På dagsorden sto prioriteringane til formannskapslandet det neste halvåret og parlamentarisk samarbeid og demokratisk motstandskraft i ei usikker verd. Den irske statsministeren Micheál Martin sa Irland mellom anna legg vekt på støtte til Ukraina og å styrke den indre marknaden og EUs konkurranseevne. Irland vonar også på framgang i forhandlingane om EUs neste langtidsbudsjett og om EU-medlemskap for kandidatland.

– Eg støttar dei irske prioriteringane og er spesielt glad for at Irland legg vekt på sikkerheit og konkurranseevne, sa Gulati i sitt innlegg.

EU-kommissær for demokrati, justis og rettsstat, Michael McGrath, sa det er viktig å samarbeide for å styrke og utvikle demokratiet. Nasjonale parlamentarikarar har ei viktig rolle i dette. Europakommisjonen har teke ei rekke initiativ innanfor ramma av det europeiske demokratiskjoldet som skal bidra til å oppretthalde rettsstatsprinipp, mediefridom og frie val og hindre utanlandsk påverknad.

– Det er verdifullt å møte kollegaer frå heile Europa på konferansar som dette, seier Gulati. I tillegg til dei viktige temaa som står på dagsorden, er det også nyttig å drøfte andre aktuelle saker i marginane av sjølve møtet.

Den halvårlege konferansen samlar leiarar av europakomiteane i nasjonale parlament i EU, kandidatland og nokre observatørland inkludert Noreg. På møtet deltok også medlemmer av Europaparlamentet.

Les mer på konferansens nettside.