Regjeringa vil etablere eit infrastrukturfond
på 100 mrd. kroner. Fondet blir bygd opp over inntil fem år. Det
overordna målet med fondet er føreseieleg og varig finansiering.
I Prop. 1 S Tillegg 1 (2013–2014) har regjeringa gjort framlegg
om å løyve 20 mrd. kroner til eit infrastrukturfond i 2014. For
å få ei rask opptrapping av infrastrukturfondet foreslår regjeringa
å løyve 10 mrd. kroner i kapitalinnskot til fondet i 2013. Fondskapitalen
vil gi grunnlag for avkastning frå og med 2015. Avkastninga frå
fondet blir øyremerkt på statsbudsjettet til veg-, jernbane- og kollektivnettet
og til breiband og IKT-infrastruktur. Regjeringa vil i statsbudsjettet
for 2015 kome tilbake med forslag til fordelinga av midlane mellom
dei ulike formåla.
Eit kapitalinnskot på 10 mrd. kroner i 2013
gir staten renteutgifter på om lag 11,1 mill. kroner i 2013. Regjeringa
vil i proposisjonen om nysaldering av budsjettet for 2013 fremme
forslag om løyving til å dekkje desse renteutgiftene. Samferdselsdepartementet
foreslår å løyve 10 mrd. kroner på nytt kap. 1331 Infrastrukturfond, post
95 Innskot av fondskapital.
Komiteens flertall, medlemmene
fra Høyre, Fremskrittspartiet, Kristelig Folkeparti og Venstre,
slutter seg til forslaget om å bevilge 10 mrd. kroner i kapitalinnskott
til fondet i 2013. Flertallet ser den raskere opptrappingen
av fondet som meget positiv og at dette dermed gir grunnlag for
avkastning allerede fra og med 2015.