Presidenten: Frå Statsministerens kontor ligg føre følgjande brev til Stortinget, datert 5. oktober 2001:

«I statsråd for H.M. Kongen holdt på Oslo slott 5. oktober 2001 kl. 1100 er bestemt:

Statsråd Jørgen Hårek Kosmo gis etter søknad avskjed i nåde fra embetet som medlem av Kongens råd med virkning fra 5. oktober 2001 kl. 1200.

Fra samme tidspunkt overtar statsråd Sylvia Kristin Brustad bestyrelsen av Arbeids- og administrasjonsdepartementet i tillegg til Kommunal- og regionaldepartementet.

Hun overtar også ansvaret som Nordisk samarbeidsminister.»

Presidenten gjer framlegg om at det refererte brevet blir lagt ved møteboka – og ser det som vedteke.

Den tidlegare medlemen av Regjeringa, Jørgen Hårek Kosmo, har teke sete som representant.

Det ligg føre ei rekkje permisjonssøknader:

• frå Kristeleg Folkepartis stortingsgruppe om sjukepermisjon for representanten Arne Lyngstad frå og med 8. oktober og inntil vidare

• frå representanten Steinar Bastesenom velferdspermisjon i tida frå og med 8. oktober til og med 11. oktober

• frå representanten Olav Gunnar Ballo om velferdspermisjon i tida frå og med 8. oktober til og med 19. oktober

• frå representantane Gunnar Halvorsen og Anne Helen Rui om permisjon i tida frå og med 8. oktober til og med 10. oktober– begge for å ta del i den 47. sesjonen i NATO-parlamentarikarforsamlinga i Ottawa i Canada

Desse søknadene blir foreslått handsama straks og innvilga. – Det er vedteke.

Frå første vararepresentant for Finnmark fylke, Kirsti Saxi, ligg føre søknad om å bli friteken for å møte under representanten Olav Gunnar Ballo sin permisjon i tida frå og med 8. oktober til og med 14. oktober, av velferdsgrunnar.

Etter framlegg frå presidenten vart samrøystes vedteke:

• 1. Søknaden blir handsama straks og innvilga.

• 2. Følgjande vararepresentantar blir innkalla for å møte i permisjonstida:

  For Aust-Agder fylke: Liv Marit Moland

  For Finnmark fylke: Kirsti Saxi og Charles Mortensen

  For Nordland fylke: Karl-Anton Swensen

  For Nord-Trøndelag fylke: Astri Wessel

  For Vestfold fylke: Dag Terje Andersen

Presidenten: Liv Marit Moland, Charles Mortensen, Karl-Anton Swensen, Astri Wessel og Dag Terje Andersen er til stades og vil ta sete.