Justis- og politidepartementet legg i proposisjonen fram
forslag om endringar i løyvingane under diverse kapittel
i statsbudsjettet for 2007. Endringsforslaga på nokre av
dei regelbundne postane er mellom anna baserte på rekneskapstal
pr. 30. september 2007. Departementet understreker at tala
for forbruk på dei regelbundne postane berre er prognosar,
og at dei endelege rekneskapstala kan avvike ein del frå desse
prognosane.
På bakgrunn av rekneskapstal hittil
i år og venta utvikling på posten foreslår
Justisdepartementet å redusere løyvinga på kap.
400 post 71 med 1 mill. kroner.
Løyvinga på posten dekkjer
utgifter som etter rettsgebyrlova er inkluderte i rettsgebyret.
Forbruket på posten er knytt til talet på og omfanget
av saker, og er derfor ikkje styrbar.
På bakgrunn av erfaringstal, rekneskapstal
hittil i år og venta utvikling foreslår Justisdepartementet å auke løyvinga
under kap. 410 post 21 med 3 mill. kroner.
Løyvinga på posten dekkjer
inntekter i samband med sivile saker, tinglysing, skjønn,
skifte, konkurs m.m. Inntektene er regelstyrte.
På bakgrunn av erfaringstal, rekneskapstal
hittil i år og venta utvikling blir det foreslått å auke
løyvinga under kap. 3410 post 1 med 30 mill. kroner.
Løyvinga på kap. 412 post
1 dekkjer mellom anna driftskostnader i samband med tinglysing i
fast eigedom og tinglysing av burettsdelar. Justisdepartementet har
fått fullmakt til å overskride løyvinga
på kap. 412 post 1 mot tilsvarande meirinntekter på kap.
3412 post 1. På bakgrunn av langt fleire registreringar
av rettar i burettsdelar enn først lagt til grunn blir
det foreslått å auke løyvinga under kap.
412 post 1 med 14,5 mill. kroner, jf. omtale under kap. 3412 post
1.
Løyvinga på kap. 3412 post
1 dekkjer inntekter i samband med registreringar av rettar i burettsdelar. Justisdepartementet
har fått fullmakt til å overskride løyvinga
på kap. 412 post 1 mot tilsvarande meirinntekter på kap.
3412 post 1. På bakgrunn av langt fleire registreringar
av rettar i burettsdelar enn først lagt til grunn blir
det foreslått å auke løyvinga under kap.
3412 post 1 med 25 mill. kroner, jf. omtale under kap. 412 post
1.
Løyvinga på kap. 413 post
1 dekkjer driftsutgifter for jordskifterettane. Justisdepartementet
har fått fullmakt til å overskride løyvinga
på kap. 413 post 1 mot tilsvarande meirinntekter på kap.
3413 post 1. På bakgrunn av erfaringstal, rekneskapstal
hittil i år og venta utvikling blir det foreslått å auke
løyvinga under kap. 413 post 1 med 3,6 mill. kroner, jf.
omtale under kap. 3413 post 1.
Løyvinga på kap. 413 post
21 dekkjer sideutgifter som jordskifterettane har heimel til å krevje
inn i visse saker. På bakgrunn av erfaringstal, rekneskapstal
hittil i år og venta utvikling blir det foreslått å auke
løyvinga under kap. 413 post 21 med 5 mill. kroner, jf.
omtale under kap. 3413 post 2.
Løyvinga på kap. 3413 post
1 dekkjer inntekter ved at partane i saker ført for jordskifterettane
betaler gebyr. Justisdepartementet har fått fullmakt til å overskride
løyvinga på kap. 413 post 1 mot tilsvarande meirinntekter
på kap. 3413 post 1. På bakgrunn av erfaringstal,
rekneskapstal hittil i år og venta utvikling blir det foreslått å auke
løyvinga under kap. 3413 post 1 med 3,6 mill. kroner, jf.
omtale under kap. 413 post 1.
