Den 7. september 1999 blei det i Kampala underskrive
ein avtale med formål å hindre dobbel skattlegging
og å førebyggje unndraging av skattar av inntekt mellom
Noreg og Uganda. Samtykke til underskriving blei gitt i kongeleg
resolusjon av 18. juni 1999. Avtalen blei på vegner av
Noreg underskriven av Chargé d"Affaires Britt
Hilde Kjølås, og på vegner av Uganda av
finansminister Gerald Ssendaula.
Avtalen vil tre i kraft på den dagen
da den siste melding om at nødvendige skritt er tekne for
at avtalen kan tre i kraft er teke i mot. Avtalen vil få verknad
for skattar av inntekt som vedkjem det kalenderåret som følgjer
etter det året avtalen trer i kraft.
Avtalen byggjer i store trekk på mønsteret
for tosidige avtalar som er utarbeida av OECD. På grunn
av skilnadene mellom økonomiane i Noreg og Uganda, er det
på nokre punkt også teke omsyn til det mønsterutkastet
som er utarbeidd i FN for skatteavtalar mellom industrialiserte
land og utviklingsland. Avtalen inneheld likevel nokre avvik frå desse
mønsteravtalane. Mellom anna har avtalen reglar om hjelp
til innkrevjing.
Avtalen er inngått på engelsk.
Komiteen har ingen
merknader, viser til proposisjonen og rår Stortinget til å gjøre
slikt
vedtak:
Stortinget samtykker til å sette i
kraft en skatteavtale mellom Norge og Uganda, underskrevet i Kampala
den 7. september 1999, i samsvar med forslag fremlagt i St.prp.
nr. 22 (1999-2000).
Oslo, i finanskomiteen, den 2. desember 1999
Lars Gunnar Lie
leder |
Kjellaug Nakkim
ordfører |
Siv Jensen
sekretær |