Per Roar Bredvold (FrP) [11:36:08]: Jeg ønsker å stille
følgende spørsmål til samferdselsministeren:
«I Hedmark omkom 27 personer i bilulykker
i 2006. Ikke noe fylke hadde flere omkomne. I tillegg
er det svært mange ulykker med personskader samt store
materielle skader.
Ser statsråden noen mulighet
til å forsere planlagte prosjekter samt bevilge penger
til riksvei 3?»
Statsråd Liv Signe
Navarsete [11:36:32]: I Hedmark omkom 27 personar i bilulukker i
2006, av dei ni på rv. 3. Tolv personar omkom i bilulukker
på E6 i Akershus, Hedmark og Oppland i 2006, av dei seks
på E6 Gardermoen–Kolomoen. Møteulukkene
viser ein aukande tendens.
Ut frå rv. 3 si betydning for transport mellom Oslo
og Trondheim må prioriteringane på denne ruta
sjåast i samanheng med prioriteringane på E6 mellom Oslo
og Trondheim, jf. St.meld. nr. 46 for 1999-2000 Nasjonal transportplan
2002-2011.
I St.meld. nr. 24 for 2003-2004 Nasjonal
transportplan 2006-2015 er det føreslått
utført mindre investeringstiltak, bl.a. utbetring
av eksisterande rv. 3 mellom Elverum og Rena i første
fireåresperiode. I handlingsprogrammet for investeringar
på stamvegnettet for perioden 2006–2009 fann Stortinget
likevel ikkje rom for investeringar på rv.
3 i Hedmark.
Statens vegvesen Region øst har i
2006 fullført eit prøveprosjekt på ei
11 km lang strekning på rv. 3 i Stor-Elvdal kommune. Prosjektet
er omtala i St.meld. nr. 46 for 1999-2000, Nasjonal
transportplan 2002-2011. I opplegget inngår tiltak på sideterreng,
breiddutviding, avkjørselsregulering m.m. Prosjektet er
koordinert med dekkelegging på rv.
3. Transport- og kommunikasjonskomiteen hadde i samband med behandlinga
av statsbudsjettet for 2007 følgjande
merknad:
«Komiteen
ber om at breddeutvidelsesprosjektet videreføres i 2007,
i den grad det er mulig gjennom innsparinger innenfor
Statens vegvesen Region østs område, eller
for øvrig på stamvegruten som rv 3 er en del av.»
Eg vil på grunnlag av komiteen sine
merknader ta dette spørsmålet opp med Vegdirektoratet
for å sjå om det er mogleg å vidareføre
breiddutvidingsprosjektet i 2007–2008. Når det
gjeld prioritering av stamvegmidlane for Hedmark i neste NTP, er
det som kjent i stor grad opp til fylkestinget kor høgt
tiltak på rv. 3 skal kome.
Eg vil òg understreke E6 si betydning
for ulukkesutviklinga generelt i Akershus, Hedmark og Oppland. I
St.meld. nr. 24 for 2003-2004, Nasjonal
transportplan 2006-2015, er det føresett at E6 Gardermoen–Kolomoen skal
byggjast om til firefelts veg med fysisk midtdelar i planperioden.
Dette er følgt opp i handlingsprogrammet for investeringar
på stamvegnettet for perioden 2006–2009. Eg meiner
dette tiltaket er svært viktig for trafikktryggleiken i
Hedmark.
Det var opphavleg tenkt at det skulle fremjast
eit samla finansieringsopplegg for heile strekninga. På grunn
av manglande planavklaring på delar
av strekninga – Minnesund–Skaberud spesielt – har
Samferdselsdepartementet avgjort at det skal fremjast eit finansieringsopplegg
for dei strekningane som det føreligg tilstrekkeleg planavklaring
på. Eg meiner dette er eit viktig grep, som kan gjere at
me kan hauste trafikktryggleiksvinstar for utbyggingstiltaket på E6
på eit tidlegare tidspunkt.
Samferdselsdepartementet har no starta arbeidet
med ekstern kvalitetssikring, KS2, av den fyrste delen av prosjektet,
og eg legg opp til at Regjeringa kan fremje ein stortingsproposisjon
for utbygging og finansiering av E6 Gardermoen–Dal
i Akershus og E6 Skaberud–Kolomoen i Hedmark i løpet
av 2007. Det er ein føresetnad at det vert tilslutnad til
delvis bompengefinansiering av heile prosjektet Gardermoen–Kolomoen.
Eg viser òg til svara mine
på spørsmål nr. 13 i spørjetimen
15. februar 2006 og på spørsmål
nr. 9 i spørjetimen 1. mars 2006 frå representanten
Per Roar Bredvold om trafikkulukker og tiltak i Hedmark og spesielt
om tilhøva på rv. 3.
