Komiteen, medlemene frå Arbeidarpartiet,
Dag Terje Andersen, Berit Brørby, Erik Dalheim, Ranveig
Frøiland, Trond Giske, Tore Nordtun og Hill-Marta Solberg,
frå Framstegspartiet, Siv Jensen, Per Erik Monsen og Kenneth
Svendsen, frå Høgre, Børge Brende, Per-Kristian Foss
og Kjellaug Nakkim, frå Kristeleg Folkeparti, Randi Karlstrøm,
leiaren Lars Gunnar Lie og Ingebrigt S. Sørfonn, frå Senterpartiet,
Jørgen Holte, frå Sosialistisk Venstreparti, Øystein
Djupedal, frå Venstre, Terje Johansen, og frå Tverrpolitisk
Folkevalde, Steinar Bastesen, viser til at det i forretningsordenen
for Stortinget §19 m.a. står dette når
det gjeld oppgåvene til finanskomiteen:
«Senest den 20.november skal finanskomiteen
avgi innstilling (Budsjett-innst. S. I) om nasjonalbudsjettet og
statsbudsjettet, med forslag til rammevedtak for bevilgninger i
samsvar med inndeling i rammeområder fastsatt av Stortinget i
henhold til §22 tredje ledd.»
Komiteen viser når det
gjeld inndelinga av statsbudsjettet i rammeområde til trykt
vedlegg 1 til denne innstillinga.
Komiteen viser til brev frå finansministeren
til Stortingets Presidentskap 5.oktober 1998 som gjeld korreksjonar
til St.prp. nr. 1 (1998-99). Brevet følgjer som trykt vedlegg
2 til denne innstillinga. Komiteen viser også til
brev frå finansministeren 15. oktober 1998 som gjeld trykkfeil
i St.meld. nr. 1 (1998-99) Nasjonalbudsjettet 1999. Brevet følgjer
som trykt vedlegg 3 til denne innstillinga. Brev frå finansministeren til
Stortinget 21. oktober 1998 gjeld også korreksjonar til
St.prp. nr. 1 (1998-99) Statsbudsjettet 1999. Komiteen viser
til at brevet følgjer som trykt vedlegg 4 til denne innstillinga.
Komiteen viser til brev frå justisministeren
til Stortingets presidentskap 3.november 1998 som gjeld kap. 5630
Aksjer i Norsk Eiendomsinformasjon AS post 80 Utbytte. Komiteen viser
til at brevet følgjer som trykt vedlegg 5 til denne innstillinga.
Komiteen viser til at det 30.oktober
og 5.november 1998 er lagt fram i alt 13 tilleggsproposisjonar til
St.prp. nr. 1 (1998-99). I brev 6.november frå finansministeren,
som svar på spørsmål frå Arbeidarpartiet
si stortingsgruppe, er det gitt eit samla oversyn over desse tilleggsproposisjonane.
Brevet følgjer som trykt vedlegg 6 til denne innstillinga. Komiteen viser
også til referat frå møtet i Stortinget 13.
november 1998 som syner korleis forslaga under dei aktuelle kapitla
er fordelt til dei ulike rammeområda og komitear. Kopi
av referatet følgjer som trykt vedlegg 7 til denne innstillinga.