Ved avgjerd i EØS-komiteen nr. 97/2000
av 27. oktober 2000 vart det vedteke å endre vedlegg XVIII
til EØS-avtala, som gjeld helse og tryggleik på arbeidsplassen,
arbeidsrett og lik handsaming av kvinner og menn, til òg å omfatte
rådsdirektiv 1999/63/EF om avtala om
organisering av arbeidstida til sjøfolk.
Avgjerda i EØS-komiteen vart teken
med atterhald om samtykke frå Stortinget, ettersom gjennomføringa etter
norsk rett gjer det naudsynt med lovendring, jf. § 26 andre
leddet i Grunnlova og artikkel 103 i EØS-avtala. Stortinget
vert gjennom denne proposisjonen oppmoda om å gje samtykke
til godkjenning av avgjerda i EØS-komiteen.
Avgjerda i EØS-komiteen og direktivet
i uoffisiell norsk omsetjing følgjer som trykte vedlegg
til proposisjonen.
I direktiv 1993/104/EF, som
er ein del av EØS-avtala, er det fastsett krav til tilhøve
som arbeidstid, kviletid, maksimal arbeidstid per veke, ferie, nattarbeid
og skiftarbeid. Ei rekkje aktivitetar og sektorar, medrekna sjøtransport,
er likevel ikkje omfatta av verkeområdet til direktivet.
På denne bakgrunnen forhandla Samanslutninga
av skipsreiarar i Den europeiske unionen (ECSA) og Samanslutninga
av transportarbeidarforbund i Den europeiske unionen (FST) fram
ei rammeavtale om arbeidstid på skip (ECSA-avtala). Direktiv
1999/63/EF gjennomfører denne avtala.
Samstundes gjev direktivet ei einsarta gjennomføring for
medlemsstatane av hovudinnhaldet i ILO-konvensjon nr. 180.
Rådsdirektiv 1999/63/EF
er eit minimumsdirektiv. Det har som føresetnad at gjennomføringa
av føresegnene i direktivet i nasjonal lov ikkje fører
til at det generelle vernenivået som den einskilde medlemsstaten
alt har på området til rammeavtala, vert senka.
Direktiv 1999/63/EF gjev reglar
som i utgangspunktet gjeld for alle tilsette på skip som
vert drivne kommersielt. Den normale arbeidstida skal vere åtte
timar. Medlemsstatane må anten fastsetje eit timetal for
lengste arbeidstid eller minste kviletid. Direktivet inneheld nærmare
føresegner for korleis denne reguleringa skal finne stad.
Det skal førast register over utført arbeid eller
gjennomført kviletid, slik at det kan kontrollerast at
føresegnene vert etterlevde. Direktivet gjev høve
til å gjere unntak frå arbeids- eller kviletidsføresegnene
i gjevne tilfelle.
Direktivet gjeld berre for skip som tek del
i kommersiell verksemd.
Gjennomføringa av direktivet i Noreg
vil krevje endringar i lov av 3. juni 1977 nr. 50 om arbeidstid
på skip, og lov av 12. juni 1987 nr. 48 om norsk internasjonalt skipsregister.
Direktivet vil utvide verkeområdet
i lov om arbeidstid på skip til å gjelde alle
som i medhald av tilsetjingsavtala er tilsette om bord, med mindre
dei er fritekne frå verkeområdet til lova. I lov
om arbeidstid på skip er det no visse yrkesgrupper som
er fritekne frå verkeområdet til lova, m.a. pursarar
og helsepersonell. Gjennomføringa av direktivet fører
til at desse gruppene òg vil verte underlagde ei tilsvarande
regulering som dei andre kategoriane av tilsette.
Lov om norsk internasjonalt skipsregister (NIS) viser
til ei rekkje føresegner i lov om arbeidstid på skip.
Lov om NIS må tilpassast dei endringane som vert gjorde
i lov om arbeidstid på skip.
Gjennomføringa av direktivet må sjåast
i samanheng med at Stortinget den 13. november 1998 gav samtykke
til at Noreg skal ratifisere ILO-konvensjon nr. 180 og slutte seg
til ILO-rekommandasjon nr. 187. Det vert her vist til St.prp. nr.