Per Roar Bredvold (FrP) [11:40:16]: Jeg takker statsråden for svaret,
som for så vidt var en grei oppramsing av hva som kanskje
kommer til å skje og forhåpentligvis kommer til å skje.
Statsråden nevnte også at representanten
Bredvold hadde hatt lignende spørsmål før.
Det kan jeg love statsråden og Stortinget at
jeg kommer til å ha videre i min periode
som stortingsrepresentant.
Jeg er redd tallet 27. 27 drepte er 27 for
mange. I 2005 var det 15 drepte i Hedmark. Det er ikke
noe annet fylke som har et så pass stort antall drepte,
og jeg håper statsråden tar inn over seg at vi
må gjøre noe for å få ned antall drepte.
Når man ser på rv. 3, er
det ikke bare en vei for Hedmark, det er en
transittvei for hele landet. Jeg overdriver selvfølgelig
når jeg sier hele landet, men jeg velger å gjøre det,
for rundt 90 pst. av vogntogene velger Østerdalen framfor
Gudbrandsdalen, fordi den er kortere og mer lønnsom.
Rv. 3 er av Stortinget utnevnt til
stamvei, men bare ca. 6 pst. – tror jeg det var – holder
i dag stamveinorm, dvs. 8,5 meters norm. Det er altså mye å gjøre
her.
Statsråd Liv Signe Navarsete [11:41:31]: Regjeringa satsar på samferdsel og
har i årets budsjett ein stor auke på samferdselsbudsjettet
som òg kjem Hedmark til gode. Men det me gjer med den store
satsinga, er å oppfylle Nasjonal transportplan,
som er vedteken her i Stortinget, og med eit handlingsprogram som
ligg ved og høyrer innunder Nasjonal
transportplan. I det handlingsprogrammet er prioriteringa til fylkestinget
i Hedmark følgd opp. I den prioriteringa ligg den såkalla
lottorekkja – 2, 4, 6, 16 – og rv. 3 er ikkje
prioritert. Trass i det har ein evna å finne
litt midlar til breiddutviding, og eg er – stadig trass
i det som ligg av føringar i NTP – budd på å gå i
dialog med Statens vegvesen, og har alt gjort det, i håp
om at me skal kunne finne nokre midlar i tillegg. Men det er ei
krevjande øving, for då går me altså utover
det som fylkestinget har prioritert, og det som Stortinget har prioritert
i sitt vedtak.
Per Roar Bredvold (FrP) [11:42:38]: Jeg takker statsråden nok
en gang for svaret.
Når det gjelder breddeutvidelsesprosjektet,
var det jeg og Fremskrittspartiet
som sammen med daværende regjering fikk til 20 mill. kr
ekstra til Hedmark, 20 mill. kr ekstra til Sør-Trøndelag,
samt at Vegvesenet kom med noe. Da har vi fått 11 km bra
vei nord for Rena.
Jeg hadde håpet at Regjeringen
kunne fortsette med å gi noen millioner – la
oss si 20–30 mill. kr til Hedmark, 20–30 mill.
kr til Trøndelag – slik at det i hvert fall kunne skje
noe. Når det ikke skjer noe – dessverre – er
det ille.
Hvis statsråden f. eks. leser Hamar
Arbeiderblad for 11. januar 2007 og ser hvor folk dør i
Hedmark på grunn av trafikkskader, og leser i andre
aviser om daglige ulykker på rv. 3 – og noen
ganger dør folk der – håper jeg at statsråden
vil ta dette inn over seg.
27 drepte er, som jeg sa innledningsvis, 27
for mange. Derfor stiller jeg dette spørsmålet
nå, og jeg kommer til å stille det flere ganger.
Statsråd Liv Signe Navarsete [11:43:45]: Statsråden tek inn over seg at dødstala
er altfor høge både i Hedmark
og i resten av landet. Eg har seinast i dag vorte mint på det,
ved ei markering som Trygg Trafikk hadde utafor Stortinget
her i tidlege morgontimar, med sine tydelege krav om
kva me skal gjere for å vareta dei gåande og syklande,
altså dei mjuke trafikantane i trafikksystemet vårt. Så det
vert jobba, det vert satsa, og det skal me fortsetje med, både
i Hedmark og i resten av landet.
I motsetning til tidlegare regjeringar har
me ikkje berre lagt inn 20 mill. kr, me har lagt inn 2
milliardar kr i auke til samferdsel. Det betyr at det
vert rom for mykje større tiltak på både
utbyggings- og vedlikehaldssida, noko som betyr auka
trafikktryggleik for dei vegfarande
og andre trafikantar. Så dette har me fokus på.
Trafikktryggleik er punkt 1 i Regjeringa
sin samferdelspolitikk, og me arbeider med visjonen om null drepne
og hardt skadde i trafikken som den styrande visjonen for arbeidet
vårt – òg i Hedmark.