Bakgrunn:
Riksveg 13 mellom Vinje og Sogndal er Noregs mest stengde riksveg. Dette skapar store utfordringar for beredskap, liv og helse i Vik kommune. Når Vikafjellet er stengt, har innbyggjarane svært lange avstandar til sjukehus, og næringslivet lir under dårleg framkommelegheit og manglande forutsigbarheit. Situasjonen blir ekstra kritisk når Lærdalstunnelen stenger hausten 2026.

Utfordringar:

• Kritisk svekka akuttberedskap ved stenging av Vikafjellet.
• Store økonomiske tap for næringslivet grunna forsinka transport.
• Manglande redundans for E16 når Lærdalstunnelen stenger.

Behov og forslag:
Vi erkjenner at tunnel gjennom Vikafjellet er eit langsiktig mål, men det må gjerast strakstiltak i tråd med Totalberedskapens år 2026:

Betre ferjefrekvens på riksvegsambandet Vangsnes–Hella:

• Halvtimesavgangar dag og kveld
• Timesavgangar på natt
• Korrespondanse med flyavgangar på Sogndal lufthamn

Dette er eit kostnadseffektivt og raskt tiltak som styrkar beredskap, helse og næringsliv, og sikrar forutsigbar framkommelegheit.

Vi ber om at Transport- og kommunikasjonskomiteen prioriterer dette i statsbudsjettet for 2026.