Presidenten: Dette spørsmålet, frå representanten
Elisabeth Røbekk Nørve til landbruks- og matministeren,
vil bli svara på av samferdselsministeren på vegner
av landbruks- og matministeren, som er bortreist.
Elisabeth Røbekk Nørve
(H) [12:46:54]: Jeg vil stille følgende spørsmål
til statsråden:
«Usikkerheten rundt drifting av beredskapssenteret
i tilknytning til Åknes/Tafjord-prosjektet i området
Storfjorden og Geiranger lever videre, til stor
fortvilelse for både innbyggere og tilreisende. Dette til
tross for at Regjeringen har hatt to år på seg
til å komme med forslag til en trygg og fornuftig driftsløsning.
Hva er årsaken til at Regjeringen fortsatt trenerer saken,
og når, konkret, vil statsråden komme med sitt
bidrag til finansiering?»
Statsråd Liv Signe
Navarsete [12:47:32]: Fyrst vil eg få presisere at det ikkje
er rett at Regjeringa har hatt to år på seg til å kome
fram til ei løysing om trygg og fornuftig drift
av eit senter knytt til Åknes/Tafjord-prosjektet.
Prosjektet fremja 30. august 2006 søknad om tilskot
til drift av eit beredskapssenter, med eit nytt brev med nye budsjettal
frå prosjektet 16. mars 2007. Etter dette har
det vore kontakt med prosjektet i fleire fasar for å vurdere
dei ulike elementa i søknaden. Dette er ein heilt vanleg måte å arbeide
på, og er kopla til Regjeringa sin budsjettprosess. Det
som har vore uvanleg i denne saka, er at senteret som
no vert etablert i Stranda, er det fyrste i sitt slag
i Noreg. Det har difor vore heilt nødvendig å bruke
den tida me har brukt.
I Landbruks- og matdepartementet sin budsjettproposisjon
for 2008 varsla Regjeringa at staten vil medverke til å sikre
døgnkontinuerleg overvaking av skredfarlege område
i Storfjorden – Åknes, Tafjord – og andre
stader der det er behov for det. Regjeringa varsla vidare at det
ville verte arbeidd vidare med korleis dette skulle organiserast, og
at ein ville kome tilbake til saka på eigna
måte. Dette vart signalisert til dei aktuelle aktørane
allereie i august 2007. Eg er difor glad for at representanten Røbekk
Nørve stiller dette spørsmålet, fordi
det gir meg og Regjeringa høve til å gjere
greie for Stortinget for at Regjeringa nyleg har bestemt å yte
statleg tilskot på 10 mill. kr i 2008 til drift av eit
overvakingssenter. Landbruks- og matministeren har gjort dette kjent
i pressemelding 30. oktober. Ei slik driftsløyving er ei
nødvendig oppfølging av undersøkingar
og investeringar som er lagde ned i Åknes/Tafjord-prosjektet
over ein fireårsperiode, og der staten har ytt tilskot
på vel 64 mill. kr.
Det tiltaket som Regjeringa no vil gi driftstilskot,
er viktig for befolkninga sin tryggleik og tryggleikskjensle. Føremålet
er å leggje til rette for ei effektiv varsling av befolkninga
om det skulle verte rørsler og endringar i desse områda
som kan bety auka rasfare, og som då vil vere grunnlag
for myndigheitene sine vurderingar av behov for evakuering.
Overvakingssenteret vil vere eit
interkommunalt selskap, der dei aktuelle kommunane også vil
delta i finansieringa av drifta. Dette er ei naturleg følgje
av at kommunane har eit beredskapsansvar.
Elisabeth Røbekk Nørve
(H)[12:50:06]: Jeg vil først få lov til å vise
til at jeg mener fortsatt at det er snakk om minst to år,
på grunn av at vi den dagen vi startet å bevilge midler
til sikringen i fjellsiden, også burde vite
at her skulle det driftes. Sett fra mitt ståsted
er det ganske naturlig.
Årsaken til min uro og spørsmålet
her i dag er landbruksministerens svar på mitt spørsmål
senest i juni i år, der han ikke sa
noe om behovet for kvalitet på sikkerheten, men han la
stor vekt på følgende: «Jeg er opptatt
av at ordninger som skal etableres er kostnadseffektive, og har derfor
bedt om at prosjektet også beskriver mulige alternative
løsninger.»
Jeg og befolkningen i området rundt
Storfjorden og Geiranger ser nå litt
mer optimistisk på situasjonen etter at
Regjeringen endelig kom med 10 av de 16 mill.
kr som det var søkt om. – Banket presidenten?
Presidenten: Ja, tida er ute.
Statsråd Liv Signe Navarsete [12:51:16]: Det var vel ikkje noko
oppfølgingsspørsmål i det som Røbekk
Nørve no sa, meir ei presisering av ståstaden.
Det som er viktig no frå Regjeringa si side, er at me har
ein god dialog med lokale styresmakter, at ein får
opp det beredskapssenteret så raskt som mogleg, og at me
får ei god form på drifta av dette. Regjeringa
er oppteken av at me skal ha eit system som gjer at folk i dette
området kan føle seg trygge, at dei kan
bu og drive i det daglege der utan å måtte
tenkje på risikoen for eit mogleg ras. Eg trur
berre dei som har levd med rasfare, skjønar kva dette betyr
for livskvaliteten. Så Regjeringa er oppteken av at me
skal få dette i gang og opp så fort som mogleg.
Elisabeth Røbekk Nørve
(H) [12:52:18]: Mitt oppfølgingsspørsmål
her var egentlig om Regjeringen nå, og statsråden
på vegne av Regjeringen, kan slå fast at økonomien
til drifting av beredskapssenteret er sikret med statlig støtte også i
framtiden, og at vi slipper omkamp om hvorvidt dette skal ha andre
løsninger enn den beredskapen som er planlagt.
Jeg takker for øvrig statsråden
for svaret så langt og håper at jeg får
svar på det siste spørsmålet.
Statsråd Liv Signe Navarsete [12:52:51]: No er det slik at Regjeringa kjem med eitt
budsjett om gongen, så eg må nok seie
til representanten at ho må vente på det komande
budsjettet for å få svar på det ho spør etter
no. Men det at ein frå Regjeringa si side har
gått inn med 10 mill. kr, er eit synleg prov på at
me er opptekne av problemstillinga, at me skal samarbeide godt med
kommunale og lokale styresmakter både for å sikre
oppstart av senteret og for å få på plass
ei god drift vidare. Dette er ikkje eit eittårig
prosjekt. Regjeringa er også innforstått
med at dette må vere ei varig løysing.