Kap. 1810 Oljedirektoratet

Post 1 Driftsutgifter

Det blir foreslått å auke løyvinga med 3,1 mill. kroner knytt til handsaming og oppfølging av søknader om utvinningsløyver.

Nytt forslag til løyving er 235,3 mill. kroner.

Post 21 Spesielle driftsutgifter, kan overførast

Det blir foreslått å redusere løyvinga knytt til Oljedirektoratets oppdrags- og samarbeidsverksemd med 4 mill. kroner.

Nytt forslag til løyving er 194,1 mill. kroner.

Kap. 1820 Noregs vassdrags- og energidirektorat

Post 1 Driftsutgifter

Det blir vist til omtale ovanfor og auka driftsutgifter som NVE har hatt som følgje av flaumhendingane i 2011. Det blir foreslått å auke løyvinga med 0,8 mill. kroner på posten. Nytt forslag til løyving er 423,6 mill. kroner.

Post 22 Flaum- og skredførebygging, kan overførast, kan nyttast under post 60

Det blir vist til omtale ovanfor. Det blir foreslått å auke løyvinga med 25 mill. kroner på posten. Nytt forslag til løyving er 125,3 mill. kroner.

Vidare blir fullmakta til å pådra forpliktingar utover gitt løyving foreslått auka frå 50 til 114 mill. kroner, jf. Forslag til vedtak II.

Post 45 Større utstyrsanskaffingar og vedlikehald, kan overførast

Det blir vist til omtale ovanfor og auka utgifter som følgje av tapt utstyr etter flaumhendingane i 2011. Det blir foreslått å auke løyvinga med 0,2 mill. kroner på posten. Nytt forslag til løyving er 9,2 mill. kroner.

Post 60 Tilskot til skredførebygging, kan overførast, kan nyttast under post 22

Det blir vist til omtale ovanfor. Det blir foreslått ein fullmakt til å pådra forpliktingar for inntil 10 mill. kroner utover gitt løyving, jf. Forslag til vedtak II.

Kap. 1833 CO2-handtering

Post 21 Spesielle driftsutgifter, kan overførast

Nytt forslag til løyving er 437 mill. kroner. Disponibelt budsjett under posten, inkludert overførte midlar frå 2010, utgjer totalt om lag 497 mill. kroner for 2011.

Post 72 Lån, TCM DA, kan overførast

Nytt forslag til løyving er 730 mill. kroner. Disponibelt budsjett under posten, inkludert overførte midlar frå 2010, utgjer totalt 1 455 mill. kroner for 2011.

Kap. 2440/5440 Statens direkte økonomiske engasjement i petroleums-verksemda

Kap. 2440, post 30 Investeringar blir redusert med 4 000 mill. kroner, frå 25 000 til 21 000 mill. kroner.

Kap. 5440, post 24 Driftsresultat blir auka med netto 12 900 mill. kroner, frå 110 600 til 123 500 mill. kroner.

Dei foreslåtte endringane medfører samla sett at netto kontantstraum frå SDØE blir auka med 16 900 mill. kroner, frå 108 800 til 125 700 mill. kroner.

Kap. 2442 Disponering av innretningar på kontinentalsokkelen

Post 21 Spesielle driftsutgifter, kan overførast

Løyvinga blir foreslått redusert med 9 mill. kroner som følgje av lågare utgifter knytt til fjerningsarbeid.

Nytt forslag til løyving er 1,6 mill. kroner.

Kap. 4800 Olje- og energidepartementet

Post 70 Garantiprovisjon, Gassco

Løyvinga blir foreslått redusert med 0,15 mill. kroner.

Nytt forslag til løyving er 1,25 mill. kroner.

Kap. 4810 Oljedirektoratet

Post 1 Gebyrinntekter

Løyvinga blir foreslått auka med 3,1 mill. kroner, jf. omtale og tilsvarande auke av løyvinga under kap. 1810 post 21.

Nytt forslag til løyving er 16,8 mill. kroner.

Post 2 Oppdrags- og samarbeidsverksemd

Løyvinga blir foreslått redusert med 4 mill. kroner, jf. omtale og tilsvarande reduksjon av løyvinga under kap. 1810 post 21.

Nytt forslag til løyving er 70,4 mill. kroner.

Kap. 4820 Noregs vassdrags- og energidirektorat

Post 1 Gebyrinntekter

Løyvinga blir foreslått redusert med 3,5 mill. kroner.

Nytt forslag til løyving er 55,5 mill. kroner.

Kap. 5582 Sektoravgifter under Olje- og energidepartementet

Post 70 Bidrag til kulturminnevern

Løyvinga blir foreslått redusert med 6,5 mill. kroner.

Det blir ikkje foreslått løyving under posten i 2011.

Bruk av fullmakter under petroleumsverksemda

Som ein del av den årlege handsaminga av statsbudsjettet gir Stortinget fullmakter til Kongen i statsråd og Olje- og energidepartementet knytta til petroleumsverksemda, jf. Prop. 1 S og Innst. 9 S (2010–2011).

Olje- og energidepartementet gjer i proposisjonen greie for bruk av fullmakt XII – Utbyggingsprosjekt på norsk kontinentalsokkel i høve til 2011, for: Visund Sør, Hyme, Vigdis Nordøst, Stjerne, Atla og Brynhild.

Statnett som registeransvarleg under elsertifikatordninga

Departementet viser til at som ein del av forvaltinga av elsertifikatordninga skal det opprettast eit elektronisk register for elsertifikat, jf. Prop. 101 L (2010–2011). Det leggjast opp til at Statnett SF skal vere registeransvarleg og kan få dekt sine faktiske kostnader gjennom gebyr, og at departementet kan fastsetje nærmare reglar om gebyr for registrering og kontoføring i elsertifikatregisteret. Dei samla gebyra skal tilsvare dei faktiske kostnadene registeransvarleg har ved effektiv utvikling og drift i ordninga si levetid.

NVE har ansvar for å følgje opp og godkjenne Statnetts gebyrstruktur under elsertifikatordninga.