I stortingsproposisjonen legg Justisdepartementet
fram forslag til styrking av redningshelikoptertenesta.
I St.prp. nr. 1 (2007–2008) blei redningshelikoptertenesta
styrkt med om lag 160 mill. kroner til drift og investeringar i
samband med etablering av tilstadevakt ved redningshelikopterbasane
på Ørland og Rygge, etablering av ny redningshelikopterbase i Florø,
auka vedlikehaldskostnadar og vidareføring av prosessen for kjøp
av nye redningshelikopter. Forsvarsdepartementet har gjort ein ny
gjennomgang av kostnadane til redningshelikoptertenesta. Denne viser
ytterlegare auka kostnadar for å kunne oppretthalde redningshelikoptertenesta
på det nivået som er vedtatt. Som fylje av dette har redningshelikoptertenesta
i handsaminga av St.prp. nr. 59 (2007–2008) blitt tilført ytterlegare 15
mill. kroner til drift i 2008, jf. Innst. S. nr. 270 (2007–2008).
Likevel er det for 2008 framleis nødvendig å styrkje
driftsbudsjettet til redningshelikoptertenesta for å oppretthalde
aktiviteten samt fortsette planen med oppstart av ny redningshelikopterbase
i Florø slik at beredskapen for kysten med stor oljerelatert verksemd
og mykje fiskeriaktivitet kan verte betre. Prognosane på drift
pr. 1. august 2008 inneber at drifta må styrkjast med 33,75 mill.
kroner i 2008 dersom ikkje tilbodet skal reduserast.
Justisdepartementet legg derfor med dette fram følgende
endringsforslag til drift av redningshelikoptertenesta:
Posten dekker bl.a. utgifter til den offentlege redningshelikoptertenesta,
inklusiv tilstadevaktordninga.
Prognosane på drift pr. 1. august 2008 inneber
at drifta må styrkjast med 33,75 mill. kroner i 2008 for å kunne
oppretthalde redningshelikopterberedskapen. Justisdepartementet
foreslår derfor å auke kap. 455 post 1 med 33,75 mill. kroner.