John Dale (Sp): Eg tillèt meg å stilla følgjande
spørsmål til fiskeriministeren:
«I stortingsmeldinga om arkiv, bibliotek
og museum vert det opplyst at fiskerinæringa er ei av dei
få næringar som ikkje har eit statleg ansvarsmuseum.
Når vil det bli teke initiativ til å oppretta
eit fiskerimuseum i statleg regi?»
Statsråd Lars Peder Brekk: Stortingsmeldinga om arkiv, bibliotek og museum,
som er fremja av Kulturdepartementet, nyttar ikkje nemninga statleg
ansvarsmuseum, og det finst heller ikkje i dag noko museum med ein slik
merkelapp. Det er likevel rett at kystkulturen og fiskerinæringa
ikkje er like godt dokumentert i form av museumstiltak
som tilfellet er med innlandskultur og jordbruk. I ettertid framstår
det for meg som heller merkeleg i eit land der den lange
kystlina med tilhøyrande folkesetnad og eit mangslunge
næringsliv er eit så viktig kjennemerke.
I dei siste tiåra er det likevel bygt
opp mange gode museum med kystkultur, fiskeri og sjøfart
som sentrale dokumentasjonsområde. I den nemnde stortingsmeldinga har
Regjeringa teke til orde for ei omfattande styrking av den statlege
innsatsen på museumsområdet, samstundes som det
blir lagt opp til ei organisatorisk opprydding i den sterkt fragmentariske
institusjonsstrukturen som pregar det norske museumslandskapet.
I meldinga er det gitt uttrykk for at det i
denne samanhengen vil vere naturleg å prioritere fleire
institusjonar med fagleg tyngdepunkt innanfor saksfeltet kystkultur, fiskeri
og sjøfart. Som fiskeriminister ynskjer eg at Fiskeridepartementet
skal engasjere seg sterkare i kulturarven på kysten og
i dokumentasjon av fiskerinæring og sjøfart. Eg
vil likevel understreke at det er Kulturdepartementet og Norsk museumsutvikling
som må ha ansvaret for dei faglege vurderingane når
det gjeld kva for museum og institusjonar det skal satsast på.
I meldinga går det også fram
at ein her vil sjå nærmare på den nasjonale
samordninga, slik at ein kan få til ei funksjonell og fagleg
arbeidsdeling mellom konsoliderte regionale museumseiningar. I meldinga
heiter det at Kulturdepartementet vil leggje opp til å få fortgang
i arbeidet med regional konsolidering og nasjonal samordning innanfor
museumsområdet kystkultur, fiskeri og sjøfart,
og at dette vil ha særleg høg prioritet i arbeidet
med å følgje opp meldinga.
Som fiskeriminister er eg svært nøgd
med den særlege prioriteringa av fiskerisektoren som Regjeringa
med dette har forplikta seg til. Det er no opp til Stortinget å stadfeste
den sterke statlege satsinga på museumssektoren generelt,
og museumstiltak for fiskerisektoren spesielt, som Regjeringa her
har lagt opp til.
John Dale (Sp): Eg takkar statsråden for det positive svaret.
Statsråden gjorde merksam på at
nemninga statleg ansvarsmuseum ikkje finst i St.meld. nr.
22. Nei vel, men like fullt er det dette saka gjeld – eller
for å bruka statsråden sine ord: «nasjonal
samordning innanfor museumsområdet kystkultur, fiskeri
og sjøfart».
Dette arbeidet vil no få høg
prioritet, som statsråden sa. Og det er gledeleg. Føresetnaden
er sjølvsagt at Stortinget sluttar seg til det som står
i meldinga på dette punktet. Kan statsråden på ein
slik bakgrunn seia noko om kva tidsperspektiv som her vil bli lagt
til grunn?
Statsråd Lars Peder Brekk: Jeg tror begrepsbruken ikke er det viktigste.
Jeg tror vi er enige om at det skal være nasjonal samordning,
og at en skal ha en del museum som ivaretar denne viktige kulturarven,
og jobber videre med det. Vi er heldige som har fått utviklet
en del slike museum langs hele kysten i de siste årene
som er gode, og som er dyktige, og som kan gjøre en slik
jobb.
Jeg er veldig glad for at denne saken blir
tatt opp i spørretimen. Det er en viktig sak, og jeg ønsker
at Fiskeridepartementet skal fokusere mer på dette området
i framtida også. Men jeg vil understreke at her må vi
ha faglige råd fra Kulturdepartementet og Norsk museumsutvikling
når det gjelder hva slags museum vi skal satse på.
Jeg håper at Stortinget vil gå inn for Regjeringens forslag,
og at vi dermed kan ha mulighet til å få fortgang i
det. Det er vanskelig for meg å konkretisere tidsarbeidet,
men jeg vil iallfall ha stor fokusering på dette i tida framover.
Presidenten: Dermed er sak nr. 1 ferdighandsama.