Arne Sortevik (FrP) [12:33:28]: «I en rapport fra forskningsorganisasjonen
SINTEF som nylig ble offentliggjort, hevdes det at sterk fornyelse
av personbilparken i Norge kan bidra kraftig til reduksjon
av skader og dødsfall i vegtrafikken i Norge. Vi har en
av Europas eldre bilparker og samtidig nest høyest
nybilpris i Europa. En nyere og derved sikrere bilpark vil også gi
en betydelig miljøeffekt gjennom lavere drivstofforbruk
og lavere utslipp.
Hva vil statsråden gjøre
for å få til en hurtig fornyelse av personbilparken
i Norge?»
Statsråd Liv Signe
Navarsete [12:34:14]: Først vil eg seie at dette tvillaust
er eit spørsmål som opptek Framstegspartiets representantar
frå Hordaland for tida. Representanten Hagesæter
har nyleg stilt eit spørsmål til skriftleg svar,
spørsmål nr. 485, som i innhald er svært
likt det spørsmålet representanten Sortevik tek
opp. Dette er spørsmål som kjem inn på fleire
statsrådars ansvarsområde, og svaret på spørsmålet
er difor utarbeidd i fellesskap av finansministeren og meg.
Arbeidsgruppa som vurderte bilavgiftene i 2003,
viste til at i tillegg til bilavgiftene kan m.a. firmabilskattlegginga,
bruksfrådraga, vrakpantordninga og ordninga med periodisk
køyretøykontroll, såkalla EØS-kontroll,
påverke samansetjinga av bilparken. Andre ting
som kan påverke samansetjinga av bilparken, kan t.d. vere
busetnadsmønsteret. Sidan representanten Sortevik i spørsmålet
sitt koplar forholdet mellom eldre
bilpark, høge nybilprisar og skadar og dødsfall
i trafikken, tek eg det for gitt at det er samanhengen mellom
lågare eingongsavgift og lågare ulukkeskostnader
som blir etterlyste.
Forskingsorganisasjonen SINTEF har vurdert
at 250 menneskeliv ville vore sparde i løpet
av 15 år dersom utskiftinga av bilparken vart forsert med
fem år, jf. artikkel i bladet Samferdsel nr. 1 for februar
2006. Vurderinga er basert på ei endring i den
såkalla passive tryggleiken, dvs. det reduserte skadeomfanget
ved gitte kollisjonar. Berekninga tek ikkje omsyn til
at trafikantane kan endre køyreåtferd
som følgje av at bilen er sikrare. Dersom sikrare bilar
fører til meir uforsiktig køyring, vil gevinsten
verte redusert.
Det er generelt venta at ein reduksjon
i eingongsavgifta vil kunne føre til ein reduksjon
i alderen på bilparken gjennom eit auka sal av
nye bilar. Dersom dei nye bilane kjem til erstatning for eldre
bilar, vil dette føre til at gjennomsnittsalderen på bilparken
går ned. Det er likevel grunnar til å tru
at ikkje heile auken i salet av nye bilar vil motsvarast
av ein tilsvarande auke i mengda av vraka bilar. Det samla
talet bilar vil altså kunne auke. Dei negative effektane
av dette når det gjeld m.a. kø, ulukkeskostnader
og miljøkostnader, må òg takast med i
vurderinga av effekten av ein eventuell reduksjon
i eingongsavgifta.
Ein slik einsidig reduksjon
i eingongsavgifta kan altså føre til
fleire bilar, meir bilkøyring, færre kollektivreiser og
mindre sykling. Dette er ei utvikling som denne regjeringa
vurderer som lite ynskjeleg. Det kan òg hende
at auka biltrafikk utliknar forbetringa i den passive
tryggleiken i nyare bilar. Ein raskare takt
på utskiftinga enn i dag vil, som forskingsorganisasjonen
SINTEF seier, sannsynlegvis føre med seg at me
får sikrare og meir miljøvenlege bilar.
Dette føreset at dei bilane folk kjøper, faktisk
er sikre, at ikkje motorstyrken vert auka vesentleg, og
at dei vert køyrde på ein sikker måte.
I same artikkel peikar SINTEF også på ei
rekkje tiltak som i framtida kan påverke køyreåtferda.
Dette kan vere ulike mekanismar som grip inn når
føraren køyrer for fort, for nær bilen
framfor osv. Slike mekanismar vil hindre at auka
passiv tryggleik blir teken ut i meir usikker køyreåtferd.
