Presidenten: Etter
ønske frå justiskomiteen vil presidenten ordna debatten slik: 5 minutt
til kvar partigruppe og 5 minutt til medlemar av regjeringa.
Vidare vil det
ikkje bli gitt anledning til replikkar, og dei som måtte teikna
seg på talarlista utover den fordelte taletida, får ei taletid på
inntil 3 minutt.
Odd Harald Hovland (A) []: Ordførar for saka er eigentleg
Maria Aasen-Svensrud, men ho har sett seg nøydd til å melde forfall.
Forslaget me har
til behandling om endringar i forsikringsavtaleloven, er ei endring
som vil gjennomføre EØS-reglar som svarar til delar av Europaparlaments-
og rådsdirektiv 2016/97 om forsikringsdistribusjon. I tillegg vert
det føreslått ei omstrukturering av forsikringsavtaleloven og reglar
om bl.a. erstatning, bevisbyrde og såkalla digitalt førsteval.
Direktivet som
er utgangspunktet, skal bidra til auka kundebeskyttelse og styrkje
kundane sin tillit til aktørane, og det har som føremål å styrkje
den indre marknaden og leggje til rette for like konkurransevilkår
ved distribusjon av forsikring. EØS-komiteen vedtok ved avgjerd
nr. 214/2018 av 26. oktober 2018 å innlemme forsikringsdistribusjonsdirektivet
i EØS-avtalen.
Det vert føreslått
i proposisjonen å omstrukturere forsikringsavtaleloven slik at loven
får fem delar: ein fyrste generell del med alminnelege plikter,
ein annan generell del med prekontraktuelle plikter, to delar om
skade- og personforsikringsavtalar og ein siste generell del med
reglar om erstatning, fristar, klagebehandling og tilsyn mv.
Det er ein samla
komité som føreslår at viktige reglar om kunden sine rettar overfor
forsikringsføretak og forsikringsformidlarar vert samla i ein lov
– ein lov som styrkjer forbrukarvernet, og som gjev overordna og
meir detaljerte krav til informasjon og rettleiing før avtaleinngåing
enn slik det er etter dagens reglar.
Forslaget skal
òg sikre at kunden får den same beskyttelsen uavhengig av om forsikringa
vert seld direkte frå eit forsikringsselskap eller gjennom agent
eller meklar. Det vert òg lovfesta eit overordna krav til fagleg
forsvarleg framferd for forsikringsføretak og formidlarar, og kunden
kan krevje erstatning for tap som følgje av brot på denne plikten.
Alle tilbod skal òg vere i samsvar med krava og behova til kunden, og
det skal gjerast enklare å få oversikt over forsikringstilbodet
og dermed også å kunne samanlikne ulike tilbod. Det vert òg kravd
at forsikringsføretak og -formidlarar skal ha gode og effektive
rutinar for klagebehandling og tidsfristar for svar på klager.
Til liks med den
nye finansavtaleloven vert det føreslått at forsikringsføretaket
skal ha bevisbyrda for at føretaket sine pliktar etter lov og forskrift
er oppfylt. Ein samla komité viser til viktigheita av at reglane
om digitalt førsteval ikkje ekskluderer enkelte forbrukarar frå
kommunikasjon med forsikringsføretaka, men at føretaka framleis
har gode løysingar for forbrukarar som ikkje har moglegheit til
eller ikkje ønskjer å kommunisere digitalt.
Med dette vert
det lagt fram eit forslag om endring av forsikringsavtaleloven som
forhåpentlegvis styrkjer vårt forbrukarvern når me inngår forsikringsavtalar.
Avslutningsvis vil eg takke justiskomiteen for godt samarbeid også
i denne saka.
Statsråd Emilie Mehl []: Jeg er glad for at en enstemmig
komité støtter forslaget om endringer i forsikringsavtaleloven.
Forslaget inneholder flere viktige endringer, som bl.a. skal bidra
til økt kundebeskyttelse.
De fleste av oss
inngår mange forsikringsavtaler i løpet av livet. Produktene kan
være vanskelig å forstå, og valget av forsikring kan ha stor betydning
for privatøkonomien. I endringsloven stilles det bl.a. mer omfattende
krav til informasjon og veiledning før avtaleinngåelsen. Alle tilbud
og anbefalinger om forsikring skal være i samsvar med kundens krav og
behov. Det skal bidra til at det blir lettere å velge riktig forsikring,
slik at kundene slipper å betale for noe de ikke trenger.
Med lovendringene
vil også viktige regler om kundenes rettigheter overfor forsikringsdistributøren
bli samlet i én lov, uavhengig av om forsikringen selges av forsikringsselskapet eller
gjennom en agent eller megler. Det vil bidra til at kunden lettere
kan få oversikt over rettighetene.
Mange av reglene
bygger på EU-krav, men det er også foreslått andre endringer. Blant
annet legger reglene bedre til rette for elektronisk kommunikasjon
og bygger på såkalt digitalt førstevalg. Komiteen har pekt på at
det er viktig at reglene ikke ekskluderer enkelte forbrukere fra
kommunikasjon med forsikringsforetakene, og jeg er helt enig i at
det er viktig å ivareta. Etter lovforslaget kan kundene reservere
seg mot elektronisk kommunikasjon, og en forbruker kan også alltid be
om å få avtalevilkårene på papir.
Jeg vil også trekke
fram at lovforslaget er harmonisert med den nye forsikringsavtaleloven,
som er vedtatt, men ikke trådt i kraft. Dermed vil endringene også
bidra til å skape bedre sammenheng i reguleringen av ulike typer
finansielle tjenester og produkter.
Presidenten: Fleire
har ikkje bedt om ordet til sak nr. 7.
Votering, sjå voteringskapittel
Stortinget tok
pause i forhandlingane kl. 14.27.
-----
Stortinget tok
opp att forhandlingane kl. 15.
President: Nils T. Bjørke
Presidenten: Følgjande
innkalla vararepresentantar tek no sete:
Frå Arbeidarpartiets
stortingsgruppe ligg det føre søknad om permisjon etter Stortingets
forretningsorden § 5 andre punktum for representanten Maria Aasen-Svendsrud frå
og med 8. februar kl. 15 og inntil vidare.
Presidenten tilrår
at denne søknaden vert handsama straks og godkjend, og ser det som
vedteke.
Vidare vil presidenten
tilrå at vararepresentanten, Camilla Maria Brekke, vert innkalla for
å møta i permisjonstida, og ser det også som vedteke.
Camilla Maria
Brekke er til stades og vil ta sete.