Komiteen legg til grunn at Statens
vegvesen følgjer opp dei føresetnadene som Stortinget
har lagt til grunn ved behandlinga av Nasjonal transportplan 2006-2015,
jf. Innst. S. nr. 119 (2003-2004).
Komiteen viser til Stortinget
si behandling av St.prp. nr. 1 (2001-2002), St.prp. nr. 60 (2001-2002)
og St.prp. nr. 67 (2002-2003) der prinsippa for alternativ bruk
av innspara ferjetilskot ved ferjeavløysingsprosjekt er
omtala.
Komiteen finn grunn til å presisere
at også prosjekt der trafikkgrunnlaget ikkje er stort nok
til at bompengeinnkreving kan gi eit positivt bidrag til finansieringa,
må kunne nytte ferjeavløysingsmidlar som delfinansiering
av prosjektet. I dei tilfelle der andre enn bompengeselskap, til
dømes fylkeskommunar eller kommunar, forskotterer ferjeavløysingsmidlane,
må delar av ferjeavløysingsmidlane kunne nyttast
til finansiering av lånet.