Løyvinga på kap. 3413 post
2 dekkjer inntektene som jordskifterettane har heimel til å krevje
inn i visse saker. På bakgrunn av erfaringstal, rekneskapstal
hittil i år og venta utvikling blir det foreslått å auke
løyvinga under kap. 3413 post 2 med 5 mill. kroner, jf.
omtale under kap. 413 post 21.
Løyvinga på posten dekkjer
utgifter til godtgjering til medlemmer av forliksråda og
kompetansehevande tiltak i form av kurs.
På bakgrunn av erfaringstal, rekneskapstal
hittil i år og venta utvikling blir det foreslått å auke
løyvinga under kap. 414 post 21 med 9 mill. kroner.
Gjeldande løyving på posten
i 2007 er 6,8 mill. kroner. På generalforsamlinga til Norsk
Eigedomsinformasjon as våren 2007 blei det vedteke eit
utbytte på 7,37 mill. kroner for rekneskapsåret
2006. På denne bakgrunn blir det foreslått å auke
løyvinga på kap. 5630 post 85 med 0,57 mill. kroner.
Løyvinga på posten dekkjer
ordinære driftsutgifter (lønn, varer og tenester)
i kriminalomsorga. Det er sett i verk eit program for leiingsutvikling
på alle leiarnivå i kriminalomsorga. Justisdepartementet
foreslår å samle utbetalingane under kap. 430
post 1. Justisdepartementet foreslår derfor å auke
løyvinga under kap. 430 post 1 med 1,2 mill. kroner, jf.
omtale under kap. 432 post 1.
Justisdepartementet har fått fullmakt
til å overskride løyvinga på kap. 430
post 21 mot tilsvarande meirinntekter på kap. 3430 post
2. Ettersom utgiftene i arbeidsdrifta er venta å bli lågare
enn løyvinga på posten og inntektene frå arbeidsdrifta
er venta å bli høgare enn venta på kap.
3430 post 2, foreslår Justisdepartementet derfor å auke
løyvinga på kap. 430 post 1 med 7,4 mill. kroner,
jf. omtale under kap. 430 post 21.
Justisdepartementet har fått fullmakt
til å overskride løyvinga på kap. 430
post 1 mot tilsvarande meirinntekter på kap. 3430 post
3. På bakgrunn av at inntekter frå sal og tilskott
i 2007 er venta å bli høgare enn lagt til grunn
i løyvinga for 2007, foreslår Justisdepartementet å auke
løyvinga på posten med 7,7 mill. kroner, jf. omtale
under kap. 3430 post 3.
Justisdepartementet har fått fullmakt
til å overskride løyvinga på kap. 430
post 1 mot tilsvarande meirinntekter på kap. 3430 post
4. Som følgje av at tilskott frå Utanriksdepartementet
til internasjonalt fengselssamarbeid i 2007 er venta å bli
høgare enn lagt til grunn i løyvinga for 2007,
foreslår Justisdepartementet å auke løyvinga
med 0,254 mill. kroner, jf. omtale under kap. 3430 post 4.
Samla foreslår Justisdepartementet å auke
løyvinga under kap. 430 post 1 med 16,554 mill. kroner.
Løyvinga på posten i 2007
er 53,981 mill. kroner. Justisdepartementet har fått fullmakt
til å overskride løyvinga på kap. 430
post 21 mot tilsvarande meirinntekter på kap. 3430 post
2. Inntektene på kap. 3430 post 2 er venta å bli
1,8 mill. kroner høgare enn løyvinga i 2007. Dette
gir ei samla disponibel løyving på 55,781 mill.
kroner. Samtidig er utgiftene knytta til arbeidsdrifta venta å bli
48,381 mill. kroner i 2007. Justisdepartementet foreslår
derfor å redusere den tilgjengelege løyvinga på posten
med 7,4 mill. kroner. Samanlikna med saldert budsjett foreslår
Justisdepartementet å redusere løyvinga med 5,6
mill. kroner, jf. omtale under kap. 430 post 1 og kap. 3430 post
2.
På bakgrunn av rekneskapstal hittil
i år og venta utvikling foreslår Justisdepartementet å redusere
løyvinga under posten med 11,75 mill. kroner i 2007. Dette
skuldast at utgifter til refusjon til kommunale omsorgstiltak for
personar som er sette fri frå forvaring, psykisk utviklingshemma
med sikringsdom og varetektssurrogat er blitt lågare enn
tidligare lagt til grunn.
