Magnhild Meltveit Kleppa (Sp):
Mitt
spørsmål til kyrkje-, utdannings- og forskingsministeren lyder slik:
Det er eit stort udekt behov for
lydlitteratur, særleg bok og band. Mange elevar, både i grunnskule og
vidaregåande opplæring, kunne hatt ein langt betre læresituasjon om tilbodet
var større. Også mange studentar har bruk for « lesehjelp ».
Kva vil statsråden føreta seg for å
gjera lydlitteraturen meir tilgjengeleg?
Statsråd Gudmund Hernes:
Frå 1987 har
det vore gjeve støtte til produksjon av lydbøker og bok og band med eiga
løyving på statsbudsjettet. Nasjonalt læremiddelsenter, som har ansvaret
for støtteordninga, disponerer for 1994 i alt 3.173.000 kr til dette
føremålet. Senteret prioriterer i år lydbøker til dei nye grunnkursa i
Reform 94.
Røynslene frå bruk av lydbøker har
vore gode, og det har kome eit gjennombrot i interessa for både å bruke og
produsere slike pedagogiske hjelpemiddel. Dette har samanheng med dei
statlege løyvingane, med dei kurs om lydbøker som har vore arrangerte, ulike
artiklar i media og det arbeid som mellom anna Senter for leseforsking og
ulike interesseorganisasjonar har utført på området. Senteret har mellom
anna undersøkt korleis fornuftig bruk av bok og band og lydbøker kan ha
positiv effekt for motivasjon og læring. Senteret har òg utarbeidd ei
rettleiing i bruk av bok og band.
Fleire kommunar har satsa målretta på
bruk av lydbøker, og nye lydbokforlag har kome til. Samstundes har dei
etablerte forlaga synt større interesse for å produsere lydbøker.
Enkelte fylkeskommunar, som til dømes
Rogaland og Sør-Trøndelag, har starta eiga innlesing og eigen distribusjon i
tillegg til det utlånet som Huseby kompetansesenter for synshemma har
ansvaret for. Målet om å gjere lydbøker tilgjengelege for alle og få i gang
bruk av lydbøker, er såleis betre ivareteke enn tidlegare. Omsetninga har
òg auka sterkt dei siste åra. Samstundes veit vi at tilgangen ikkje dekkjer
etterspurnaden.
Når det gjeld bok og band som
hjelpemiddel i leseopplæringa, er det alt såpass mange titlar på marknaden
at dei dekkjer behova hos ulike aldersgrupper og elevar på ulike stadium i
leseutviklinga. Behovet for variasjon og fornying vil ein kunne dekkje på
dette området innafor dei eksisterande rammene. Det er dessverre ikkje
mogleg å utvikle lydbøker i all faglitteratur og til alle dei ulike
lærebøkene innafor skolefaga. Her må ein gjere utval etter kriterium.
Det er òg eit problem at omfanget av
lokale innlesingar ser ut til å auke. Problemet ligg i varierande kvalitet,
avgrensa distribusjon, opphavsrettslege spørsmål, dessutan i at det
nasjonaløkonomisk sett er lite rasjonell bruk av offentlege ressursar.
Nasjonalt læremiddelsenter har med
grunnlag i dei erfaringar som er gjorde sidan 1987, og dei nye behova som er
komne til uttrykk, sett ned ei arbeidsgruppe med representantar frå Den
norske Forleggerforening, Norsk Dysleksiforbund, Senter for leseforsking,
Norsk faglitterær forfatter- og oversetterforening, Blindeforbundet og
Huseby kompetansesenter for synshemma som skal vurdere ei rekkje sider ved
lydbokarbeidet for å sikre betre tilgang på området. Arbeidsgruppa vil
mellom anna drøfte pedagogiske, juridiske og økonomiske konsekvensar ved
alternative ordningar ut frå dei behova ein ser. Når dette arbeidet er
ferdig, vil departementet ha eit godt grunnlag for å vurdere om det er
nødvendig med særskilde tiltak. Departementet vil såleis ta stilling til
eventuelle forslag når innstillinga ligg føre, etter handsaming i styret for
Nasjonalt læremiddelsenter. Dette vil skje i august-september i år.
