Iverksetjing og omfang av tiltak som er omtalte i
meldinga, og dermed omfanget av løyvingar til distrikts- og regionalpolitikken,
vert vurdert i budsjettframlegga i komande år.
Satsinga på å styrkje arbeidet i kommunane med lokal
samfunnsutvikling skal mellom anna medverke til at verknadene av
utviklingsprosjekt i kommunar og lokalsamfunn vert større. Ein del av
satsinga skal vere å betre samordninga på regionalt nivå av støtte
til lokalt utviklingsarbeid i kommunane. Dette vil medverke til
ein meir effektiv bruk av utviklingsmidlane i høve til lokale utfordringar.