Inntektene frå sal frå arbeidsdrifta
er venta å bli 1,8 mill. kroner høgare enn lagt
til grunn i løyvinga for 2007. Justisdepartementet har
fått fullmakt til å overskride løyvinga
på kap. 430 post 21 mot tilsvarande meirinntekter på kap.
3430 post 2. Justisdepartementet foreslår derfor å auke
løyvinga på kap. 3430 post 2 med 1,8 mill. kroner,
jf. omtale under kap. 430 post 21.
Inntekter frå sal og tilskott på posten
er venta å bli 7,7 mill. kroner høgare enn lagt
til grunn i løyvinga på posten i 2007. Justisdepartementet
har fått fullmakt til å overskride løyvinga
på kap. 430 post 1 mot tilsvarande meirinntekter på kap.
3430 post 3. Justisdepartementet foreslår derfor å auke
løyvinga på kap. 3430 post 3 med 7,7 mill. kroner,
jf. omtale under kap. 430 post 1.
Tilskott frå Utanriksdepartementet
til internasjonalt fengselssamarbeid er venta å bli høgare
enn lagt til grunn i løyvinga for 2007. Justisdepartementet
har fått fullmakt til å overskride løyvinga
på kap. 430 post 1 mot tilsvarande meirinntekter på kap.
3430 post 4. Justisdepartementet foreslår derfor å auke
løyvinga med 0,254 mill. kroner, jf. omtale under kap.
430 post 1.
Justisdepartementet foreslår å samle
utgiftene til program for leiingsutvikling under kap. 430 post 1,
og foreslår å redusere løyvinga under
kap. 432 post 1 med 1,2 mill. kroner, jf omtale under kap. 430 post
1.
Justisdepartementet har fått fullmakt
til å overskride løyvinga på kap. 432
post 1 mot tilsvarande meirinntekter på kap. 3432 post
3. Justisdepartementet foreslår å redusere løyvinga
under posten med 0,63 mill. kroner etter at inntektene under kap.
3432 post 3 er venta å bli lågare enn det som
er lagt til grunn i løyvinga for 2007 på posten
jf. omtale under kap. 3432 post 3.
Samla foreslår Justisdepartementet å redusere
løyvinga under kap. 432 post 1 med 1,83 mill. kroner.
Justisdepartementet har fått fullmakt
til å overskride løyvinga på kap. 432
post 1 mot tilsvarande meirinntekter på kap. 3432 post
3. Inntektene på posten er venta å bli 0,63 mill.
kroner lågare enn løyvinga for 2007. Justisdepartementet
foreslår derfor å redusere løyvinga med
0,63 mill. kroner, jf. omtale under kap. 432 post 1.
Regjeringa legg vekt på at politiet
skal vere synleg og tilgjengeleg. Ønsket om mellom anna
betre responstid og behov for å ha ei større merksemd
om den kriminaliteten som rammar folk flest, gjer at Justisdepartementet
foreslår å auke løyvinga til politiet
generelt med 20 mill. kroner fordelt med 16 mill. kroner under kap.
440 post 1 og 4 mill. kroner under kap. 441 post 1.
For å førebygge seksuelle
overgrep mot barn og utviklingshemma må søkjarar
til ei rekkje helsefaglege utdanningar framleggje politiattest ved
opptak. Dette er heimla gjennom endring av forskrift om opptak i høgare
utdanning av 10. oktober 2005, som blei sett i kraft 15. juni
2007. Som følgje av dette får politiet meirutgifter
til utskriving av politiattestar, og det blir foreslått å rammeoverføre
totalt 1,615 mill. kroner frå Kunnskapsdepartementet sitt
budsjett til Justisdepartementet sitt budsjett. Av beløpet
på 1,615 mill. kroner foreslår Justisdepartementet å rammeoverføre
1,292 mill. kroner frå kap. 281 post 1 til kap. 440 post
1, jf. omtale under kap. 441 post 1 og omtale under kap. 281 post
1 i St.prp. nr. 7 (2007-2008).
