Departementet gjer framlegg om å endre skattelova § 51
A-2 slik at reiarlag innanfor ordninga skal kunne ta del i ordinært
poolsamarbeid. Endringa inneber at krinsen av tillatne eigedelar
blir utvida til å gjelde partar og aksjar i poolsamarbeid.
Part eller aksje i poolsamarbeid vil vere ein tillaten eigedel også når parten
eller aksjen er eigd av eit deltakarlikna selskap eller NOKUS-selskap,
og sjølv om poolsamarbeidet ikkje eig fartøy.
Poolsamarbeidet må oppfylle dei same krav til innhald
og drift som andre tillatne underliggjande selskap, med unntak av
kravet om sjølv å eige fartøy. Departementet
gjer framlegg om at endringa gjerast ved å innføre
ein ny bokstav d i § 51 A-2 nr. 1.
Endringa vil gjelde for ordinært poolsamarbeid der to
eller fleire selskap som eig fartøy inngår avtale om
felles drift av fartøya, og der samarbeidet utgjer eit selskap
etter selskapsloven eller aksjeloven. Det er ikkje vanleg at poolsamarbeid
eig fartøy som nemnd i § 51 A-2 nr. 1
bokstav a eller b. Departementet gjer derfor framlegg om at regelen
i den nye bokstav d skal gjelde for poolsamarbeidet som berre eig
finansaktiva som nemnt under § 51 A-2 nr. 1 bokstav
c.
Dersom poolsamarbeidet likevel skulle eige fartøy, må dei
vanlege reglane leggjast til grunn for avgjersla av om fartøyet
er ein kvalifiserande og lovleg eigedel, og om poolen er innafor
ordninga. Dersom poolsamarbeidet er eit deltakarlikna selskap, og
reiarlaget tek del i poolsamarbeidet gjennom eit anna deltakarlikna
selskap, er part i poolsamarbeidet ikkje ein tillaten eigedel dersom
poolen eig skip. Dette følgjer av dei ordinære
reglane, som seier at reiarlaget ikkje kan eige fartøy
gjennom fleire ledd av deltakarlikna selskap. Departementet ønskjer
med lovendringa å opne for deltaking i ordinært
poolsamarbeid, og finn ikkje grunn til å utvide reglane
slik at tilfelle der fartøy er eigd i fleire ledd av deltakarlikna
selskap er omfatta av ordninga.
For at part i poolsamarbeid skal vere ein lovleg eigedel er det
eit vilkår at poolen driv slik verksemd som nemnd i § 51
A-4. Poolsamarbeidet må såleis drive verksemd
i form av utleige eller drift av fartøy som nemnd i § 51
A-2 nr. 1 bokstav a eller b. Poolsamarbeidet kan i tillegg drive
verksemd i form av transport av personell eller forsyningar med
skip, drift av taubåtar, forsyningsfartøy eller
andre hjelpefartøy, jf. § 51 A-4 nr.
3 andre punktum. Det er ikkje eit vilkår at dei andre selskapa
som tek del i poolsamarbeidet kvalifiserer til likning etter § 51-A.
Såleis kan reiarlaget inngå poolsamarbeid med
selskap som ikkje eig fartøy sjølv, men som til
dømes leiger det fartøyet som er slutta inn i
poolen.
Dersom det konkrete poolsamarbeidet ikkje inneber at det er danna
eit selskap, vil poolavtalen ikkje diskvalifisere reiarlaget frå likning
etter § 51-A.
Innføringa av ein ny bokstav d inneber at det må gjennomførast
endringar i paragrafar som viser til reglane i § 51
A-2 nr. 1. Departementet viser til vedlagde framlegg til endringar
i skattelova § 51-A. Departementet gjer framlegg
om at endringane skal gjelde med verknad frå og med inntektsåret
1996.
Komiteens flertall, alle unntatt medlemmet fra
Sosialistisk Venstreparti, slutter seg til Regjeringens forslag
til endring i beskatningen av skipsaksjeselskap som er med i poolsamarbeid,
jf. Regjeringens forslag til endring i skatteloven § 51-A.
Komiteens medlemmer fra Arbeiderpartiet viser
til sitt standpunkt vedrørende rederibeskatningen, jf.
avsnitt 26.1 nedenfor. Disse medlemmer tar til etterretning
den oppretting som Regjeringen her foreslår vedrørende
beskatning av skipsaksjeselskap som er med i poolsamarbeid.
Komiteens medlem fra Sosialistisk Venstreparti går
imot Regjeringens forslag om å sørge for at flere
rederier kommer inn under den nye tilnærmede nullskatteordningen
for rederier. For øvrig viser dette medlem til
sitt standpunkt vedrørende rederibeskatningen, jf. avsnitt
26.1 nedenfor.