Olav Gunnar Ballo (SV): «I henhold til et oppslag i avisa
Varden 15. februar 2000 uttrykker fylkestrygdekontoret i Telemark
at «reise til annen poliklinikk enn den nærmeste
må dekkes av den enkelte pasient».
Mener statsråden at dette er i tråd
med retningslinjene for dekning av reiseutgifter ved fritt sykehusvalg?»
Statsråd Magnhild Meltveit Kleppa: Folketrygda gjev stønad til dekking
av utgifter til reise for undersøking eller behandling.
Når ein reknar ut stønaden, legg trygdekontoret
til grunn taksten for billegaste reisemåte med rutegåande
transportmiddel til næraste stad der pasienten kan få nødvendig
undersøking eller behandling. Dette gjeld i utgangspunktet
også ved reise til offentleg poliklinikk.
I dei fylka der fylkeskommunen har gjeve retningslinjer
om at pasienten sjølv kan velja kor ein vil bli behandla
i fylket, dvs. der pasienten ikkje høyrer til eit bestemt sjukehus
eller ein bestemt poliklinikk, dekkjer folketrygda i dag reiseutgiftene
til den poliklinikken i fylket der pasienten blir behandla. Dette
gjeld uavhengig av om dette er næraste poliklinikk eller
ikkje i forhold til heimen til pasienten.
Meirutgiftene ved å reisa til poliklinikk
i eit anna fylke enn i det fylket pasienten bur, blir i dag ikkje
dekte av folketrygda. Slike meirutgifter blir heller ikkje dekte
ved poliklinisk behandling føre eller etter innlegging
i helseinstitusjon i eit anna fylke.
Departementet tek sikte på at ny lov
om pasientrettar skal tre i kraft i løpet av 2000. Når
lova har tredd i kraft, skal reiseutgiftene ved fritt sjukehusval
delast mellom folketrygda og pasienten. I statsbudsjettet for 2000
vart det bestemt at det skal betalast ein eigendel ved bruk av fritt
sjukehusval, og at den skal vera 200 kr pr. reise – 400 kr
ved reise tur-retur. Meirutgiftene for folketrygda ved innføring
av fritt sjukehusval skal takast inn ved ei heving av den alminnelege
eigendelen ved sjuketransport med 5 kr. Dette vart vedteke
under budsjetthandsaminga hausten 1999.
Fritt sjukehusval etter ny lov om pasientrettar
omfattar forutan offentlege sjukehus også dei distriktspsykiatriske
sentra i heile landet. Med offentleg meiner ein dei sjukehusa eller
dei distriktspsykiatriske sentra som går inn under regional
helseplan. Inn under sjukehus fell også poliklinikk som
tilhøyrer sjukehuset sin organisasjon, sjølv om
poliklinikken er fysisk skild frå sjukehuset. Dekking av
reiseutgifter ved fritt sjukehusval gjeld såleis også ved
poliklinisk behandling.
Aud Blattmann hadde
her overtatt presidentplassen.
Olav Gunnar Ballo (SV): Jeg tolker statsrådens svar dit hen
at den praksis man har lagt seg på i Telemark, ikke er
i tråd med de retningslinjene som eksisterer i dag. Pasienter
som på grunn av lang ventetid ikke blir behandlet ved Telemark
sentralsjukehus, sendes nå til Rjukan, der man har vesentlig
kortere ventetid for ortopediske inngrep, og de vurderes der også poliklinisk.
Det er ikke pasientenes skyld at det er forskjell i ventetiden.
Det er en prioritering man også har gjort ved de ulike
sykehus. Etter mitt syn er det klart urimelig at pasientene skal måtte
bære kostnadene for den reisen selv.
Jeg vil spørre statsråden
om hun er enig i den vurdering at det må være
urimelig at pasientene skal måtte bære en merkostnad
som er en konsekvens av bedre ressursbruk ved at man behandler dem
der ventetiden er kortest innenfor det fylket.
Et tilleggsspørsmål: Vil
statsråden se på de ulike retningslinjene for
refusjon av reisekostnader, slik at man unngår denne type
urimelige utslag?
Statsråd Magnhild Meltveit Kleppa: Eg kjenner ikkje godt nok den konkrete saka
som er utgangspunktet for oppslaget i Varden.
Telemark er etter 1. februar 1999
med i Helseregion sør. Før dette tidspunktet var
Telemark med i helseregion 2. Telemark var tidleg ute med vedtak
om fritt sjukehusval. Dersom dei fylkeskommunale retningslinjene
er følgde, har vedkomande krav på å få dekt
reiseutgiftene. Dersom vedkomande sjølv på fritt
grunnlag har valt kor ein ynskjer å bli behandla, vil ikkje
det same kravet kunna gjerast gjeldande. Men eg skal syta for at
begge spørsmåla frå representanten Ballo
bli følgde opp og undersøkte nærare.
Det synest eg er rimeleg.