Øyvind Halleraker
(H) [12:45:23]: Jeg tillater meg å stille følgende
spørsmål til samferdselsministeren:
«Onsdag 21. februar sporet
Signaturtoget av ved Hallingskeid og rammet gods- og passasjertrafikk
på en av Norges mest trafikkerte langdistansestrekninger,
Bergensbanen, helt frem til mandag kveld.
Hvilke initiativ vil statsråden
ta, og hvilke tiltak vil hun iverksette for å oppnå best
mulig driftsregularitet også i vinterhalvåret?»
Statsråd Liv Signe
Navarsete [12:45:55]: Bergensbana vart stengd ved Hallingskeid på grunn
av at eit passasjertog av typen BM73, tidlegare kalla Signaturtoget, køyrde
inn i eit stort snøras og spora av. Snøraset var
om lag 2,5 meter på det høgste og om lag 25 meter
breitt, og det hadde losna om lag 150 meter over jernbanesporet. Innafor
det området som måtte ryddast for å kunne
sleppe fram andre tog, var det snakk om ei snømengd
på om lag 150 m3. Det var difor snakk om store
snømengder som måtte ryddast vekk før
andre tog kunne passere rasstaden. Hovudårsaka
til at bana måtte halde stengt i fem dagar, var at det
var storm på fjellet, med stor fare for nye snøskred
i rasområdet. Jernbaneverket valde difor å halde bana
stengt og ikkje sleppe ryddemannskap til før
vêret vart lettare i løpet av helga.
Når det gjeld spørsmål
om tiltak for å kunne sikre seg mot vintervêret,
slik at jernbana òg kan køyre i vinterhalvåret utan
for mykje stenging, kan eg opplyse om at Jernbaneverket
har sett i verk ei ordning med trinnvis beredskap for nedbør
og rasfare på Bergensbana. Viss fastsette terskelverdiar
vert overskridne, kan det føre til stenging av
bana. For å få dette til å fungere har
Jernbaneverket inngått ei avtale med Norges Geotekniske
Institutt, som utarbeider skredvarsel. Det er innført avgrensingar
og eventuell stenging av bana ut ifrå varsling både
frå NGI og vêrprognosar frå Meteorologisk
Institutt og ut ifrå om det er behov for rydding på linja.
Jernbaneverket har dessutan stasjonert ein person på Finse
i vinterhalvåret som har ansvaret for å koordinere
arbeidet med snørydding.
I vinterhalvåret er det innført
ei ordning med at det før framføring av tog over
fjellet køyrer eit lokomotiv med plog for å sikre
at bana er open. Den dagen snøraset gjekk, vart det køyrt
eit diesellokomotiv med stor frontplog og sporreinsar 2 timer og
15 minutt før passasjertoget køyrde inn
i snøraset. Dessutan passerte ein av Jernbaneverket sine
arbeidstraktorar rasstaden 1 time og 55 minutt
før passasjertoget køyrde inn i raset og spora
av. Denne dagen var det ikkje meldt om stor skredfare
på Bergensbana, og NGI hadde heller ikkje levert
særskilt skredvarsel. Årsaka til dette var at
temperaturen i løpet av svært kort tid endra seg
frå å vere pluss 2 C til minus 15 C.
Ut frå førebels vurderingar er det mykje som tyder
på at raset gjekk etter at arbeidstraktoren hadde
passert rasstaden.
Eg kan elles opplyse
om at det på Bergensbana vert arbeidd med å byggje
rasskring i form av snørasgjerde. I 2007 er det sett av
om lag 2 mill. kr til dette arbeidet, som etter planen
skal stå ferdig i 2008. For 2007 er det totalt sett av
om lag 19,1 mill. kr til rassikringstiltak langs det norske
jernbanenettet.
Øyvind Halleraker (H) [12:48:54]: Jeg vil gjerne stille et tilleggsspørsmål.
Denne saken handler jo ikke bare
om at det er vanskeligheter i vinterhalvåret. Den handler også om
at vi hadde veldig flaks ved at dette ikke medførte
personskade eller dødsfall – heldigvis.
