Frank Edvard Sve (FrP): Vil samferdselsministeren vurdere å forby piggdekkavgift i Norge og i Oslo, med bakgrunn i at piggdekk hindrer ulykker og er betydelig sikrare på såpeglatt isføre med heile fire billengder kortare bremselengde?
Grunngiving
Glatte vegar har vore og er eit svært stort problem mange stader i landet.
I Oslo har det vore store utfordringer med glatte vegar, og glatte vegar oppstår også fordi vegbanen blir polert av piggfrie dekk.
Mange har vore ute og advart om den lave piggdekkandelen, og det er liten tvil om at piggdekk på isføre har stor betydning. Nokon forsøker seg med at piggdekk ikkje er like gode som piggfrie dekk på ulike fører, men dei fører som medfører store problemer for bilistane er det udiskuterbart ein stor fordel med piggdekk.
Bremselengde på is har piggfrie dekk neste fire billengder kortare bremselengde eller piggfrie dekk, dette er ein betydeleg forskjell.
For ganske nøyaktig eit år sidan hadde brøytesjefen i Bærum kommune eit oppslag i NRK, der han uttalte:
"Den store mengden med snø har gitt trafikale utfordringar. Brøytesjef i Bærum kommune meiner fleire bør velje vinterdekk med piggar.
Kan gjere glatt føre glattare
– Når folk bremsar framfor til dømes ein fartshump eller ei rundkøyring med piggfrie dekk kan vegen bli glattare, fortel brøytesjef i Bærum kommune til NRK."
I Oslo er det innført piggdekkgebyr om vinteren. Denne byen "bøtelegger" dei bilistane som køyrer på trygge og sikre piggdekk, medan andre med piggfrie dekk slepp dette gebyret.
Eg køyrer sjølv med piggdekk, og skal ALDRI ha noko anna på mine biler då alt anna enn gode piggdekk er uholdbart på skiftande vinterføre, og eg køyrer "litt bil" med ca. 50 000 km pr år.
Eg betalar "piggdekkavgift" på trur eg ca. 1 400 kr pr sesong, noko som eg betalar med ein betydeleg bismak, når eg opplever å må køyre forbi bilar her i Oslo sentrum som står dønn fast og spinner med sine håplause piggfrie dekk.
Eg må altså betale for å køyre sikkert med mine nye gode piggdekk.