Dei endringane departementet gjer framlegg om, vil i første
rekkje gje konsekvensar for domstolane, politiet og påtalemakta.
Framlegget om at foreldra til barn som er døde som følgje
av ei straffbar handling skal få dekt reiseutlegg og eventuelt
tapt arbeidsforteneste som vitne når dei følgjer
hovudforhandlinga i straffesaka vil gje det offentlege auka kostnader.
Departementet reknar med at framlegget vil kunne gje det offentlege årlege auka
utlegg i storleiken kr 500 000-600 000. Men talet
er uvisst sidan det ikkje finnast ei total oversikt over saker der
barn og unge er døde som følgje av ei straffbar
handling.
Når det gjeld framlegget om ei utviding av ordninga
med bistandsadvokat reknar departementet berre med at det vil ha
små økonomiske og administrative konsekvensar.
Forslaga elles vil kunne føre til noko meir arbeid for
politiet og påtalemakta. Framlegga er eit stykke på veg
ei synleggjering av gjeldande rettar, så meirarbeidet blir
ikkje så stort.