Statens innkrevingssentral (SI) har overteke
gebyrinnkrevinga i saker i tilknyting til den sivile rettspleien på grunnplanet
frå Brønnøysundregistra. Brønnøysundregistra
har framleis noko arbeid med sakene i 2007, og det er semje mellom
Nærings- og handelsdepartementet og Justisdepartementet
om overføring av 1,25 mill. kroner frå Brønnøysundregistra
til SI. I tillegg foreslår Justisdepartementet å overføre
1,5 mill kroner frå kap. 440 post 1 til kap. 1634 Statens
innkrevingssentral post 1.
Den nye tvistelova inneber at det må lagast
nye rutinar for forliksrådsbehandling. Utgiftene er rekna
til 1 mill. kroner og Justisdepartementet foreslår derfor å overføre
1 mill. kroner frå kap. 440 post 1 til kap. 1634 Statens
innkrevingssentral post 1.
Det er vedteke nye reglar om utvida registrering
av utleggsforretningar i Lausøyreregisteret og om samordning
av utleggstrekk frå ulike namsmyndigheiter.
Alle utleggsforretningar skal registrerast i
Lausøyreregisteret grunna omsynet til kredittopplysningar.
SI starta i slutten av 2006 arbeidet med å utvikle ein
database der utlegg frå både alminnelege namsmenn
og særnamsmenn blir registrert. Utviklinga av systemet har
halde fram også i 2007. Vidare vil SI i 2007 gjennomføre
tilpassingar i kjeldesystemet SIAN som skal avlevere utleggsinformasjon
til utleggsdatabasen. For å dekke utgifter i 2007 foreslår
Justisdepartementet å overføre 1,5 mill kroner
frå kap. 440 post 1 til kap. 1634 Statens innkrevingssentral
post 1.
Samla foreslår Justisdepartementet å rammeoverføre 4
mill. kroner frå kap. 440 post 1 til kap. 1634 Statens innkrevingssentral
post 1, jf. omtale under kap. 1634 post 1 i Finansdepartementet
sin stortingsproposisjon om ny saldering av statsbudsjettet for
2007.
Samla foreslår Justisdepartementet å auke
løyvinga på kap. 440 post 1 med 13,292 mill. kroner.
Politiet har hittil i år uttransportert
færre personar frå landet enn planlagt. Dette
skuldast ei rekke forhold. Mellom anna har det vore problem knytta
til returar til fleire land. Måltalet for uttransporterte
personar i 2007 vil derfor ikkje bli nådd. Med bakgrunn
i dette ligg det an til ei innsparing på posten. Justisdepartementet
foreslår å redusere løyvinga på kap.
440 post 21 med 15 mill. kroner.
På bakgrunn av rekneskapstal hittil
i år og venta utvikling på posten foreslår
Justisdepartementet å redusere løyvinga på posten
med 15 mill. kroner.
På bakgrunn av erfaringstal, rekneskapstala
hittil i år og venta utvikling på posten foreslår
Justisdepartementet å auke løyvinga på kap.
3440 post 4 med 0,6 mill. kroner.
På bakgrunn av erfaringstal, rekneskapstala
hittil i år og venta utvikling på posten foreslår
Justisdepartementet å redusere løyvinga på kap.
3440 post 6 med 10 mill. kroner.
På bakgrunn av erfaringstal, rekneskapstala
hittil i år og venta utvikling på posten foreslår
Justisdepartementet å auke løyvinga på kap.
3440 post 7 med 35 mill. kroner.
I samband med NATO sitt uformelle utanriksministermøte
i april i år blei det løyvd 42 mill. kroner på kap. 441
post 1, jf. St.prp. nr. 58 (2006-2007). Av dette blei det forbrukt
32,665 mill. kroner, noko som gjev ei ubrukt løyving på 9,335
mill. kroner. Det blir derfor foreslått å redusere
løyvinga under kap. 441 post 1 med 9,335 mill. kroner.
For å styrke Oslo Politidistrikt foreslår
Justisdepartementet å auke løyvinga under kap.