Eg ser at den relativt høge
eingongsavgifta i Noreg kan føre til
at fleire beheld bilane lenger. Likevel er gjennomsnittsalderen
på bilparken i Noreg ikkje vesentleg
høgare enn i Sverige – 10,2 år
i Noreg og 9,6 år i Sverige. Sverige har
som kjent inga eingongsavgift ved kjøp av bil,
og bilane vert derfor vesentleg billegare enn i Noreg. Dette understrekar
at òg andre forhold enn eingongsavgifta er viktige for
alderen på bilparken. Ein mogeleg forklaringsfaktor kan vere
at me i Noreg, og for så vidt òg i Sverige, har
relativt store bilar samanlikna med
ein del andre europeiske land. Slike bilar synest å ha
lengre levetid enn typiske småbilar, utan
at dette nødvendigvis går ut over tryggleiken.
Som nemnt i St.prp. nr. 1 Tillegg nr. 1 for
2005-2006 tek Regjeringa sikte på å leggje fram
forslag til omlegging av bilavgiftene i ei meir miljøvennleg
retning i budsjettet for 2007.
Carl I. Hagen hadde
her gjeninntatt presidentplassen.
Arne Sortevik (FrP) [12:38:36]: Jeg takker statsråden for svaret.
Slik SINTEF presenterer sitt forskningsresultat,
fremstår det å sørge for en hurtigere
utskifting av bilparken som det klart mest effektive tiltaket våre
myndigheter kan gjennomføre for å redusere antall
dødsulykker og antall alvorlige ulykker med trafikkskader
på norske veier.
Hva vil statsråden gjøre
for å sikre at denne dramatiske reduksjonen i
antall dødsulykker i trafikken som hun selv har omtalt – nemlig
250 menneskeliv spart dersom man kan øke takten i utskiftingen – faktisk
kan bli en realitet?
Statsråd Liv Signe Navarsete [12:39:33]: I det arbeidet som går føre
seg med omlegging av avgiftssystemet, og som vil verte presentert
for Stortinget i budsjettet for 2007, vil sjølvsagt denne
rapporten verte teken med som grunnlagsmateriale. Me må òg
vurdere om dette er den beste måten å redusere
talet på drepne i trafikken på, eller
om det er andre element som må vektleggjast sterkare.
Målet står uomtvisteleg klart: Nullvisjonen er
styrande for arbeidet når det gjeld talet på drepne
og hardt skadde i trafikken, og då er sjølvsagt
dette eitt viktig element å vurdere i det arbeidet. Visjonen,
som sagt, er null drepne.
Arne Sortevik (FrP) [12:40:25]: Jeg takker igjen for svaret. Det er slik at
Nasjonal handlingsplan for trafikksikkerhet
på veg 2006–2009 nettopp er lagt frem,
og jeg har merket meg at statsråden i en kommentar sier
at trafikkulykker er et stort samfunnsproblem. Men et av de mest
effektive tiltakene for å redusere skader og ulykker er ikke
omtalt i planen. Planen har 234 enkelttiltak. Det er ingen omtale
av sikrere biler, altså det å øke utskiftingstakten
for biler og sørge for at folk faktisk får råd
og anledning til å kjøpe nye og sikre
biler og bruke dem i trafikken. Et slikt tiltak inngår ikke
i planen.
Hva vil statsråden gjøre
for at også Finansdepartementet blir en hovedaktør
i dette planarbeidet sammen med Vegvesenet, politiet, Sosial- og
helsedepartementet og Trygg Trafikk?
Statsråd Liv Signe Navarsete [12:41:27]: Som eg peika på i mitt hovudsvar,
er det ikkje vesentleg høgare gjennomsnittsalder
på bilparken i Noreg, med våre eingongsavgifter,
enn det er i Sverige, som ikkje har eingongsavgift. Så me
må sjå litt nærare på samanhengen mellom
reduserte avgifter og fornying av bilparken og færre drepne.
Kva er den beste vegen for å kome
dit? Når det gjeld Finansdepartementet si deltaking, er
det sjølvsagt slik at nesten alle dei tiltaka
ein ynskjer å setje i verk, inkluderer Finansdepartementet
på eit eller anna vis, som representanten
Sortevik vel veit. Finansdepartementet er altså på sett
og vis inkludert, men eg ser poenget til Sortevik med at utarbeiding
og rullering av denne typen planar må inkludere Finansdepartementet
og deira ansvar for skatte- og avgiftssystemet på kanskje
ein tydelegare måte i framtida.