Arveavgiftsloven § 9 andre ledd fastsett at
rådigheita over arven ikkje reknast som erverva så lenge attlevande
ektemake held slike midlar i uskifta bu. Dette suspenderer arveavgiftsberekninga
for dei arvingane som elles er avgiftspliktige. Først ved utdelingar
frå uskiftebuet eller opphør av dette, skjer arveavgiftsplikta.
Departementet gjer framlegg om at denne føresegna også skal gjelde
for uskifte mellom sambuarar. Lovframlegget jamsteller såleis i
arveavgiftslova attlevande sambuar og ektemake som har rett til
å sitje i uskifte.
Etter arvelova § 28 c kan person som var sambuar
med avdøde ved dødsfallet og som har, har hatt eller ventar barn
med avdøde, ta over følgjande eigedelar som den avdøde eigde, uskift med
den avdøde sine arvingar etter lova:
Den attlevande kan på same vis ta over også
andre eigedelar uskift dersom det er fastsett i testament eller
arvingane samtykkjer.
Arveavgiftsloven har fleire reglar som jamsteller ektemakar
og sambuarar. Dette gjeld § 4 fjerde ledd som fritar for arveavgift
midlar som nokon tar imot som arv eller gåve frå sin ektemake eller sambuar,
jf. § 47 A. Også i § 2 første ledd bokstav a og d, samt i regelen
sitt andre og fjerde ledd, blir ektemakar og sambuarar jamstelte.
Det same gjeld § 5 fjerde ledd, § 7 femte ledd, § 8 andre ledd,
§ 14 fjerde ledd og § 28 første ledd. Desse reglane kom inn i arveavgifts-loven
ved lov 28. juni 2002 nr. 49 med verknad frå 1. januar 2002, jf.
Ot.prp. nr. 75 (2001‑2002).
Ved lov av 9. desember 2005 nr. 116 vart sambuaromgrepet
i arveavgiftsloven § 47 A endra frå berre å gjelde sambuarar som
nemnd i folketrygdloven § 1-5 til også å gjelde sambuarar som har
budd saman i minst to år i eit ekteskapsliknande eller partnarskapsliknande
forhold.
Å jamstelle sambuarar og ektemakar i arveav-gifts-lova
når det gjeld uskifte, er såleis å følgje opp lovgjevinga i arvelova
med å jamstelle ektemakar og sambuarar der.
Departementet gjer derfor framlegg om endring av
arveavgiftsloven § 47 A slik at den også omfattar sambuarar som
etter arvelova § 28 c kan sitje i uskifte med den avlidne sambuaren
sine arvingar. Slike sambuarar og deira uskifte er nemnde i eit
anna forslag i denne proposisjonen vedrørande arveav-gifts-loven
§ 7 første, andre, tredje og fjerde ledd og § 9 andre ledd. Sjå
kapittel 9 i proposisjonen. Departementet foreslår at lovendringa
tek til å gjelde straks. Ein viser til endring av arveavgiftsloven
§ 9 andre ledd og forslag til ny § 47 A andre ledd.
Forslaget kan ikkje sjåast å ha særlege økonomiske
eller administrative konsekvensar.
Komiteen slutter seg
til regjeringens forslag.