Regjeringa gjer framlegg om at det ved fastsetting av næringsinntekt
frå reindriftsverksemd, jf. § 14-82,
blir gitt eit inntektsfrådrag etter dei same prinsippa
som ein har i jordbruket, slik at det i positiv næringsinntekt
frå reindrift blir gitt eit botnfrådrag på 36 000
kroner. Av overskytande inntekt blir det gitt eit frådrag
på 19 pst. opp til eit samla frådrag på 61 500
kroner.
Føresegna bør takast inn i skattelova § 8-1,
som frå før også har enkelte andre skattereglar
for reindrifta. Departementet bør ha høve til å gi
forskrift til utfylling og gjennomføring av paragrafen.
I tilfelle der skattytaren driv både reindrift og jordbruk
eller skiferdrift, skal det ikkje kunne krevjast meir enn eitt heilt
frådrag til saman, sjå forslag til nytt niande
ledd.
På same måte som for jordbruksfrådraget
må eit særskilt frådrag for reindriftsnæringa
innarbeidast i skattelova § 12-12 andre ledd bokstav
f.
Regjeringa foreslår at endringane blir sett i kraft straks
med verknad frå og med inntektsåret 2003.
Forslaget vil truleg ha små administrative konsekvensar.
Provenytapet er rekna til om lag 6 mill. kroner både påløpt
og bokført i 2003.
Komiteen slutter seg til Regjeringens
forslag til endringer i skatteloven § 8-1 nytt
syvende og niende ledd og § 12-12 andre ledd bokstav
f nytt fjerde alternativ.