Åse M. Schmidt
(FrP) [11:52:19]: «Kristiansand Lufthavn Kjevik er
en heleid flyplass av Avinor. Dette medfører både
rettigheter og plikter. Det har vært lite fokus
på flyplassen fra Avinor sin side, selv om den stort sett
har gått med overskudd og har et passasjergrunnlag som
er økende.
Hva vil statsråden gjøre
for å sikre at flyplassen blir oppjustert til
en moderne og tidsriktig flyplass, sammenlignet med andre
flyplasser i landet som går med overskudd?»
Statsråd Liv Signe
Navarsete [11:52:54]: Sidan Avinor er organisert som eit
aksjeselskap, er det Avinor sitt styre som vedtek dei årlege
investeringsbudsjetta. Styret står sjølvsagt ikkje
heilt fritt. Det er styresmaktene som fastlegg lufthamnstrukturen,
og Avinor må syte for at alle lufthamner
kan drivast på ein forsvarleg måte. Lufthamnene
må t.d. møte dei til kvar tid gjeldande
krava frå Luftfartstilsynet.
Avinor opplyser at det dei to siste åra
har vore investert til saman om lag 25 mill. kr i terminalbygget
på Kjevik. Dette gjeld i hovudsak tryggingstiltak og nokre
mindre utvidingar. Investeringsnivået dei neste åra
vil vere høgt. I 2006-budsjettet er det sett
av prosjekteringsmidlar til ei større utviding av terminalbygget
som er kostnadsrekna til 65 mill. kr. Arbeidet skal etter
planen startast mot slutten av 2006. Nytt tårn til 35 mill.
kr er òg under prosjektering.
I 2004 gjekk Kjevik lufthamn i økonomisk
balanse, medan dei førebelse tala for 2005 viser eit lite
overskot.
Dei store utfordringane på Kjevik
dei næraste åra gjeld krav til større
tryggingsområde i begge endar av rullebana. Dette vil kunne
koste om lag 200 mill. kr. Ei slik utbygging vil verte utgreidd
i samband med ny reguleringsplan for området.
Det skjer òg ei positiv utvikling
med omsyn til trafikkutviklinga. Avinor opplyser at SAS Braathens
frå 11. februar 2006 opnar ei ny rute
til Alicante, medan KLM frå 1. mars vil doble
kapasiteten til Amsterdam. Frå 28. mars 2006 vil SAS Braathens auke
kapasiteten på ruta til København.
På bakgrunn av den utviklinga ein
ser på Kjevik, er det difor ikkje tvil om at både
Avinor og flyselskapa satsar på Kjevik.
Åse M. Schmidt (FrP) [11:54:44]: En ser at det er et etterslep. Ellers hadde
det kanskje ikke vært grunnlag for den påplussingen
som skjer de neste to årene.
En kan også sammenligne
med andre fylker, f.eks. Møre og Romsdal, hvor
det er fire flyplasser som betjener det samme passasjergrunnlaget
som i Agder. Bør ikke fylker som Vest-Agder og
Aust-Agder derfor kunne forvente i det minste én
operativ høyverdig flyplass i landsdelen, uten at en må vente år etter år
før en – nærmest ved et hastevedtak – får
gjort noe med det? I tillegg vil en kanskje se at de påplussingene
som skjer i 2006/2007, muligens ikke er gode
nok for at det blir så høyverdig som det burde bli.
Statsråd Liv Signe Navarsete [11:55:27]: Ettersom Avinor er eit aksjeselskap, og det
er Avinor som har ansvaret for utgreiingane og dei økonomiske
prioriteringane på detaljnivå, kan eg ikkje
uttale meg i detalj om dei planane som ligg føre, for dei
ligg ikkje på mitt bord. Som statsråd
er eg generalforsamling og ikkje dagleg leiar eller styret.
Men eg kjenner meg trygg på at dei investeringane som vert
gjorde, er tidsmessige, og at dei er innretta slik at Kjevik skal
verte ein tenleg flyplass, ikkje berre etter dagens
standard, men sjølvsagt etter den standarden
me skal ha i framtida.
Eg skjønar spørsmålet
i forhold til at enkelte andre fylke har fleire flyplassar.
Det er ein struktur som har vore lagd, og som ligg der.
Denne statsråden har ingen planar om å gjere noko
med han. Mitt mål er at Avinor skal kunne setjast i stand
til å sikre alle flyplassane våre
ei tenleg og framtidsretta utvikling – òg Kjevik.
Eg meiner at dei planane som ligg føre, tek høgde
for det.
Åse M. Schmidt (FrP) [11:56:35]: Hvis det nå er slik at Avinor ikke
klarer å oppfylle forpliktelsene, med tilføring
med midler osv., er statsråden da villig til å gjøre
noe, f.eks. med avgiftsgrunnlaget, for å tiltrekke seg
nye flyaktører og øke konkurransen, og til sist
eventuelt også vurdere eierstrukturen
ved flyplassen?
Statsråd Liv Signe Navarsete [11:56:58]: Pr. i dag har eg ingen planar om å vurdere
eigarstrukturen.
Når det gjeld det andre
spørsmålet, vil eg påstå at
det er hypotetisk. Eg synest me skal ha tillit til Avinor sine planar,
som sjølvsagt vert utarbeidde i tett dialog med
lokale styresmakter, og til at dei vil syte for ivaretaking
av dei krava me ser at Kjevik har, og som folk i Agder-fylka har,
til å ha ein tenleg flyplass både i
dag og inn i framtida.