Stortingets ombodsmann for forvaltinga (Sivilombodsmannen) leverer årleg årsmelding til Stortinget. Denne inngår i dokumentrekkja til Stortinget som Dokument 4.

Les årsmeldinga frå Sivilombodsmannen (Dokument 4 (2013–2014)) her.

– Sivilombodsmannen er ein viktig samfunnsaktør. Det å vareta rettane til borgarane i møte med ein sterk stat, er ei viktig side ved demokratiet, uttala stortingspresident Olemic Thommessen då årsmeldinga for 2013 vart overlevert tysdag 25. mars 2014.

– Dette var den siste årsmeldinga avtroppande sivilombodsmann Arne Fliflet overleverte til Stortinget. Etter 24 år som Stortingets tillitsmann, fortener han ei stor takk for det arbeidet han har lagt ned i å leia Sivilombodsmannen, la Thommessen til.

Arne Fliflet går av som Stortingets ombodsmann for forvaltinga i år, og høgsterettsdommar Aage Thor Falkanger er vald til ny sivilombodsmann av Stortinget.