Borghild Tenden (V) [11:58:40]: «Statsråden
er stadig ut i media, henviser til Stockholm og sier at hun vil premiere
byer som innfører rushtidsavgift. Samtidig roser statsministeren
og Samferdselsdepartementet Trondheim kommune, som innfører 60 øre
pr. liter miljøavgift på bensin og diesel, og det loves millioner
av statlige midler. I bomringen rundt Oslo har man helt siden 1990 betalt
bompenger døgnet rundt.
Hvordan stiller statsråden seg
til den modellen som praktiseres i Oslo sammenlignet med Trondheim og Stockholm?»
Statsråd Liv Signe
Navarsete [11:59:16]: Bompengeordninga i Oslo har gjort
det mogleg å framskunde utbygginga av ei rekkje veg- og kollektivprosjekt
i Oslo-området. Dette har hatt stor verdi både for næringslivet
og for innbyggjarane i området.
Gjennom framlegginga av St.
prp. nr. 40 for 2007-2008, Om Oslopakke 3 trinn I, har Regjeringa stilt
seg positiv til den breie lokalpolitiske semja om å etablere ei Oslopakke
3 for å møte transportutfordringane i hovudstadsområdet.
Innføringa av Oslopakke 3 vil gjere det mogleg å nytte bompengar
til å styrkje drifta av kollektivtransporten i Oslo og Akershus, i
tillegg til å finansiere vidare utbygging av viktige veg- og kollektivprosjekt.
Eg vil understreke at bompengeinnkrevjing både i Oslopakke 1 og 2
og i Oslopakke 3 primært er ei finansieringsløysing. Sjølv
om den nye bompengeordninga såleis ikkje har reduksjon av vegtrafikken
som hovudføremål, kan det likevel bidra til ei viss avdemping
av trafikken og medverke til eit betre og meir miljøvenleg transportsystem
i Oslo-området ved at det vert lagt til rette for gjennomføring
av ei rekkje tiltak. I det tverrpolitiske forslaget frå Oslo og Akershus
har partane strekt seg langt for å få til heilskaplege løysingar
som inneheld både veg- og kollektivtiltak, inkludert bompengar til
drift av kollektivtransporten. Dette har eg stor respekt for.
I transportetatane
sitt forslag til Nasjonal transportplan 2010-2019 tek etatane til orde for
ein kombinasjon av positive og restriktive tiltak for å handtere trafikkproblema
i byområda. Eg meiner dette er rett. Det er behov for eit betre samspel
mellom forvaltningsnivåa om tiltak i byområda for å møte
dei store miljøutfordringane, og det er behov for tiltak både
for å redusere biltrafikken og for å leggje til rette for auka
kollektiv- og sykkeltrafikk.
Ein slik kombinasjon av tiltak er innført
i Stockholm. I Stockholm har trengselsskatten på 20 kr i rushtida
redusert biltrafikken gjennom betalingssnittet med om lag 20 pst. Stockholm
har samtidig bygd ut kollektivtrafikken vesentleg. Eg meiner at erfaringane
frå Stockholm viser at køprising kan gje god effekt, og at
slike tiltak kan få støtte hjå innbyggjarane lokalt.
I Trondheim har Arbeidarpartiet føreslått ei miljøpakke
som omfattar ei rekkje ulike tiltak, m.a. miljøavgift på bensin
og diesel, bompengar på E6, lågutsleppsone i Midtbyen, parkeringsavgift
ved kjøpesentra og høve til å gje skattefrie tilskot
til tilsette som vel å køyre kollektivt.
Det er til
no ikkje gjort kommunale vedtak i Trondheim, og eg har såleis ikkje
teke stilling til dei ulike tiltaka i det lokale forslaget til miljøpakke
for Trondheim enno. Eg vil understreke at eg ser svært positivt på
alle lokale initiativ for å møte miljøutfordringane
frå trafikken i byområda. Regjeringa vil presentere sin transportpolitikk
for byområda i stortingsmeldinga om Nasjonal transportplan for perioden
2010-2019, inkludert økonomiske rammer for både Oslopakke 3
og ei eventuell miljøpakke for Trondheim.
