Samandrag

I denne proposisjonen vert det foreslått enkelte endringar i løyvingane under Utanriksdepartementet sitt budsjett for 2004.

Innanfor programområde 02 Utanriksforvaltning vert det foreslått endringar på kap. 116 Deltaking i internasjonale organisasjonar, jf. meirforbruk under post 70 og reduksjon under post 71.

På budsjettet for ODA-godkjend utviklingshjelp under programområde 03 vert det gjort framlegg om omfordeling av 148,622 mill. kroner.

Det vert òg gjort framlegg om å redusere bistandsramma med 45 mill. kroner grunna lågare utgifter til flyktningar i Noreg, godkjend som utviklingshjelp.

Merknader frå komiteen

Komiteen, medlemene frå Arbeidarpartiet, Haakon Blankenborg, leiaren Thorbjørn Jagland, Jens Stoltenberg og Gunhild Øyangen, frå Høgre, Julie Christiansen, Inge Lønning, Oddvard Nilsen og Finn Martin Vallersnes, frå Framstegspartiet, Morten Høglund og Christopher Stensaker, frå Sosialistisk Venstreparti, Kristin Halvorsen og Bjørn Jacobsen, frå Kristeleg Folkeparti, Jon Lilletun og Lars Rise, og frå Senterpartiet, Åslaug Haga, viser til endringane som vert føreslåtte på statsbudsjettet for 2004 på Utanriksdepartementet sitt område. Komiteen sluttar seg til dei føreslåtte endringane med dei årsaktilhøva som går fram av proposisjonen.

Tilråding frå komiteen

Komiteen har elles ingen merknader, viser til proposisjonen og rår Stortinget til å gjere slikt

vedtak:

I

I statsbudsjettet for 2004 vert det gjort følgjande endringar:

II

Stortinget sitt vedtak IV, Andre vedtak, Utanriksdepartementet, pkt. 12 Bruk av opptente rentemidlar, i den samla oppstillinga av Stortinget sitt spesifiserte bevilgningsvedtak for 2004, jf. Blå bok, blir oppheva.

III

Bruk av opptente rentemidlar

Stortinget samtykker i at opptente renter på tilskot som er betalt frå Noreg til multi-bi-prosjekt, samarbeidsprosjekt, stat-til-stat-bistand, støtte til internasjonale og lokale ikkje-statlege aktørar kan nyttast til tiltak som blir avtalt mellom Utanriksdepartementet og den enkelte mottakar.