74 (1997-1998) og Innst. S. nr. 22 (1998-1999). Det vil verte utarbeidd
ein odelstingsproposisjon med dei nemnde lovendringane for å gjennomføre
direktivet og ILO-konvensjon nr. 180.
EU har vedteke rådsdirektiv 2000/34/EF
om arbeidstid for fiskarar, som truleg vil verte innlemma i EØS-avtala.
Dette direktivet vil òg krevje endring i lov om arbeidstid
på skip. Det vil verte lagt opp til at direktiva 1999/63/EF
og 2000/34/EF vert dekte av den same odelstingsproposisjonen
og gjennomførde på same tid, ettersom begge direktiva
krev at lov om arbeidstid på skip vert endra.
Gjennomføringa av direktivet vil ikkje
føre til større administrative eller økonomiske
konsekvensar for styresmaktene eller næringa.
Direktivet utvidar verkeområdet til
lov om arbeidstid på skip til å omfatte fleire
stillingskategoriar, og medverkar såleis til å styrkje
arbeidarvernet. Ei godkjenning av avgjerda i EØS-komiteen
vil sikre ein lik standard innanfor heile EØS-området.
Nærings- og handelsdepartementet tilrår
godkjenning av avgjerda i EØS-komiteen om å ta
inn direktivet i EØS-avtala. Utanriksdepartementet slutter
seg til dette.
Komiteens flertall, medlemmene
fra Arbeiderpartiet, lederen Berit Brørby, Odd Eriksen,
Aud Gaundal, Einar Johansen og Kari Manger, fra Kristelig Folkeparti,
Anita Apelthun Sæle og Ivar Østberg, fra Fremskrittspartiet,
Torbjørn Andersen og Lodve Solholm, fra Senterpartiet,
Magnhild Meltveit Kleppa, og fra Sosialistisk Venstreparti, Karin Andersen,
viser til sine merknader i Innst. S. nr. 22 (1998-1999). Flertallet har
for øvrig ingen merknader.
Komiteens medlemmer fra Høyre, Sverre
J. Hoddevik og Erna Solberg, vil vise til at de ved behandling
av Innst. S. nr. 22 (1998-1999) gikk imot på det daværende
tidspunkt at Norge skulle ratifisere ILO-konvensjon 180, slik også den daværende
regjeringen anbefalte. Dette var begrunnet i at disse medlemmer ikke ønsket
at Norge skulle implementere regelverket i norsk lovgivning før
EU-direktivet var klart og man hadde en oversikt over om EU-landene
ville velge å implementere et regelverk basert på hviletidsbestemmelser
eller arbeidstidsbestemmelser. Disse medlemmer konstaterer
at EU-direktivet ikke medfører et hovedvalg mellom de to metodene,
og vil derfor understreke at norske myndigheter bør avvente
innarbeidelsen av lovendringene til man har en pekepinn på hvilke
valg norsk skipsfarts konkurrentland i EU velger. Etter disse
medlemmers mening er det viktig å sikre at lovendringene ikke
medfører en ytterligere svekkelse av konkurransekraft for
den delen av norsk skipsfart som driver i våre nærområder.
Komiteens utkast til
innstilling ble 15. mars 2001 oversendt utenrikskomiteen til uttalelse.
Utenrikskomiteen uttaler følgende i brev av 21. mars 2001:
"Utenrikskomiteens medlemmer slutter seg til de respektive
fraksjoners merknader i kommunalkomiteens utkast til innstilling
og har for øvrig ingen andre kommentarer."
Komiteen har ellers
ingen merknader, viser til proposisjonen og rår Stortinget
til å gjøre slikt
vedtak:
Stortinget gjev samtykke til godkjenning av
avgjerd i EØS-komiteen nr. 97/2000 av 27. oktober
2000 om endring av vedlegg XVIII til EØS-avtala (direktiv
om arbeidstid på skip).
Oslo, i kommunalkomiteen, den 22. mars 2001
Berit Brørby
leder |
Karin Andersen
ordfører |
Erna Solberg
sekretær |