441 post 1 med 4 mill kroner, jf. omtale under kap. 440 post 1.
Som følge av at politiet får
meirutgifter til utskriving av politiattestar, jf. endring av forskrift
om opptak i høgare utdanning av 10. oktober 2005,
foreslår Justisdepartementet å rammeoverføre
totalt 1,615 mill. kroner frå Kunnskapsdepartementet sitt
budsjett til Justisdepartementet sitt budsjett. Av beløpet
på 1,615 mill. kroner blir det foreslått å rammeoverføre
0,323 mill. kroner frå kap. 281 post 1 til kap. 441 post
1, jf. omtale under kap. 440 post 1 og omtale under kap. 281 post
1 i St.prp. nr. 7 (2007-2008).
Samla foreslår Justisdepartementet å redusere
løyvinga på kap. 441 post 1 med 5,012 mill. kroner.
Det har ikkje vore mogleg å avslutta
arbeidet til Innsynsutvalet sommaren 2007. Rydding i saker, statistikkføring,
rapportering med vidare gjer at dette arbeidet ikkje blir ferdig
før ved utgangen av året. Justisdepartementet
foreslår derfor å auke løyvinga på kap.
443 post 1 med 1,7 mill. kroner.
Som følgje av at erstatningsutbetalingane
er lågare enn venta foreslår Justisdepartementet å redusere
løyvinga på kap. 443 post 70 med 1,7 mill. kroner.
Løyvinga på posten utgjer
6,248 mill. kroner i 2007. Basert på erfaringstal, rekneskapstal
dei seinare år og forbruket hittil i 2007, foreslår
Justisdepartementet å auke løyvinga på kap.
455 post 21 med 1,5 mill. kroner.
Løyvinga på posten dekkjer
mellom anna diverse investeringar knytt til hovudredningssentralane.
Justisdepartementet foreslår å redusere løyvinga
på kap. 455 post 45 med 1,5 mill. kroner, jf. omtale under
kap. 455 post 21.
Løyvinga på posten dekkjer
utgifter til advokatar, sakkunnige og tolkar i straffesaker etter
straffeprosesslova kapittel 9. Dei totale utgiftene på kapitlet
heng saman med talet på straffesaker, omfanget av sakene
og storleiken på den offentlege salærsatsen. Utgiftene
på posten er regelstyrte.
På bakgrunn av erfaringstal, rekneskapstal
hittil i år og venta utvikling blir det foreslått å auke
løyvinga under kap. 466 post 1 med 35 mill. kroner.
Løyvinga på posten dekkjer
utgifter til advokatar der det er gjeve heil eller delvis fri sakførsel.
Utgiftene er regelstyrte.
På bakgrunn av erfaringstal, rekneskapstal
hittil i år og venta utvikling blir det foreslått å redusere
løyvinga under kap. 470 post 70 med 9 mill. kroner.
Løyvinga på posten dekkjer
utgifter til advokatar og rettshjelparar i saker der det er gjeve
fritt rettsråd. Utgiftene er regelstyrte.
På bakgrunn av erfaringstal, rekneskapstal
hittil i år og venta utvikling blir det foreslått å redusere
løyvinga under kap. 470 post 71 med 30 mill. kroner.
Løyvinga på posten dekkjer
utbetalingar som følgje av staten sitt erstatningsansvar
på grunnlag av alminnelege erstatningsreglar, med unntak
av ansvar i kontraktforhold og ansvar i samband med forretningsdrifta til
staten. Løyvinga på posten er regelstyrt, og har stikkordet overslagsløyving.
På bakgrunn av erfaringstal, rekneskapstal
hittil i år og venta utvikling blir det foreslått å redusere
løyvinga under kap. 471 post 71 med 24 mill. kroner.
Løyvinga på posten dekkjer
dei regelstyrte utgiftene til staten i samband med behandlinga av
saker om tvangsoppløysing av aksjeselskap og saker om konkurs etter
konkurslova § 73.
På bakgrunn av erfaringstal, rekneskapstal
hittil i år og venta utvikling blir det foreslått å auke
løyvinga under kap. 475 post 1 med 5 mill. kroner.