Laila Kaland (A):
Eg vil få stille
følgjande spørsmål til kyrkje-, utdanings- og forskingsministeren:
Det blir hevda frå fleire hald at
Reform 94 gjer det umogleg å utvise svært vanskelege og umotiverte elevar
frå skulen. Dette kan medføre store problem både for medelevar og lærarar.
Meiner statsråden at skulen ikkje
lenger kan utvise elevar etter innføring av Reform 94?
Statsråd Gudmund Hernes:
Elevar i
vidaregåande opplæring kan i visse høve bli utestengde frå opplæring.
Utestenging vil seie at eleven ikkje får delta i opplæringa i ein-fem dagar.
Etter ny vurderingsføresegn som gjeld etter innføringa av Reform 94, får
elevane karakterar i orden og åtferd. Brot på skolereglementet og forhold
som kan føre til utestenging, kan få verknad for desse karakterane.
I andre høve kan elevane bli bortviste
frå opplæringa. Bortvising vil seie at eleven blir utvist frå skolen for
resten av skoleåret. Eg reknar med at representanten Kaland i sitt spørsmål
meiner bortvising av elev for resten av skoleåret.
Vilkåra for bortvising vart ikkje
endra ved innføringa av Reform 94, men saksgangen ved bortvising er endra.
Lærarrådet gjorde tidlegare vedtaka om
bortvising. Lærarrådet er frå 1. januar 1994 ikkje eit lovpålagt organ.
Det er no rektor som gjer vedtak om bortvising. Det er elles ikkje gjort
endringar i føresegnene. Skolane har same høve til å vise bort elevar som
tidlegare, i medhald av lov av 21. juni 1974 nr. 55 om vidaregåande
opplæring, § 16, når ein elev
vedvarende
har vist en oppførsel som i alvorlig grad går ut over orden og arbeidsro i skolen
eller når en elev i alvorlig grad forsømmer sitt arbeid eller sine plikter
Vedvarande boikott av undervisninga,
manglande arbeid eller innsats og andre alvorlege forhold som varar ved, kan
gi grunnlag for bortvising. Men det er eit vilkår for bortvising og ei
plikt for skolen å sjå til at dei aktuelle elevane har fått hjelp av
pedagogisk-psykologisk teneste eller anna sakkunnig hjelp. Skolen og
fylkeskommunen har altså ei plikt til å gripe inn med sikte på å løyse
problemet. Bortvising skal i utgangspunktet ikkje nyttast om det er mogleg
med andre løysingar. Bortvising kan berre brukast som reaksjon på forhold
som knyter seg til ungdomen som elev, og ikkje når det gjeld forhold utanfor
skolen.
Elevar med lovfesta rett til
vidaregåande opplæring som blir bortviste, mistar ikkje automatisk retten
til vidaregåande opplæring. Dei skal visast til oppfølgingstenesta. Det
normale vil vere at oppfølgingstenesta er varsla før eventuelt vedtak om
bortvising. Fylkestinget eller den fylkestinget gir mynde, er klageinstans.
I særlege høve kan fylkeskommunen
gjere vedtak om tap av rett til opplæring. Slikt vedtak vert gjort av
fylkestinget eller den fylkestinget gir mynde. Forholdet må vere graverande
og som hovudregel ha gjenteke seg over tid. Andre verkemiddel og hjelp til
eleven må vere prøvde. Departementet eller den departementet gir mynde, er
klageinstans.
Laila Kaland (A):
Eg vil takke
statsråden for svaret, som eg synest var godt.
Det å utvise ein elev frå skulen er ei
lei sak og må sjølvsagt vurderast nøye. Eg er likevel glad for svaret og
det som statsråden her har peika på, at utvisingsretten ikkje vart endra ved
innføringa av Reform 94, men at saksgangen er blitt endra, og at det no er
rektor som har den retten.
Eg er også samd i at tiltak overfor
kvar enkelt elev som får vanskar i den vidaregåande skulen, skal følgjast
opp. Men i dei tilfella kor ingen ting hjelper, må utvisingsretten brukast
- dette for å hjelpe dei andre medelevane ved skulen, men også lærarane, som
enkelte gonger kjem i ein veldig vanskeleg arbeidssituasjon.
Mitt tilleggsspørsmål til statsråden -
etter den gode utgreiinga som her vart gitt - er om dette kan sendast ut som
eit rundskriv til den enkelte skule der det blir peika på dei rettane som
elevane ved skulen har, slik at også skulen får klar informasjon om kva
dette går ut på.
Statsråd Gudmund Hernes:
Vi kan gjerne
vurdere å sende informasjon om dette ut. Det kan være at et rundskriv da er
det mest hensiktsmessige, men det kan også tenkes andre former. I alle
fall: Det er noe jeg skal ta med meg tilbake.
La meg ellers også nevne at den
generelle del av læreplanen har en passus som omhandler disse forhold. Her
står det:
Alle
har eit felles ansvar for eit læringsmiljø med omtanke for andres behov og respekt
for læring. Både kvardagen i skolen og sjansane for den einskilde seinare i livet
kan bli øydelagde dersom konflikt og uorden får setje sitt preg på miljøet. Alle
elevar har rett til opplæring i ryddige og rolege former, og har sjølve medansvar
for dette.