Departementet foreslår i høyringsbrevet å innføre reglar
om klagenemnd for inkassosaker. Klagenemnda vert oppretta gjennom
privat initiativ, men vil få offentleg godkjenning. Forslaget
inneber at Kredittilsynet får høve til å stille
nemndstilknyting som vilkår for inkassoløyve.
Lovforslaget omfattar tvistar mellom alle skyldnarar og inkassoforetak,
og er med andre ord ikkje avgrensa til tvistar i forbrukarforhold.
Alle høyringsinstansane med få unntak støttar framlegget
om å opprette ei klagenemnd for inkassosaker langs dei
hovudlinjene Justisdepartementet drog opp i høyringsbrevet.
Justisdepartementet meiner at det bør opprettast ei
klagenemnd for inkassosaker. Hovudformålet med ei slik
nemnd vil vere å skaffe skyldnarane og inkassoforetaka
ein rimeleg og enkel måte å løyse inkassotvistar
på. Ei inkassoklagenemnd kan dessutan medverke til ei klargjering
og presisering av inkassorettslege reglar. Eit særskilt
argument for å opprette ei inkassoklagenemnd er at det
i liten mon er ført tilsyn med kravet til god inkassoskikk
i inkassolova. Opprettinga av ei inkassoklagenemnd kan gjere at
ein får ei meir effektiv handheving av dette kravet.
Departementet føreset at ei klagenemnd vert oppretta
gjennom privat initiativ, men at ho kan få offentleg godkjenning
som har visse rettsverknader.
For å gjere nemndsystemet effektivt, gjer Justisdepartementet
framlegg om at Kredittilsynet kan krevje at inkassoforetaka sluttar
seg til ei nemndsordning ved tildeling av inkassoløyve,
og at foretak som allereie har løyve, gjer det same, jf. § 5
fjerde ledd i lovforslaget. Kredittilsynet kan såleis stille
krav om at ordninga er open for tilslutning også for uorganiserte
inkassoverksemder.
Justisdepartementet foreslår at reglane om inkassoklagenemnd
skal omfatte tvistar mellom alle skyldnarar og foretak som driv
inkassoverksemd. Etter Justisdepartementet sitt syn bør
berre skyldnarane kunne bringe saker inn for nemnda. Justisdepartementet
meiner dessutan at skyldnaren i forbrukarforhold ikkje bør
ha høve til å fråskrive seg retten til nemndshandsaming
på førehand, jf. utkast til ny § 22 tredje
ledd.
Tvistar om hovudkravet fell utanfor nemnda sin kompetanse. Det
kan likevel verte nødvendig at nemnda prejudisielt tek
stilling til innvendingar mot hovudkravet.
Etter departementet sitt syn bør nemndsmedlemmer og
andre som utfører arbeid for nemnda, ha teieplikt etter
inkassolova, jf. utkast til ny § 28 første ledd.
Justisdepartementet har etter ei nærmare vurdering kome
til at det bør gjelde ein meir avgrensa litispendensregel
enn den som var foreslått i høyringsbrevet. At
ein tvist om inndrivingskostnader er brakt inn for inkassoklagenemnda,
bør ikkje vere til hinder for at han vert handsama ved
dei allmenne domstolane i samband med ei sak om hovudkravet.
I høyringsbrevet er det reist spørsmål
om avgjerdene til nemnda bør ha retts- og tvangskraft.
Justisdepartementet har kome til at ein ikkje bør knyte
slike verknader til avgjerdene. Spørsmålet om
retts- og tvangskraft reiser ei rekke prinsipielle spørsmål
som bør handsamast i ein større samanheng.
Etter Justisdepartementets syn bør ei sak som nemnda
har realitetshandsama, kunne førast rett inn for tingretten
utan handsaming i forliksrådet, jf. utkastet til
ny § 23 andre ledd.
Departementet gjer framlegg om ei ny føresegn i inkassolova,
som regulerer fristavbrot i samband med at ein tvist vert ført
inn for inkassoklagenemnda, jf. § 26.
Justisdepartementet meiner at den fristavbrytande verknaden berre
bør knyte seg til krav som nemnda har kompetanse til å handsame.
For å gjere skyldnarane kjende med høvet til å bringe
saker inn for nemnda, gjer Justisdepartementet framlegg om at ei
betalingsoppfordring skal innehalde opplysningar om høvet
til nemndshandsaming, jf. utkast til ny bokstav f i § 10
første ledd.
Komiteen mener det er avgjørende
at det opprettes en klagenemnd som foreslått. For debitor
er domstolsprøving med risiko for store saksomkostninger
eneste utvei i dag når krav og innkrevningsprosedyre bestrides.
Ei klagenemnd vil kunne bøte på dette. Komiteen støtter
derfor forslaget om å opprette ei klagenemnd for inkassosaker. Komiteen understreker
at hovedformålet med denne nemnda er å skaffe
skyldnere og inkassoforetak en rimelig og enkel måte å løse
inkassotvister på. Videre merker komiteen seg
at oppretting av nemnda også kan medvirke til en klargjøring
og presisering av inkassorettslige regler, deriblant gi en mer effektiv
håndheving av kravet til god inkassoskikk i inkassolova.
Klagenemnda blir oppretta gjennom privat initiativ, men vil få offentlig
godkjenning.
Komiteen støtter forslaget om at Kredittilsynet
kan kreve at inkassoforetaket slutter seg til ei nemndsordning ved
tildeling av inkassoløyve. Komiteen mener
at det bare unntaksvis bør tildeles inkassoløyve
uten at foretaket slutter seg til nemndsordninga.
Komiteen vil fremheve at det er viktig for å sikre
skyldnerens rettigheter at skyldneren i forbrukerforhold ikke skal
kunne fraskrive seg retten til nemndsbehandling på forhånd. Komiteen påpeker videre
at nemnda opprettes for å styrke skyldnerens stilling i
gjeldssaker, og at det derfor bare er skyldneren som kan bringe
saker inn for nemnda.
For øvrig støtter komiteen Regjeringens
andre forslag til saksbehandlingsregler for nemnda bl.a. om rettskraft
og foreldelse.