Åge Austheim (FrP) [11:42:42]: Mitt spørsmål
til statsråden er følgende:
«Eierkommunene i Fastlandsfinans
har søkt Samferdselsdepartementet om å få forskuttere
nødvendig utbedring av Freifjordtunnelen. I ni år har saltvann
rent inn, stein, lysarmatur og nå nylig en vifte har falt ned. Samtidig
har trafikkveksten vært høy, og mange trafikanter opplever
utrygghet når de kjører gjennom tunnelen.
Når vil
nødvendig utbedring av Freifjordtunnelen kunne starte, og vil statsråden
ta grep for å forsere oppstart av utbedring?»
Statsråd Liv Signe Navarsete [11:43:25]: Som eg svara i spørjetimen onsdag 21. november 2007 på
spørsmål frå representanten Leif Helge Kongshaug, er
det ei prioritert oppgåve å kome i gang med å rehabilitere
Freifjordtunnelen. Den avgjerande grunnen til at arbeidet enno ikkje har
starta opp, er manglande avklaringar frå Arbeidstilsynet på
eit arbeidsopplegg som sikrar eit tilfredsstillande arbeidsmiljø
for dei som skal gjennomføre rehabiliteringsarbeidet. Statens vegvesen
har lagt fram eit arbeidsopplegg som inneber at rehabiliteringa av Freifjordtunnelen
kan gjennomførast parallelt med at trafikken vert avvikla. Arbeidstilsynet
har i brev av 14. desember 2007 gjort vedtak om at dei ikkje vil tillate
arbeid i Freifjordtunnelen kombinert med avvikling av trafikk. Statens vegvesen
vil på prinsipielt grunnlag klage på vedtaket frå Arbeidstilsynet.
Rehabiliteringa av Freifjordtunnelen er føresett finansiert med
midlar frå det sentrale tunnelsikringsprogrammet. Det kan vere mogleg
å starte opp prosjektet med forskotterte midlar i 2008 mot seinare
refusjon frå staten, dersom det vert tillate å setje i gang
arbeida. Statens vegvesen vil vurdere denne moglegheita så snart det
ligg føre ei avklaring i høve til Arbeidstilsynet og eit nytt
kostnadsoverslag for Freifjordtunnelen.
Åge Austheim (FrP) [11:44:46]: Jeg takker
statsråden for svaret og stiller følgende oppfølgingsspørsmål:
Da Hanekleivtunnelen fikk behov for utbedring, ble arbeidet igangsatt umiddelbart
- og uten krav om bompengebetaling fra trafikantene. I Freifjordtunnelen
må trafikantene betale bompenger, og ni år er gått uten
at nødvendig utbedring er gjennomført.
Ser statsråden
at dette kan oppleves som en urimelig forskjellsbehandling?
Statsråd Liv Signe Navarsete [11:45:26]: Det er viktig å streke under at årsaka til at det ikkje
er starta opp rehabilitering av Freifjordtunnelen, ikkje handlar om økonomi
i dag. Det handlar om at Arbeidstilsynet har gjort eit vedtak som nektar
Statens vegvesen å utføre arbeid medan det går trafikk
i tunnelen. I Vestfold kunne ein stengje tunnelen og ha enkle omkøyringsvegar
- rett nok belastande for lokalsamfunnet - men det er likevel ei mykje meir
krevjande oppgåve å finne slike løysingar i Freifjordtunnelen.
Det er òg eit prinsipielt spørsmål om det skal vere
forbod mot trafikk i tunnelar medan ein har rehabilitering. Dei fleste tunnelar
som har vore under rehabilitering, har vorte rehabiliterte medan trafikken
har vorte avvikla i trygge former. At ein her har gjort eit slikt vedtak
i Arbeidstilsynet, er det derfor nødvendig å avklare tydelegare.
Det er derfor Statens vegvesen ankar, for det er òg ei prinsipiell
sak, som gjeld heile landet.
Åge Austheim (FrP) [11:46:32]: Jeg avslutter med
følgende tilleggsspørsmål til statsråden: Det
foreligger en søknad fra Fastlandsfinans om å forlenge perioden
for bompengeinnkreving ved Freifjordtunnelen. Vil Samferdselsdepartementet
svare ja eller nei på den søknaden som nå har foreligget
i svært lang tid?
Statsråd
Liv Signe Navarsete [11:47:00]: Til det kan eg verken
svare ja eller nei her. Det er ei sak som går som vanleg - gjennom
Vegdirektoratet til departementet. Når saka er ferdig handsama, skal
me sjølvsagt sende henne vidare. Då skal òg svaret på
det kome.
Berre ei tilleggsopplysning i forhold til mitt førre
svar: Det er òg klart at det vedtaket som er gjort i Arbeidstilsynet,
ganske sterkt fordyrar både Ålesundstunnelane og Freifjordtunnelen.
Det er slik viktig å sjå på - og det må eg kanskje
gjere i samarbeid med statsråd Bjarne Håkon Hanssen - regelverket
for Arbeidstilsynet og korleis dei handhevar dette. Dette har òg
ei økonomisk side, som på sikt kan verte viktig i høve
til avviklinga av rehabiliteringsarbeid i tunnelar.
Presidenten: Spørsmål 9 vil bli besvart til slutt i spørretimen.