Eg vil òg
vise til det såkalla klimaforliket, Innst. S. nr. 145 for 1907-1908
om klimapolitikk, der òg representanten sitt parti har slutta seg
til at «Byområder som ønsker å utprøve veiprising,
differensierte bompengesatser eller andre trafikkregulerende tiltak, skal
prioriteres» ved tildeling etter belønningsordninga, som etter
same innstilling skal doblast i 2009.
Eirin Faldet hadde her overtatt presidentplassen.
Borghild Tenden (V) [12:02:45]: Jeg takker statsråden for svaret.
Statsråden nevnte
trengselsskatten i Stockholm. I Stockholm var kollektivtilbudene svært
godt tilrettelagt før man innførte trengselsskatt - eller
på norsk: rushtidsavgift. Synes statsråden at kollektivforholdene
i Oslo er gode nok i dag til å innføre rushtidsavgift, som
hun ønsker seg aller mest? Hvis ikke, hvilke konkrete tiltak vil
hun eventuelt foreta i dette folkerike området?
Statsråd Liv Signe Navarsete [12:03:27]: Dersom Oslo kommune gjer vedtak om innføring av rushtidsavgift, eller
ei utgreiing av det, er det naturleg at staten i ein slik prosess set seg
ned saman med Oslo kommune og ser på kva som må til av forsterkingar
i kollektivsystemet. Det er ikkje mogleg med den kollektivtrafikken me har
i dag å tenkje seg køprising i Oslo. Kollektivtilbudet må
styrkjast betydeleg. Ei slik styrking vil bety både ei satsing på
togtrafikken, som me strir med i dag grunna manglande investeringar og driftsløyvingar
gjennom mange år, og ei satsing på kollektivtilbodet elles i
Oslo.
Regjeringa har vore tydeleg på at staten skal vere med
på å finansiere ei slik satsing dersom ein vel å gå
for køprising. Men det er ei avgjerd som må takast lokalt.
Det har òg Regjeringa vore særdeles tydeleg på.
Borghild Tenden (V) [12:04:38]: Jeg hører at samferdselsministeren sier at det ikke hadde vært
mulig slik som det er i dag. Det er jeg helt enig med henne i. Det hadde
faktisk ikke vært mulig slik som forholdene er i Oslo pr. i dag. Etter
å ha hørt det forrige svaret tror jeg det kan bli lenge til
det er mulig i det hele tatt, for det er mye som må gjøres
for at det gode kollektivtilbudet er på plass i Oslo-regionen. Da
er det vanskelig for Oslo å tilrettelegge for rushtidsavgift nå,
selv om mange politiske partier ønsker det.
I Oslo skal man
nå betale 25 kr i bomringen. I vestregionen skal man betale ekstra
37,50 kr. Hvis man skulle innføre rushtidsavgift i Norge - i Sverige
betaler man 10 kr, 15 kr eller 20 kr alt etter når man passerer bomringen
i løpet av dagen - hvor mye tenker samferdselsministeren seg at man
måtte betale for at det skulle ha en trafikkdempende effekt?
Statsråd Liv Signe Navarsete
[12:05:51]: Det er ingen tvil om at når Oslopakke 3
begynner å verke, vil ho truleg òg ha ein trafikkdempande effekt,
spesielt mot vest, med tanke på dei nye satsane som eit breitt fleirtal
i Oslo og Akershus har gått inn for, og som vi no har lagt fram for
Stortinget til vedtak.
Kva satsar ein måtte ha dersom ein skulle
ha køprising, må ein sjå i samanheng med kva tid ein
ville setje ned satsane, for poenget med køprising er nettopp at
det skal vere billegare på visse tider av døgnet. Det er jo
ikkje kø ut mot Sandvika midt på dagen, så då kunne
ein eventuelt redusere satsane for å spreie litt utover dagen den
trafikken som ikkje nødvendigvis må gå i rushtida. Men
det har eg ikkje sett meg ned og rekna på. Det er jo eit ganske stort
arbeid som måtte gjerast dersom ein valde å gå den vegen,
å utgreie ei køprising i Oslo-området.