Presidenten: Representanten Vidar Bjørnstad, som har vore permittert, har igjen teke sete.

Den innkalla vararepresentanten for Buskerud fylke, Nina Mjøberg, har teke sete.

Frå Arbeidarpartiets stortingsgruppe ligg det føre søknad om sjukepermisjon for representanten Hill-Marta Solberg frå og med 27. mai og inntil vidare.

Presidenten foreslår at denne søknaden blir behandla straks og innvilga - og ser det som vedteke.

Frå første vararepresentant for Nordland fylke, Knut Petter Torgersen, ligg det føre søknad om å bli friteken frå å møte i Stortinget under representanten Hill-Marta Solbergs permisjon, av velferdsgrunnar.

Presidenten foreslår at også denne søknaden blir behandla straks og innvilga - og ser det som vedteke.

Andre vararepresentant for Nordland fylke, Gunnar Skjellvik, blir innkalla for å møte i permisjonstida. - Det er vedteke.

Gunnar Skjellvik er til stades og vil ta sete.

Val av setjepresidentar

Presidenten: Presidenten vil gjere framlegg om at det blir valt to setjepresidentar for Stortingets møte i dag og for resten av inneverande veke - og ser det som vedteke.

Presidenten vil gjere framlegg om Anders Anundsen og Hans Frode Kielland Asmyhr. - Andre forslag ligg ikkje føre, og Anders Anundsen og Hans Frode Kielland Asmyhr er samrøystes valde som setjepresidentar for Stortingets møte denne veka.