Magnhild Meltveit Kleppa (Sp):
Eg
takkar for svaret.
Mitt formål med dette spørsmålet er å
løfta opp og fram ei stor gruppe elevar og studentar som på grunn av
lesehemming har bruk for tiltak som gjer læresituasjonen lettare.
Eg veit både ut frå eigne erfaringar i
skulen og ikkje minst gjennom kontakt med Senter for leseforsking i Rogaland
at ein kassettspelar med lydbok, eller kombinasjon bok og lydband, kan vera
av stor verdi. Eg deler statsråden si oppfatning av at det som går føre seg
av produksjon i dag, er tilfeldig. Det har vekslande kvalitet, og ikkje
minst er det ei svært avgrensa produksjon. Det er eit stort behov for
faglitteratur og pensumlitteratur ikkje minst i samband med Reform 94. Eg
trur satsing på dette området kan føra med seg innsparing på andre område.
Mitt spørsmål vil då vera: Sjølv om
det her er ei gruppe som kjem til å leggja fram ei innstilling i løpet av
hausten, kan statsråden likevel tenkja seg alt i 1995-budsjettet å
signalisera at produksjonsstøtte til lydlitteratur skal gjevast høgare
prioritet?
Statsråd Gudmund Hernes:
Vi har jo
også fra departementets side ønsket å løfte opp og frem denne gruppen. Det
er også grunnen til at vi ikke bare har satset midler på området, men har
gitt et særskilt ansvar til Nasjonalt læremiddelsenter, og at vi også har et
svært nært samarbeid med Senter for leseforsking i Rogaland.
Når det så gjelder spørsmålet om jeg
alt nå kan si noe om budsjettet for 1995, er jeg jo klar over at
representantene ved enhver anledning her i salen gjerne vil løfte på de slør
som tilhyller denne mystiske skikkelse, som altså da vil avsløres en gang i
oktober. Men jeg tror nok at vi i tråd med romanens betegnelse eller navn
får si at vi får vente til en dag i oktober.
Magnhild Meltveit Kleppa (Sp):
Ja, lat
meg først seia at eg er glad for at statsråden her streka under at dette er
eit prioritert område. Eg tykkjer likevel at 3 millioner kr i seg sjølv er
eit så beskjedent beløp at det ikkje går an å få gjort så veldig mykje.
Det er òg ei anna side ved denne typen
litteratur som er verdt å sjå nærmare på - det er rett nok eit område som
høyrer under eit anna departement, men signal frå Utdanningsdepartementet
vil likevel vera viktige - og det er dette at mens bøker er fritekne for
moms, er lydbøker ikkje det. Det fører jo då med seg at lydbøker i seg
sjølv blir meir kostbare, og òg til ein forskjell i kombinasjonen bok og
band. Kan statsråden vera einig i at det kan følast som ei utilsikta
diskriminering av funksjonshemma, og vil han der ta eit initiativ for å få
til ei endring?
Statsråd Gudmund Hernes:
Jeg kan i og
for seg være enig i at dette beløpet er beskjedent. I matematikken har man
en betegnelse for noe som utgjør summen av en serie infinitesimalt små
størrelser. Det kalles et integral. Det er det som representerer problemet
på statsbudsjettet - ikke de små og beskjedne beløp, men summen av dem. Og
da er det klart at når man med like stor entusiasme overfor de ulike
statsråder gjør gjeldende at man bør øke summen av disse små, beskjedne
beløp, adderer det seg opp til noe som jeg tror at selv Senterpartiet ville
få problemer med å skaffe til veie midler til.
Når det gjelder spørsmålet om moms,
vil jeg tro at arbeidsgruppen som skal drøfte ikke bare det pedagogiske, men
- som jeg sa - også juridiske og økonomiske konsekvenser av alternative
ordninger, vil gå inn på dette. I den grad de gjør det, skal jeg selvsagt
se på de anbefalinger gruppen kommer med.