Statsråden har flere ganger i dag blitt konfrontert med
brøyting av veger og har hatt tilbøyelighet
til å skylde på at dette har vært konkurranseutsatt,
og at avtalene har ikke vært gode nok.
Her er det i alle fall ingen tvil om at dette er et statlig
ansvar gjennom Jernbaneverket. Jeg registrerer at også statseide
Cargonett er svært bekymret for regulariteten, stabiliteten
og påliteligheten i sin konkurranseutsatte virksomhet.
Det er klart at stans i fem døgn, med normalt seks tog
hver veg hver dag, betyr at veldig mye gods forsinkes.
Så jeg må få lov
til å gjenta spørsmålet mitt: Hvilke konkrete
tiltak vil statsråden sette i verk for å sikre
oss at vi ikke får denne type ulykker?
Statsråd Liv Signe Navarsete [12:50:01]: Det er vanskeleg for statsråden å hindre
at det går skred, men statsråden har undersøkt
bakgrunnen for at Signaturtoget går i forhold til at det
har vore hevda at dette toget ikkje er godt
nok. Det er Jernbanetilsynet som godkjende Signaturtoget, eller
BM73 som det no heiter, for trafikk på Bergensbana i september
2001. Då gjennomførte ein mange testar. Ikkje
i nokon av dei testane registrerte ein urovekkjande verdiar i forhold
til at toget skulle vere eigna til å nyttast.
Og Jernbaneverket meinte og meiner at det i den situasjonen
som oppstod, ikkje var grunnlag for å seie at
tog med tyngre lokomotiv ville ha klart seg betre enn
motorvogntogsettet BM73.
NSB har opplyst at dei disponerer andre
typar togmateriell som kan setjast inn i staden for BM73 om det
viser seg nødvendig. Det har ikkje så god
standard over lengre strekningar, og over ein treårsperiode
skal NSB skifte og oppgradere vognmateriellet på alle
avgangar. Då vil det bli teke i bruk (presidenten
klubber) lokomotiv og vogner med god komfort, og ein vil vurdere
om BM73 (presidenten klubber igjen) kan køyre
på andre banestrekningar enn Bergensbana.
Presidenten: Presidenten ber om at man holder seg til taletiden.
Øyvind Halleraker (H) [12:51:23]: Jeg må få stille et tilleggsspørsmål
til statsråden.
Jeg har en rapport her fra Det Norske
Veritas som ble oversendt Jernbaneverket for syv–åtte år
siden, som omhandler disse togenes beskaffenhet og evne
til å takle store snømengder. Statsråden
refererer til noen forsøk som ble gjort på Finse,
som også er beskrevet som ikke tilfredsstillende
med hensyn til å møte de utfordringene
som foreligger. Det er mange detaljer i denne
rapporten, og jeg skal ikke gå inn på dem
alle. Men det må være mulig enten å tilpasse
Signaturtoget til norske forhold eller å endre brøyterutinene,
slik at vi kan bruke moderne togsett.
Er statsråden kjent med rapporten,
og kan hun forsikre oss om at vi slipper å oppleve at Norges
nest største by er avskåret fra jernbaneforbindelse
med hovedstaden i nesten en uke?
Statsråd Liv Signe Navarsete [12:52:31]: Etter dei opplysningane statsråden
har fått, vart det frå Jernbanetilsynet, i samband
med godkjenninga av BM73-toget, gjort testar som ikkje
viste noko urovekkjande. Aksellasta på BM73 er
på 18 tonn. Til samanlikning er vekta på El 17, altså lok
og B7-vogner – den andre typen som kjører – på 20
tonn. Det var spesielt faren for avsporing og trekkraft som
vart testa ut mot bruk av lokomotivet på Signaturtoget.
Men – og eg kan fullføre det eg ikkje
fekk sagt i førre svar – NSB vil vurdere å skifte
ut Signaturtoget når dei skal setje inn nye togsett i løpet
av ein treårsperiode. Det vil dei gjere av omsyn til komforten
og av tryggingsmessige årsaker.
Så denne saka vil verte
følgd opp av NSB.