Grethe G Fossum (A):
Jeg vil få lov
til å stille følgende spørsmål til barne- og familieministeren:
Landsforeningen for Barnevernsbarn
gjør en god jobb for barn som ikke fikk den beste start på livet. De har
sendt en søknad om driftstilskudd for driftsåret 1998, men har ennå ikke
fått svar på søknaden. Dette medfører at de enten må legge ned sitt viktige
arbeid eller drive for lånte midler.
Kan statsråden gi en dato for når hun
kan tenke seg å overføre driftsmidlene?
Statsråd Valgerd Svarstad Haugland:
Eg er einig i at Landsforeningen for Barnevernsbarn er ein viktig ressurs
for born som er eller har vore i barnevernet. Departementet har gitt støtte
til barne- og ungdomsarbeidet for barnevernsborn sidan 1993. Fyrst vart
støtta gitt gjennom Norsk Fosterhjemsforening, sidan gjennom organisasjonen
Voksne for barn eller tidlegare Mental Barnehjelp. Departementet har også
medverka til finansieringa av informasjonsmateriell til born og unge i
barnevernet, utarbeidd av m.a tidlegare barnevernsborn.
Landsforeningen for Barnevernsbarn har
fått økonomisk støtte til drift etter at den vart etablert som
landsforeining i 1996. Organisasjonen har kontor hos Voksne for barn, som
hjelper til med økonomistyring og administrasjon og organisasjonsutvikling.
I 1997 fekk Landsforeningen 365.000 kr i støtte frå departementet. Søknaden
for 1998 er på over ein halv million kr - 508.000 kr.
Eg seier meg lei for at handsaminga av
søknaden har teke noko tid. Søknaden vart motteken den 19. januar og
årsrekneskap, revisjonsrapport og årsmelding den 3. mars i år.
Departementet har etter det hatt kontakt med Voksne for barn, og
organisasjonen har forskotert dei nødvendige driftsmidlane til
Landsforeningen.
I samband med at det driftstilskotet
ein søkjar om for 1998, er vesentleg høgare enn det organisasjonen fekk i
1997, ynskjer departementet å vurdera stønaden i eit litt lengre perspektiv
og i samarbeid med Landsforeningen og Voksne for barn. Det kan i den
samanhengen òg vera aktuelt å stimulera til ei organisasjonsutvikling som
gjer at Landsforeningen for Barnevernsbarn på sikt kan koma inn under
tilskotsordningane for barne- og ungdomsorganisasjonar.
Til slutt vil eg opplysa at
departementet nyleg, i april, har utbetalt eit førebels driftstilskot på
100.000 kr for fyrste halvår, og at søknaden om midlar for 1998 vil bli
avgjord raskt. Dette inneber at organisasjonen òg vil motta eit monaleg
tilskot for 1998, utan at eg her kan seia nøyaktig kor stort beløpet blir.
Grethe G Fossum (A):
Jeg takker for
svaret og er glad for at statsråden og jeg i hvert fall er enige om én ting,
og det er at Landsforeningen for Barnevernsbarn gjør en god jobb. Det er en
organisasjon som setter barnevernsbarnas rettigheter og krav på dagsordenen
samtidig som den for mange unge voksne barnevernsbarn er et samlingspunkt.
Det at Landsforeningen for
Barnevernsbarn er sammensatt av ungdom og unge som har erfaring, gjør at
deres arbeid har en spesiell kvalitet. Jeg er glad for at statsråden nå vil
vurdere organisasjonens framtidige liv i et litt lengre perspektiv, men som
jeg også har sagt i en annen debatt, lever vi ikke av perspektiver, men vi
lever her og nå. Derfor er det viktig med sikkerhet nettopp for disse
barna, og forskudd er bra, men ikke godt nok. Mitt spørsmål til statsråden
er: Når vil bevilgningen komme, og vil den bli vesentlig høyere enn den har
vært i 1997?
Statsråd Valgerd Svarstad Haugland:
Eg kan vera einig i alle desse honnørorda som organisasjonen får frå
representanten. Eg kan òg seia at vi har ein løpande kontakt med
organisasjonen. Dei har vore på besøk på kontoret hos meg, og vi har god
kontakt. Vi hadde for ikkje mange dagane sidan telefonisk kontakt, der dei
sa seg svært nøgde med den overføringa på 100.000 kr som dei fekk. Det er
altså ikkje snakk om noka nedlegging. Eg synest òg det er viktig når vi no
vurderer framtida deira, at vi ser på kva slags organisering dei skal ha i
forhold til kvar dei då skal henta midlane.
Som representanten sjølvsagt er klar
over, kan eg ikkje i dag seia datoen for avgjerda, men det eg kan seia, er
at dei vil iallfall få minst det same beløpet som dei fekk i fjor. Så får
vi koma tilbake til det eksakte beløpet når heile organisasjonen er teken
opp til ei full vurdering og vi har handsama søknaden ferdig. Då skal
organisasjonen få beskjed.
Om dei skulle koma i vanskar før den
tid, er vi sjølvsagt opne for å hjelpa dei. Det er såleis ikkje snakk om å
legga noko press på dei i forhold til nedlegging.