tar fireårig idrettsfag. I
budsjettdebatten før jul lovde Lilletun å se på saken. Like etter jul
uttalte Lilletun at nå skulle statsråden rydde opp i denne saken. Det har
gått snart en måned, fremdeles er situasjonen uavklart.
Kan statsråden nå gjøre det klart at
disse elevene får borteboerstipend?
Statsråd Jon Lilletun:
Som
representanten er kjend med, er aldersskiljet i Lånekassen sett til 19 år
fordi denne alderen for dei fleste vil svare til avsluttinga av ordinær
treårig vidaregåande opplæring. Men det er likevel mange som held fram med
vidaregåande opplæring noko lenger, anten fordi dei har starta seinare,
treng lengre tid eller fylgjer eit løp som varar i meir enn tre år.
Då Stortinget gjennom Reform 94
innførte ein lovfesta rett til tre års vidaregåande opplæring innanfor ramma
av dei første fire åra etter avslutta grunnskule, vart 19-årsgrensa
vanskelegare å forsvare. Under behandlinga av St.meld.nr.14 (1993-1994) om
studiefinansiering og studentvelferd vart det derfor semje om at søkjarar
under 20 år som ikkje har fått støtte til tre år i vidaregåande opplæring,
skal reknast som under aldersskiljet dersom dei tar utdanning på VK II-nivå.
Den førre regjeringa fremja likevel
aldri noko konkret forslag om å gjennomføre denne endringa, sjølv om det
vart etterlyst mange gonger frå Stortinget si side. Ved behandlinga av
revidert nasjonalbudsjett i Stortinget i juni i fjor gjorde Kristeleg
Folkeparti og Senterpartiet framlegg om løyving slik at alle som tok fjerde
år i vidaregåande opplæring, skulle få støtte etter reglane for støtte under
aldersskiljet. Forslaget fall under voteringa, då Arbeidarpartiet, Høgre og
Framstegspartiet stemde imot. Dette forslaget ville løyst dei problema
spørjaren tek opp for det skuleåret vi no er inne i.
Reglane som no gjeld, gjev dei elevane
som representanten Konglevoll spør om, og andre elevar som er over 19 år og
bur borte, eit stipend på 1.535 kr pr. månad. Dette stipendet er berre
behovsprøvt i høve til eiga inntekt og formue for eleven og ikkje i høve til
foreldra si inntekt og formue. Det spørsmålet frå representanten Konglevoll
dreier seg om, er om desse òg skal få same stipend som elevar under 19 år
når dei må bu borte, nemleg 3.050 kr pr. månad.
Det problemet som dei har som går på
fireårig opplegg i landslinjene i skiidrett, må sjåast i samanheng med
studiestøtta til andre som etter reforma har rett til opplæring i fire år,
slik Stortinget tidlegare har peika på. Dette gjeld t.d elevar som har
behov for særskilt tilrettelagd opplæring. Desse har rett til å ta
utdanning i opp til fem år. Også desse får i dag stipend på 1.535 pr. månad
som bortebuarar når dei er over 19 år.
Eg meiner framleis at alle elevar som
treng eit fjerde år i vidaregåande opplæring, bør behandlast likt. Det er
sjølvsagt ei budsjettmessig side ved dette som må vurderast. Departementet
er i gang med desse vurderingane. Eg har enno ikkje drege nokon konklusjon
i forhold til avgrensinga om korleis det skal gjennomførast, men vil
eventuelt kome attende til saka i samband med arbeidet med revidert
nasjonalbudsjett i vår.
Synnøve Konglevoll (A):
Jeg vil takke
for svaret og oppklaringa.
Jeg er enig med Lilletun i at dagens
aldersskille er problematisk. Samtidig er det også problematisk at
folkehøyskoleelever på en ganske kjapp måte har fått særbehandling. De har
fått stipend som om de er under 19 år og lån som om de er over. En av
grunnene til at jeg har tatt opp saken, er at statsråden som leder av
komiteen har vist et stort engasjement og også påpekt at det skulle være
greit å få til en løsning, i hvert fall for de elevene som tar et fireårig
løp, og som må gå fire år for å få tatt eksamen. Jeg hadde derfor håpet at
man kunne komme fram til en løsning så fort som mulig for disse elevene.
Etter statsrådens svar har de fremdeles ikke fått sin situasjon avklart, så
vidt jeg ser. Jeg håper derfor på en snarlig løsning, og, dersom den ikke
kommer før budsjettet i vår, at den kan få tilbakevirkende kraft, for det er
kun elevene dette siste året som blir rammet, fordi reformen startet i 1994.
Statsråd Jon Lilletun:
Eg deler
representanten Konglevoll sine vurderingar i forhold til dette. Det som
gjer at det er svært ønskeleg å finne ei løysing, er at her er det elevar
som brukar fire år, fordi det er lagt opp eit opplegg som tek fire år - det
er ikkje dei sjølve som på ein måte er årsak til utsetjinga. Derfor er eg
svært interessert i å finne ei løysing, men må samtidig sjå til at det vert
rettferdig i forhold til dei andre som m.a. av faglege årsaker, har vorte
bedne om å bruke fleire år. Når ein først ikkje skal ta heile gruppa, men
finne unntak for ein del av gruppa, så er det eit vanskeleg arbeid, men eg
håper vi skal finne ei løysing. Og eg kan stadfeste det som representanten
Konglevoll spurde om, at finn vi ei løysing, bør den gjevast tilbakeverkande
kraft.